Genesis 29:25 - Mawu a Mulluku

²⁵ Osaka wene ohinase, Yakobo ahoona wi mutthiyanooyo tti Leya. Sika aamukoha Labani wi, “Kaambiiwa tini mukeerenlleenyu ddenndda? Ethiyo valle nguupharelleni mutteko wi kimutthelle Rakele? Kaambiiwa tini mukillenkeenyu?”

Genesis 29:25 ပူးပေါင်းရင်းမြစ်များ

Mateyu 7:2

Vawi Mulluku aneeroweeruzani moophwanaphwana ni mmo munaaweeruzelleenyu athu amodda navettho aneerophariha mutteko mulingo woophwanaphwana ni oyo munaphariheenyu mutteko wa athu amodda.

Miyambo 11:31

Ngoonani, muthu oolungama eneerothuviwa vatthi vaava, ori wawiidde athu oonanara ni oochimwa.

Yawuupullulla 3:19

Kinnaahumullulla ni waallaka attheene kinaakondeemi. Vano llipihellani wi murukunuwe murima.

1 Akorinto 3:13

Nave oreera wa mutteko wa arive muthu oneerewuupullulliwa va nllapo na echiweruzo vawi nllaponno nineerophiya ni munllo nave munllooyo sika onaalinge mitteko dda arive muthu.

Oweeruza 1:7

Vano Adonibezekoolle aallota wi, “Mamwene 70 oophaddeya eyaalla dduullupalli dda m'mattani ni ddam'manyalloni yaanatota enyenyeri vatthi va tebulwaaka. Vano Mulluku ookihokollosella nnddo kaaweerelleemi,” Vano aakuselliwa o Yerusalemu. Nave aakhwella wenko.

Genesis 12:18

Sika Farao aamwiithana Abramu amukoha wi, “Ethiyo weyaano, okeerille tini? Kaambiiwa tini wahikilleelleewe wi olla tti mwaariyo?

Yohane 21:17

Yesu aamukoha waneeraru wi, “Simoni, mwaana a Yohane, onnakikonda miyaano?” Petro aamoriwa ethakaraka kaambiiwa Yesu aamukoha waneeraru wi, “Onnakikonda miyaano?” Sika aallota wi, “Apwiya, munnadduwella ddittheddene, munnadduwella wi kinnuukondani nyuwaano!” Yesu aallota wi, “Chihaka enkhosa ddaka.

Mateyu 7:12

“Muweerelleke athu amodda nnddo munapaalleenyu wi eweerellekeni nyuwaano. Nngu sika ottaphullella wa malamulo a Mose ni ehuddiho ya anamallotella.

Genesis 20:9

Sika Abimeleki aamwiithana Abrahamu amukoha wi, “Ethiyo oneerenlleeweella tti tini? Ethiyo kuuchimwenlle tini wi okittatthamullelle ddookatamiha mwawi ddiidda miyaano ni athu attheene a mu omwenaaka? Okeerelleewenndda khe ddaphaama.

Genesis 26:10

Abimeleki aamukoha wi, “Kaambiiwa tini oneerenlleewe ddiidda? Mmodda mwa athwaakaalla akonilleke ni mwaariyooyo, weyaanothi waweeromuchimwiha.”

Genesis 29:24

(Enthawi yeeyo Labani aamuvelleellattho kaporwaaye Zilipa wa Leya.)

Genesis 29:26

Labani ahaakhulla wi, “Khaddineereyeke owanihu wuno wi mung'onong'ono atthelliwe muullupallaaye ahinatthelliwe.

Genesis 31:7

Koma alliwaayo aakilleka nave aakhalla yaakakhanihaka mallivellwaaka okhumi. Koma Mulluku khaapaallille wi akeerelle ddoonanara.

Rute 4:11

Athu attheene yaari vamullakoni valle ni attekweenaalle yaallota wi, “Ee, hiyaano tti amboni. Mutthiyana oyo onaamutthelleewe, Apwiya emweerihe wi akhalle wonanko Rakele ni Leya, atthiyana ayo yamuyarele Yakobo anamwani anchichi. Weyaano okhalle muthu eeyuuma mu nlloko na Efurata nave okhalle muthu oovuwa mu etawoni ya Betelehemu.

1 Samuele 28:12

Mutthiyanoolle amoonille Samuele, aakhuwa wuullupalli wi, “Kaambiiwa tini mukillekilleenyu? Nyuwaano tti mwene Saulo!”

Genesis 29:16

Labani aari ni anamwani aatthiyana eelli, muullupalli Leya, mung'onong'ono Rakele.

Genesis 31:26

Labani aamukoha Yakobo wi, “Kaambiiwa tini okillekilleewe niwaakusa anaaka aatthiyana wonanko oophariwa okhotoni?