Genesis 29:14 - Mawu a Mulluku

¹⁴ Vano Labani aallota wi, “Ee, ddawoona, weyaano tti mbalaaka a vanikutthani.” Yakobo aakhalla wenko va enthawi yookwakhwana mweeri mmodda.

Genesis 29:14 ပူးပေါင်းရင်းမြစ်များ

Oweeruza 9:2

“Akoheni athu a o Shekemu wuno wi, ‘Yaphaama ttiivi wa nyuwaano wi anamwani attheene 70 a Yerubaala yuulamulellekeni apaalle wi mmoddave uulamulellekeni? Muupuwellekethi wi miyaano tti mbalaanyu a vanikutthani.’ ”

Genesis 2:23

Vano mullopwana aallota wi, “Vano olla sika nikhuva na makhuvaaka, nave muhehe wa muhehaaka. Anaaromolliweke wi Mutthiyana, ekaamba yawi akusiwe ovenyera wa mullopwana.”

2 Samuele 5:1

Vano malloko mattheene a Aisraele yaatthukumana vamodda wa Davide o Hebroni nave yaamulleella wi, “Ngoonani, hiyaano ni nyuwaano niri a nikhame nimodda.

Mika 7:5

Ohimuroromelleke munasaawo apaalle mukhwaawo a vamurimani. Ohaaheyeke okawana ddawiipittheya naari ni ookona omirimani wawo.

Genesis 29:15

Vano Labani aamulleella Yakobo wi, “Khe phaama wi okirumeyelleke moohillivelliwa, ekaamba yawi hiyaano tti abale. Okilleelle nnddo onapaalleewe wi kuullivelle.”

Genesis 29:12

Nave aamulleella wi, “Mi tti mwaana a Rebeka, murokora aattiittho.” Vano Rakele aathamaka wi aalleelle attiitthinnya.

Genesis 13:8

Sika Abramu aamulleella Loti wi, “Hiyaano niri voobaleni, sika vihikhalle okangana variyari va weyaano ni miyaano, emoddamoddave yeeyo variyari va abusaawo ni abusaaka.

Aefeso 5:30

vawi hiyaano tti eziwalo dda mwiillaaye.

Aroma 11:14

Vaweerani ddenndda kinapaalla oweeriha Aisraele akhwaaka wi ekhalle ni ehache wi evullusiwe amodda a yaayo.

Genesis 37:27

Hankoni nimukullihe wa amalondaalla vawi olliyoolla tti mwanamunnihu a nipelle nimodda.” Nave asinnaayo yahaakhullella.