Genesis 28:17 - Mawu a Mulluku

¹⁷ Ahoova nave aallota wi, “Hii, nipuronna tti noottikhiniha! Vaava tti enyumba ya Mulluku navettho tti mullako wooddullu.”

Genesis 28:17 ပူးပေါင်းရင်းမြစ်များ

1 Timoteo 3:15

Nave kaselliwa, kalatoolla aneeroowoonihani mmo muthu anaphwanelleeye okhallella mu enyumba ya Mulluku, eyo eri mpingo wookumi, opoto ni matthipello a yawoona.

Oollalleya 5:1

Opwatheke phaama meetellwaawo waayaaka o enyumba ya Mulluku. Oyeellawo ohuddera tti wookhwaranya oyeellawo ovelleella mukuthove wonanko athu ookarangeya ayo ehinadduwella wi eyo eneeriiwa tti yoonanara.

Eksodo 3:6

Aavirellella ollota wi, “Mi tti Mulluku a makhollwaawo, Mulluku a Abrahamu, Mulluku a Isaki ni Mulluku a Yakobo.” Vano Mose aakhuneella ekhove woova omuweha Mulluku.

Luka 2:9

Mungelo a Apwiya aawooneyella nave ntitimiho na Apwiya naawala moowaapheella nave abusaayo yahoova wunchichi.

2 Epilli 5:14

Nave allupa mukutho kheyaawora orumeyella ekaamba ya murapooyo vawi ntitimiho na Apwiya naaddalla mu enyumba Ya Mulluku.

Oweeruza 13:22

Vano Manowa aamulleella mwaariye wi, “Hi nineerokhwa vawi noomoona Mulluku!”

Genesis 28:22

Nlluku na yawuupuwelliha kiimesilleeminna ninaakhalle enyumbaanyu nave miyaano kineerowinnyani yaneekhumi ya ddittheddene munaakivaheenyu.”

Yawuupullulla 1:17

Kamoonilleemi, kahiivokhella vatthi vahoollo vaye wonanko muthu ookhwa. Koma olliyooyo ahookolla nnattanatta naye akiphara nave allota wi, “Ohoove! Mi tti awaambeella ni oomallihella.

1 Petro 4:17

Enthawi yookwakhwana wi echiweruzo yaambe nave athu a Mulluku sika enaambe weeruziwa. Yaamba ni hiyaano, enaamalle mwawiidde wa ayo ehinakhulupilila othenga waphaama wa Mulluku?

Aheberi 10:21

Sika vano nookhalla ni mullupa mukutho muullupalli oyo analamulella enyumba ya Mulluku.

Luka 8:35

Athu yaakhuma wi yoone yeereyeeyo. Yaphiyalliiwa wa Yesu, yaamoona muthu oyo minepa ddoonanara ddaakhumalle mwa olliyooyo akeraatthille vakhuviru ni Yesu. Aari awanre phaama, ari ni maganizo aphaama. Nave attheenaayo yahoova.

Mateyu 17:6

Oohudderaalle yiiwalliiwa yeella, yahoova wunchichi sika yaamora ekhove.

Masalimo 68:35

Mulluku tti awoopiha mu nipuro naye noopatuleya. Mulluku a o Israele sika anavaha masiva ni waallipiha mwiilli athwaaye. Mulluku atitimiheye!

Genesis 28:18

Sika Yakobo aavenya osaka wene ohinase nave aakusa nlluku ahameellihalleeye murunne aniimesa wi nikhalle nlluku na yawuupuwelliha. Vano aanizoza ni makhura nllukunno.

Eksodo 3:5

Mulluku aallota wi, “Ohiphiye vakhuviru. Rulla esapato ddawo vawi vanipuroni wiimenlleewemvo tti vaweella.”