Genesis 28:22 - Mawu a Mulluku

²² Nlluku na yawuupuwelliha kiimesilleeminna ninaakhalle enyumbaanyu nave miyaano kineerowinnyani yaneekhumi ya ddittheddene munaakivaheenyu.”

Genesis 28:22 ပူးပေါင်းရင်းမြစ်များ

Genesis 35:7

Aamaka nikuwa wenko nave nipuronna yaaniromolla Betele, ekaamba yawi wenko sika Mulluku adduupullullalleeye wa Yakobo enthawi amuthaweeye mwanamunne.

Genesis 14:20

Atitimihiwe Mulluku Amasiva Mattheene oyo aweerihalle wi waagonjihe adanaawo.” Vaavo Abramu aavelleella wa Melkizedeki erive yaneekhumi ya ddeko ddittheddene aakhilleeye.

Genesis 35:1

Vano Mulluku aamulleella Yakobo wi, “Timulla, oye o Betele, wakhalle wenko. Wamakewo nikuwa na Mulluku oyo awooneyelle enthawi wamuthaweewe mwanamunno Esau.”

Genesis 33:20

Nave aamaka nikuwa vaavo, aniromolla wi Eli Elohe Israele, ottaphullella wi Mulluku tti Mulluku a Israele.

Genesis 28:17

Ahoova nave aallota wi, “Hii, nipuronna tti noottikhiniha! Vaava tti enyumba ya Mulluku navettho tti mullako wooddullu.”

Genesis 12:8

Vatulli viwa aasusella o miyaango dda wookhuma nndduwa wa Betele nave aatthipella musasaaye variyari va Betele woovollowa nndduwa ni Ai wookhuma nndduwa. Wenkottho aamakawo nikuwa nave ahaallapella Apwiya.

Genesis 21:33

Sika Abrahamu ahaalla muteekho wa bwemba o Beeresheba nave ahaallapella Apwiya Mulluku a Enthawi yoohimalla.

Genesis 47:24

Va enthawi yoohata muneerovelleella wa Farao erive yaneetthanu ya ddoohata ddanyunnddo nave ddittheddene ddoohallannddo ddinaakhalle ddaanyu. Ddimodda muddisunge mmiddo koma ddimoddannddo muche ni mabanjaanyu mattheene.”

Genesis 47:26

Sika Yosefe aakeraatthiha lamulo mu ellapo ettheene ya Iguputo wi erive yaneetthanu ya ddoohata enaakhalle ya Farao. Lamulo nenna nookhallawove ophiyera ollellova. Koma ellapo dda allupa mukuthove khaaddikusalle wi ddikhalle dda Farao.

Malaki 3:10

Muweena o enyumbaaka yoosungellamo ddaneekhumi ddampuphullu wi okhalle ddoocha ddinchichi. Mukeese nave muneerewoona kuuhullellakani mawindo a oddullu ni owiithellellani madaliso manchichi. Mi Apwiya Amasiva Mattheene koollota.