Genesis 28:15 - Mawu a Mulluku

¹⁵ Ngoona, miyaano ngiwa kuuhiya, kineerewuuteteza orive weko oneereewe oyeewo nave kineerewuuhokollosella o ellapo yeella. Ngiwa kuuhiya ophiyera kenre ddittheddene kuulonjezilleeminndda.”

Genesis 28:15 ပူးပေါင်းရင်းမြစ်များ

Yoswa 1:5

We Yoswa khaavo anaawore wuugonjiha mu okumaawo muttheene. Miyaano kineerokhalla ni weyaano wonanko mmo kakhallelleemi ni Mose, ngiwa kuuhiya.

Yesaya 41:10

Ohoove kaambiiwa mi kiri ni weyaano, ohitathille murima vawi mi tti Mullukwaawo. Kineerewuuvaha masiva, kineerewuukavihera, kineerewuuteteza ni nnattanatta naka noogonjiha.

Yeremiya 1:19

Eneerollipana ni weyaano koma oneeropambana vawi kiri ni weyaano nave kineerewuuvullusa.” Mi Apwiya koollota.

Deuteronomo 31:6

Khallani amasiva ni oollipa murima. Muhiwoove athu yaalla apaalle otathilla murima kaambiiwa Apwiya Mullukwaanyu eneerewuuhoollellani nave kheyuuhiyani nyookha apaalle wuutathillani.”

Genesis 26:24

Mahiiyu Apwiya yaamooneyella nave yaamulleella wi, “Mi tti Mulluku a attiittho Abrahamu. Ohoove vawi miyaano kiri ni weyaano. Kineerewuudalisa nave kineerewuuvaha edduullu ddinchichi ekaamba ya oorumeyellaaka Abrahamu.”

Genesis 31:3

Sika Apwiya yaamulleella wi, “Hokollweella o ellapo ya makhollwaawo ni ya abalaawo nave miyaano kineerokhalla ni weyaano.”

Genesis 26:3

Khalla wuno wonanko mulleto nave miyaano kineerokhalla ni weyaano. Kineerewuudalisa voovelleellani ellapo ddittheddenenndda wa weyaano ni edduullu ddawo. Vawi kineerosunga ollupella nko kallupenlleemi ni attiittho Abrahamu.

Mateyu 24:35

Oddullu ni ellapo yavatthi ddineeromalla koma mawaaka khemalla.

Mateyu 18:20

Vawi eelli naari araru yawa etthukumana ekaamba yawi tti oohudderaaka, miyaano kiri wenko variyari viwa.”

Yesaya 43:2

Voollapuwani enyanja kineerokhalla ni weyaano, voovirani m'muhinjeni khokwekweresiwa. Vaweetani vamunlloni khosha, mallumi amunllo kheyuushellelliha.

1 Mamwene 8:57

Apwiya Mullukwaahu ekhalle ni hiyaano wonanko yakhallelliiwa ni makhollwaahu, ahinihiye apaalle onitathilla.

Masalimo 46:7

Apwiya Amasiva Mattheene eri ni hiyaano, Mulluku a Yakobo sika woothawella wahu.

Mateyu 28:20

Nave mwaahuddihe wi yiiwellelleke ddeko ddittheddene kuulamulalleemini nyuwaano. Nave miyaano kiri ni nyuwaano mallapo mattheene ophiyera omalla wa ellapo yavatthimva.”

1 Timoteo 4:8

Waddollweella weera mattheella oollipiha mwiilli wookhalla ni oreera wa vang'ono koma waddollweella weera ddoomutitimiha Mulluku wookhalla ni oreera mu ddittheddene kaambiiwa onnalonjeza okumi wa ollello ni wa muhoollo.

Numeri 23:19

Mulluku khari wonanko muthu wi ttuuwoottha, khahiyo muthu wi ttuusintha maganizwaaye. Ethiyo kheera nnddo allotilleeye, khakwakhwaniha nnddo alonjezilleeye?

Genesis 48:21

Vatulli viwa Yakobo aamulleella Yosefe wi, “Onnoonathi wi kiri vakhuviru okhwa koma Mulluku akhalla ni weyaano nave aneerewuuhokollosella o ellapo ya makhollwaawo.

Yesaya 8:10

Naari mwiiwanane koma mwiiwananooyo khophura ello. Mupanganelle ddaweera komave khaddiworeya vawi Mulluku ari ni hiyaano.

Yesaya 7:14

Ekaamba ya yeella Apwiya weekhiiwa eneerewuuvahani echizindikiro. Ngoonani, namwalli aneerokhalla ni erukullu nave aneeromuyara mwaana aamullopwana nave aneeromuvaha nnddina nawi Imanuwele.

Oweeruza 6:16

Apwiya yaamulleella wi, “Mi kineerokhalla ni weyaano nave oneerewaagonjiha Amidiyani wonanko muthu mmodda.”

Yuda 1:1

Ovenyera wa miyaano Yuda, oorumeyella a Yesu Khrisitu ni mwanamunne a Yakobo. Kinuulembellani nyuwaano mwiithaniwe nave munakondiwa ni Mulluku Attiitthaanyu ni oteteziwa ni Yesu Khrisitu.

