Genesis 28:18 - Mawu a Mulluku

¹⁸ Sika Yakobo aavenya osaka wene ohinase nave aakusa nlluku ahameellihalleeye murunne aniimesa wi nikhalle nlluku na yawuupuwelliha. Vano aanizoza ni makhura nllukunno.

Genesis 28:18 ပူးပေါင်းရင်းမြစ်များ

Genesis 35:14

Yakobo ahiimesa nlluku na yawuupuwella va nipuro nenno. Aavelleella mukutho wayoowirya vanllukunimvo nave aanizoza ni makhura.

Genesis 31:45

Sika Yakobo ahiimesa nlluku na yawuupuwella.

Genesis 35:20

Nave Yakobo ahiimesa nlluku na yawuupuwella va mahame a Rakele. Nllukunno nookhallawove ophiyera ollello.

Genesis 31:13

Mi tti Mulluku awooneyelle o Betele wulle wiimesilleewe nlluku na yawuupuwella nave waanizoza ni makhura navettho wenko waallupella. Okhozeke vano, ovenyewo wuno, ohokollweelle o ellapo yoowaninyu.’ ”

Yesaya 19:19

Nllapo nenno muwari mwa ellapo ya Iguputo muneerokhalla nikuwa na Apwiya nave vakhuviru ni malire vineerokhalla nlluku na yawuupuwelliha Apwiya.

Oollalleya 9:10

Erive ello munaaweerekeenyu ni masivaawo mattheene. Vallethi onipuroni na ookhwa onayeewenko khori mutteko, oganiza, ezeru apaalle odduwella.

Masalimo 119:60

Kinnaakuva wunchichi, nginaselliwa othwara malamulwaanyu.

2 Samuele 18:18

Abishalomu ari mukumi, ahiimakella ezipilala va ntapo na mwene vawi allota wi, “Mi nginna mwaana aamullopwana oyo anaahallena nnddina naka. Vano echipilaleeyo aayivaha nnddina naye nenno, ophiyera ollello ninadduwenyeya wi apoto a Abishalomu.”

1 Samuele 7:12

Enre ddiiddo, Samuele aakusa nlluku aniimesa variyari va Mizipa ni Shene aninnya nnddina nawi Ebenezeri ottaphullella wi, “Nlluku na nikavihero,” Vawi aallota wi, “Ophiyera ollello Apwiya ennanikavihera.”

Numeri 7:1

Va nllapo nno Mose amallihalleeye omakiha musasa wamutthukumano, awuzoza nave awupatula ni ezipangizo ddiwa. Aazozattho nikuwa nave aanipatulella nimodda ni ezipangizo.

Genesis 22:3

Ohinase wene Abrahamu aapotokosa esaduro ya va bulwaaye. Aatthallattho ekhuni ddawoosella mukutho nave aamukusa Isaki ni akaporwaaye eelli, etimulla olendo wooya o nipuro nno Mulluku amulleelleeye.

Genesis 28:11

Aphiyalle vanipuroni nimodda, ahiimella vaavo vawi nndduwa naari nivollowille. Nave aakona vaavo ahameellihalle murwaaye vanllukuni.

Yoswa 4:9

Yoswa ahiimesa malluku khumi ni meelli yaari variyaririyari va muhinje wa Yordani, vanipuroni valle viimellille allupa mukutho ootukhulla nibokosi na echipangano na Apwiyaalle. Malluku yaalla aakhallawo ophiyera ollello.

Genesis 21:14

Sika osaka wene, ohinase, Abrahamu aamuvaha Hagara yoocha ni nthumba na nttapara na maaddi. Vatulli viwa aamutukhulla mwaanooyo amuyaariha Hagara, enre ddiiddo aamulleella wi aroweke. Sika Hagara aatimulla ddawoona, aneeteeta mu echipululu ya Beeresheba.