Genesis 28:2 - Mawu a Mulluku

² Khawe o Mesopotamiya, owaniwa wa Betuele, attiitthiiwa a amaaywaalla. Wenko wamutthelle mmodda a anamwani aatthiyana a Labani, murokoriwa a amaaywaalla.

Genesis 28:2 ပူးပေါင်းရင်းမြစ်များ

Genesis 25:20

Isaki aari ni miyakha 40 enthawi eyo amutthellilleeye Rebeka mwaana a Betuele Muaramu a o Mesopotamiya. Murokoriye Rebeka aari Labani, Muaramu.

Hoseya 12:12

Yakobo aathawella mu ellapo ya Mesopotamiya wenko olliye aaphara mutteko woomullimella mutthiyana. Aanachiha enkhosa wi amutthelle mutthiyanooyo.

Genesis 46:15

Nndda sika edduullu nnddo Leya amuyarenlleeye Yakobo o Mesopotamiya nave vaakhallattho mwanaye aamutthiyana, Dina. Attheene vamodda yaarivo 33.

Genesis 35:9

Yakobo awiillewo o Mesopotamiya wulle, Mulluku aamooneyellattho nave amudalisa.

Genesis 32:10

Miyaano ngiphwanenlle waakhella echikondi yoohisintheya ni echikhulupililo yoororomelleya mukoonihalleenyu mi oorumeyellaanyu. Kamullapuwalle Yordani kihinna erive ello koma kaarina ekopove koma vano kinahokollowa ni milloko miillinndda.

Genesis 28:5

Sika Isaki aamurumiha Yakobo o Mesopotamiya wa Labani, mwaana a Betuele Muaramu. Labani aari murokoriye a Rebeka, amennya a Yakobo ni Esau.

Genesis 24:50

Labani ni Betuele yahaakhulla wi, “Vawi nndda tti ddoovenyera wa Apwiya, hiyaano khaninna yoollota.

Genesis 24:29

Vano Labani, murokoriye a Rebekooyo aathamakella wiihimeni waari mullupa mutteko a Abrahamu wulle. Labani ahoona echipiniille ni ebangili m'muwononi mwa murokoriye nave aamwiiwa Rebekooyo allotaka nnddo muthooyo amulleelleeye. Aphiyalle veehimeni valle, amuphwanyille mullupa mutteko a Abrahamoolle iimenlle vakhuviru ni ekamira.

Genesis 24:10

Vano mullupa muttekooyo aakusa ekamira* khumi dda apwinnya ni emphaso ddinchichi ddoowallamella mutengo nave aaya o muzinda wa Nahori, mu ellapo ya Mesopotamiya.

Genesis 29:1

Vano Yakobo aavirellella ni olendwaaye wooya o ellapo ya athu a wookhuma nndduwa.

Genesis 33:18

Vatulli viwa Yakobo aaphiya phaama o muzinda wa Shekemu mu ellapo ya Kanani, ahokollowille ovenyera o Mesopotamiya. Nave aatthipella misasa vanipuroni na vakhuviru ni muzindooyo.

Genesis 24:4

Oye owaani nave wamwaashere mwanaka mutthiyana wenko variyari va abalaaka.”

Hoseya 12:13

Apwiya yahaakhumiha Aisraele o ellapo ya Iguputo oweella mwa namallotella. Nave yaasungeya mwa anamallotellaayo.