Masalimo 46:11

Apwiya Amasiva Mattheene eri ni hiyaano, Mulluku a Yakobo sika woothawella wahu.

Genesis 39:21

Koma Apwiya yaakhalla ni Yosefe nave yaamukonda wunchichi vawi yaamweeriha oowehera endende wi ahakallallena Yosefooyo.

Genesis 39:2

Apwiya yaakhalla ni Yosefe nave yaamukavihera wi ddittheddene ddimweetelle phaama. Akhalla mu enyumba ya apwiyaaye, Muiguputoolle.

Eksodo 3:12

Mulluku aamwaakhulla wi, “Mi kineerokhalla ni weyaano. Echizindikiro yawi kuurumalle tti miyaano tti yawi, waakhumiha athwaaka o Iguputo, muneerokillapella omwaangoni wenngu.”

Genesis 48:16

oyottho tti mungelo akoopollille o ddawoononga ddittheddene, aadalisettho! Oyeella mwa asombwe eellaalla, nnddina naka ni manddina a makhollwaaka Abrahamu ni Isaki, evuwihiwe va enthawi ddittheddene! Ekhalle ni edduullu ddinchichi va ellapo yavatthi, nave ekhalle mutundu muullupalli va ellapo yavatthi!”

Genesis 32:9

Vano Yakobo ahaamba ovekella wi, “Mulluku a nikhollo naka Abrahamu, Mulluku a attiitthaaka Isaki, mukiiwe miyaano! Nyu Apwiya mwaakilleella wi, ‘Hokollweella o ellapwaawo, o ellapo ya abalaawo, kineeroweeriha wi ddeko ddiweetelle phaama.’

Genesis 46:4

Miyaano kineerooya nimodda ni weyaano o Iguputo nave edduullu ddawonnddo kineeroddihokollosellattho weewuno. Yosefe aneerokhalla ni weyaano va enthawaawo yookhwa.”

Genesis 21:20

Mulluku aamuwehera mwaanooyo ophiyera unnuwalle. Ahunnuwella mu echipululu ya Parani ophiyera aakhalla mullupa muura.

Genesis 31:5

Aphiyallewo, olliye ahaalleella wi, “Kohoona wi attiitthiinyu khenakipwatha wonanko yeerelliiwa khalle. Koma Mulluku a attiitthaaka ookhalla ni miyaano.

Genesis 31:13

Mi tti Mulluku awooneyelle o Betele wulle wiimesilleewe nlluku na yawuupuwella nave waanizoza ni makhura navettho wenko waallupella. Okhozeke vano, ovenyewo wuno, ohokollweelle o ellapo yoowaninyu.’ ”

Genesis 35:3

Nineerotthaamawo wuno nave nineeroya o Betele nko kineereemi kamake nikuwa na Mulluku oyo akikaviherille va enthawi ya ddookatamiha ddaka. Vawi olliye sika akhanlle akiweheraka orive weko kayeemiwo.”

Eksodo 13:11

“Apwiya eneerewuuvollochihani mu ellapo ya Akanani eyo yallupenlliiwa wa nyuwaano ni makhollwaanyu. Yuuvahani ellapo,

Numeri 6:24

“Apwiya yuudaliseni nave yuusungeni.

Deuteronomo 7:9

Ekaamba ya yeella upuwellani wi Apwiya Mullukwaanyu tti Mulluku mmoddave nave tti oororomelleya. Olliye aneerosunga echipanganwaaye nave aneerewooniha echikondi yoohisintheya wa athu a mibado ddooheerengeya dda ayo enamukonda olliye ni wiiwellella malamulwaaye.

Deuteronomo 30:3

Sika Apwiya Mullukwaanyu eneerewuuhokollosellani ddaphaama ni oweerellani echifundo. Eneerewuutthukumanihani ovenyera wa mitundu ddimodda dda athu nko yuupallalleselliiwani.

Deuteronomo 31:8

Apwiya aneeniiwa eneerewuuhoollella nave eneerokhalla ni weyaano. Kheyuuhiya weekha apaalle wuutathilla, sika ohoove apaalle otathilla murima.”

Genesis 30:25

Rakele amuyarilleeye Yosefe, Yakobo aamulleella Labani wi, “Mukaakhullelle kihokollweelle owaani.

Levitiko 26:42

Kineerewuupuwella echipanganwaaka ni Yakobo, Isaki ni Abrahamu nave ellapweeyo kineeroyuupuwella.

Levitiko 26:45

Koma vooweerellani echifundo kineerewuupuwella echipanganwaaka ni makhollwiiwa ayo kaakhumihalleemi mu ellapo ya Iguputo mitundu ddimodda ddoonaka wi kikhalle Mullukwiiwa. Mi tti Apwiya.”

Masalimo 91:11

Vawi Apwiya eneerewaalamula angelwiiwa dda weyaano yuutetezeke mu ettilla ddawo ddittheddene.

Yeremiya 16:15

Koma eneereke wi, ‘Vamiitthoni va Apwiya ayo yaakhumihalle Aisraele o ellapo ya ompoto ni o ellapo ddittheddene nko yaapallalleselliiwa!’ Kineerewaahokollosella o ellapo eyo kaavahilleemi makhollwiiwa.”