Genesis 29:17 - Mawu a Mulluku

¹⁷ Leya aari ooreera miittho koma Rakele aari a mwiilli wawoopeya phaama nave ooreera wunchichi.

Genesis 29:17 ပူးပေါင်းရင်းမြစ်များ

Genesis 12:11

Eri vakhuviru ollapuwa malire a ellapo ya Iguputo, aamulleella mwaariye Sarai wi, “Kinnadduwella wi weyaano ori mutthiyana ooreera.

Mateyu 2:18

“Okhuwa onniiweya o Rama, wa ekutho ni winlla wunchichi, Rakele anawinllella anaaye, animakhoota okhurumusiwa murima, kaambiiwa anaaye aakhwa.”

Yeremiya 31:15

Apwiya enallota wi, “Okhuwa onniiweya o Rama, wa ekutho ni winlla wunchichi. Rakele anawinllella anaaye, animakhoota okhurumusiwa murima, kaambiiwa anaaye aakhwa.”

Miyambo 31:30

Ekhove yookusa murima tti yoolleka, oreera wiwa khonallekella koma mutthiyana oowoova Apwiya sika anariihiwa.

1 Samuele 10:2

ollellova nahiyana oneerokumana ni athu eelli va mahame a Rakele o Zeliza mu echigawo ya Benjamini. Alliwaayo eneerewuulleella wi abulu wawaashaawaalle aaphwanyeya. Nave attiittho aahiya ddawaakhupanya abulwaayo koma enakhupanya dda weyaano, enallota wi, ‘Kinaawere tini miyaano vawi mwanaka khanooneya?’

Genesis 48:7

Kenre ddenndda ekaamba yawi enthawi kavenyereemi o Mesopotamiya, amaayo Rakele yakhwenlle mu ellapo ya Kanani, vihanlle mwanamutunda wi niphiye o Efurata. Ethakaraka ddaakimora wunchichi. Vano nahaavittha wenko mukhwipi mwa musewu wooyeella o Efurata.” (Efurata tti Betelehemu.)

Genesis 39:6

Sika vano Potifara aahiya ddittheddene aariiyena m'mattani mwa Yosefe, mwawittho khaapwatha erive ello, opatula yoochave eyo acheeye. Yosefe aari awooneya phaama ni ooreera.

Genesis 35:24

Anamwani a Rakele yaari Yosefe ni Benjamini.

Genesis 30:22

Vano Mulluku aamuupuwella Rakele nave ahiiwa ovekella waye vawaakhullellani wi aayare anamwani.

Genesis 29:18

Yakobo aamukonda Rakele nave aallota wi, “Kineerewuupharellani mutteko miyakha mitthanu ni miilli ekaamba ya mwaninyu Rakele.”

Genesis 24:16

Rebeka aari namwalli ooreera wunchichi nave oohimudduwella mullopwana. Olliye aakitthella wiihimeni wulle nave arikenlle maaddi m'munoni aakhumawo.

Genesis 12:14

Abramu allapuwalle malire ovollowa mu Iguputo, Aiguputo yahoona wi mutthiyanooyo tti ooreera wunchichi.

Genesis 26:7

Athu a wenko emukohille dda mwaariye, Isaki aallota wi, “Olla tti murokoraka.” Nave oova allota wi, “Tti mwaaraka,” athu a wenko ttuumwiipha wi amutthelle Rebeka vawi aari ooreera wunchichi.

Genesis 29:16

Labani aari ni anamwani aatthiyana eelli, muullupalli Leya, mung'onong'ono Rakele.

Genesis 29:30

Sika Yakobo aakonana Rakele nave aamukonda wunchichi omukhwaranya Leya. Sika aamupharellattho mutteko Labani miyakha misese ni miilli.