Genesis 29:31 - Mawu a Mulluku

³¹ Apwiya yoonille wi Yakobo khaamukonda wunchichi Leya, yahaakhullella wi Leyooyo aayare anamwani koma Rakele iyaayi.

Genesis 29:31 ပူးပေါင်းရင်းမြစ်များ

Mateyu 10:37

“Oyo anaakonda attiitthinnya apaalle amennya ohiyana ni miyaano khanaphwanella okhalla oohudderaaka, oyo anamukonda mwanaye aamullopwana apaalle mwanaye aamutthiyana ohiyana ni miyaano khanaphwanella okhalla oohudderaaka.

1 Samuele 2:21

Apwiya yaamudalisa Hana wawi aakhalla ni erukullu aayara anamwani aallopwana araru aatthiyana eelli. Koma Samuele ahunnuwella o Shilo mu enyumba ya Apwiya.

Masalimo 127:3

Ddawoona, anamwani tti emphaso yoovenyera wa Apwiya, edduullu tti yoothuviwa yoovenyera wa alliwa.

1 Samuele 1:5

Aanamuvaha Hana enama yinchichi omukhwaranya arive muthu vawi aanamukonda. Naari Apwiya yamweerihalle wi ahiyareke.

Deuteronomo 21:15

Ttuuweereya wi muthu ookhalla ni atthiyana eelli, mmodda ookondiwa mmodda awiitiwa, attheenaayo yaayara anamwani aallopwana koma mwaana awaamba okhalla a mutthiyana awiitiwoolle.

Eksodo 3:7

Vano Apwiya yaallota wi, “Kohoona ohoosiwa wa athwaaka o Iguputo. Kohiiwa okhuwa wi ekaviheriwe, ekaamba ya uullupalli a thangata ayo enaahoosa. Kinnadduwella phaama ddoovoreya ddiwa.

Genesis 29:30

Sika Yakobo aakonana Rakele nave aamukonda wunchichi omukhwaranya Leya. Sika aamupharellattho mutteko Labani miyakha misese ni miilli.

Yohane 12:25

Oyo anakonda okumaaye eneerowutathilla nave oyo aniitana ni okumaaye mu ellapo yavattheella aneerokhalla ni okumi woohimalla.

Luka 14:26

“Muthu aapaallaka okhalla oohudderaaka akikondeke miyaano ohiyana ni attiitthinnya ni amennya, mwaariye ni anaaye, asinne ni arokoriye naari okumaayeene.

Luka 1:7

Nave kheyaarina mwaana kaambiiwa Elizabeti khaayara nave eellaalla yahuulluvalla.

Genesis 30:22

Vano Mulluku aamuupuwella Rakele nave ahiiwa ovekella waye vawaakhullellani wi aayare anamwani.

Genesis 27:41

Vano Esau aamwiita Yakobo ekaamba yawi munipuroni mwa olliye, attiitthinnya yaamudalisa Yakobo. Nave m'murimanimurimani aallota wi, “Enthawi yawinlla okhwa wa attiitthaaka eri vakhuviru, vatulli viwa kineeromwiipha Yakoboolla.”

Genesis 25:21

Vano vawi mwaara Isaki khaayara, Isakooyo aamuvekella mwaariye wa Apwiya. Apwiya yahiiwa ovekella waye nave Rebeka aakusa erukullu.

Malaki 1:3

nave kahiitanana Esau ni edduullu ddaye. Kaatthattusa miyaango ddaye matepe ni ovelleella yoohallanaaye wa akhatwe a mu echipululu.”

Mateyu 6:24

“Khaavo mullupa mutteko anawora waarumeyella apwiya eelli vawi aneeromwiita mmoddooyo nave aneeromukonda mmoddooyo apaalle aneeromwiiwellella mmoddooyo nave aneeromuvevulla mmoddooyo. Emoddamoddave yeeyo khamuwora omurumeyella Mulluku ni orumeyella eyuuma.

1 Samuele 1:27

Mwaanoolla kaarimamuveka nave Apwiya yaakivaha eyo kavekilleemi.

1 Samuele 1:20

Hana aakhalla ni erukullu nave aamuyara mwaana mullopwana amuvaha nnddina nawi Samuele ottaphullella wi, “Kimuvekille olliye wa Apwiya.”

Genesis 16:1

Sarai mwaara Abramu, khaamuyarelle Abramooyo anamwani. Koma Sarai aakhalla ni kaporo o Iguputo nnddina naye Hagara.

Mitteko 7:8

Vano Mulluku aamulamulella Abrahamu dda ophaddiwa wi okhalle echizindikiro ya echipanganwiiwa. Vano Abrahamu aamuphadda mwanaye Isaki aariiye ni mallapo matthanu ni mararu. Isaki aamuphadda mwanaye aamullopwana Yakobo, nayeenettho Yakobo ahaaphadda anaaye aallopwana khumi ni eelli, ayottho eri makhollo a nlloko nahu.

Genesis 29:32

Nave Leya aakusa erukullu nave aamuyara mwaana aamullopwana. Sika aallota wi, “Apwiya ahoona ddookatamiha ddaka. Ddawoona vano mamunaka aneerewaamba okikonda.” Mwawi ddiiddo mwaanooyo aamuvaha nnddina nawi Rubeni.

Genesis 35:23

Anamwani aallopwana a Leya yaari Rubeni mwaana awaamba a Yakobo, Simeoni, Levi, Yuda, Isakara ni Zebuloni.

Rute 4:13

Sika Bowazi aamutthella Rute nave Apwiya yaamudalisa Rutooyo wawi aakhalla ni erukullu amuyara mwaana aamullopwana.

Genesis 11:30

Sarai khaarina anamwani kaambiiwa khaayara.