Genesis 29:1 - Mawu a Mulluku

¹ Vano Yakobo aavirellella ni olendwaaye wooya o ellapo ya athu a wookhuma nndduwa.

Genesis 29:1 ပူးပေါင်းရင်းမြစ်များ

Oweeruza 6:3

Aisraele yaalla mmiddo ddiwa, Amidiyani ni Aamaleke ni athu a wookhuma nndduwa, yaanawa enawanana ekhoto.

Oweeruza 6:33

Vano Amidiyani ni a Aamaleke attheene ni athu attheene a wookhuma nndduwa, yaatthukumana nave ellapuwalle muhinje wa Yordani, yaatthipella misasa dda athu akhoto mu ntapo na Yezireele.

Hoseya 12:12

Yakobo aathawella mu ellapo ya Mesopotamiya wenko olliye aaphara mutteko woomullimella mutthiyana. Aanachiha enkhosa wi amutthelle mutthiyanooyo.

Oollalleya 9:7

Vano khawe wache yoochaawo moohakallalla nave wamuwirye vinywaawo ni murima woohakallalla vawi Mulluku ohaakhullella khalle ddaweera ddawonnddo.

Masalimo 119:60

Kinnaakuva wunchichi, nginaselliwa othwara malamulwaanyu.

Masalimo 119:32

Kineerothwara moohakallalla ettilla dda malamulwaanyu, mwakoonjerera ezeru.

Numeri 23:7

Vano Balamu ahaamba ollotella wi, “Balaki mwene a o Mowabu ookiithana ovenyera o Siriya, omiyaangoni dda wookhuma nndduwa wi, ‘Waawoni mumutembelele Yakobo munipuroni mwaka, waawoni mumwaashere Israele ddoonanara.’

1 Mamwene 4:30

Solomoni aakhalla ni ezeru waakhwaranya athu attheene a wookhuma nndduwa ni dda attheene a o Iguputo.

Oweeruza 8:10

Enthawi yeeyo Zeba ni Zalimu yaari eri o Karikori ni akhotwiiwa, ayo yaari athu vakhuviru 15,000. Alliwaalla tti akhoto ayo yahanlle mwa akhoto oovenyera wookhuma nndduwa vawi akhoto 120,000 yaari ekhwille.

Oweeruza 7:12

Amidiyani ni Aamaleke ni athu oovenyera wookhuma nndduwa yaaddalla mutapo mutthemwene wonanko nazombe ekaamba ya waata wiwa. Nave ekamira* ddiwa ddaari ddawaata wonanko mihava dda mukhwipi mwa enyanja.

Genesis 25:20

Isaki aari ni miyakha 40 enthawi eyo amutthellilleeye Rebeka mwaana a Betuele Muaramu a o Mesopotamiya. Murokoriye Rebeka aari Labani, Muaramu.

Genesis 24:10

Vano mullupa muttekooyo aakusa ekamira* khumi dda apwinnya ni emphaso ddinchichi ddoowallamella mutengo nave aaya o muzinda wa Nahori, mu ellapo ya Mesopotamiya.

Genesis 25:6

Koma ahinakhwe ahaakawellawo emphaso anaaye amoddaalle aayarilleeye mwa awariye ang'onong'ono. Attheenaayo ahaarumiha o ellapo ya wookhuma nndduwa wi yakhalle wenko, waavenyihawo wa mwanaye Isaki.

Genesis 35:1

Vano Mulluku aamulleella Yakobo wi, “Timulla, oye o Betele, wakhalle wenko. Wamakewo nikuwa na Mulluku oyo awooneyelle enthawi wamuthaweewe mwanamunno Esau.”

Genesis 35:7

Aamaka nikuwa wenko nave nipuronna yaaniromolla Betele, ekaamba yawi wenko sika Mulluku adduupullullalleeye wa Yakobo enthawi amuthaweeye mwanamunne.