Genesis 28:14 - Mawu a Mulluku

¹⁴ Edduullu ddawonnddo ddineerewaata wonanko nthupi na va ellapo yavatthi. Ddineeropallalleyella o ezigawo ddittheddene, woovollowa nndduwa, wookhuma nndduwa, ompoto ni omwera. Nave mitundu ddittheddene dda va ellapo yavatthi ddineerodalisiwa oyeella mwa weyaano ni edduullu ddawo.

Genesis 28:14 ပူးပေါင်းရင်းမြစ်များ

Genesis 12:3

Kineerewaadalisa attheene enuudalisa weyaano, koma kineeromutembelela arive muthu anuutembelela weyaano. Oweella mwa weyaano mitundu ddittheddene dda va ellapo yavatthi ddineerodalisiwa.”

Genesis 26:4

Kineerewuuvaha edduullu ddinchichi wonanko ddikhallelle etheneeri ddooddullu nave edduullu ddawonnddo kineeroddivaha ellapo ddittheddenenndda. Mitundu ddittheddene dda va ellapo yavatthi ddineerodalisiwa oyeella mwa edduullu ddawo.

Mitteko 3:25

Nyuwaano muri edduullu dda anamallotella nave munnakawanana dda echipangano eyo Mulluku eerilleeye ni makhollwaanyu, allotilleeye wa Abrahamu wi, ‘Mwa edduullu ddawo athu attheene a va ellapo yavatthi eneerodalisiwa.’

Genesis 22:18

Vawi weyaano wookiiwellella navettho mitundu ddittheddene dda va ellapo yavatthi ddineerodalisiwa oyeella mwa edduullu ddawo.’ ”

Genesis 18:18

Edduullu ddaye ddinaakhalle mutundu muullupalli wa masiva. Nave mitundu ddittheddene dda va ellapo yavatthi ddineerodalisiwa oyeella mwa olliye.

Genesis 13:16

Kineerewuuvaha edduullu ddinchichi nave khaavo naari mmodda anaawore oddeerenga. Yooyove anawora weerenga nthupi na va ellapo yavatthi sika anaawore.”

Genesis 13:14

Loti atthaamille, Apwiya yaamulleella Abramu wi, “Tukhulla miitthwaawo nave owehesese ompoto, omwera, wookhuma nndduwa ni woovollowa nndduwa.

Agalatiya 3:16

Vano Mulluku aheera malonjezwaaye wa Abrahamu ni edduullu ddaye. Mawu a Mulluku voollotani wi, “Edduullu ddaye” khenattaphullella wi, “Athu anchichi” koma enattaphullella wi, “Edduullwaaye” ottaphullella wi, “Muthu mmoddave” nnddina naye Khrisitu.

Agalatiya 3:8

Mawu a Mulluku yaallotella wi Mulluku aneeroweera oolungama athu ayo ehiri Ayuda oweella mu echikhulupililo. Sika Mulluku aamulleella Abrahamu wi, “Oweella mwa weyaano mitundu ddittheddene ddineerodalisiwa.”

Yawuupullulla 7:9

Ddimallille ddenndda kahoona masomphenya a mulloko muullupalli wa athu ooheerengeya! Yavenyenre mu orive mutundu, nirive nlloko, erive ellapo ni erive ellotello nave yahiimella vamiitthoni va mpando woomwene ni mwaanaankhosa, ewanre ddoowara ddaweella nave ephareelle enthambi dda kanjeza m'mattani mwiwa.

Aefeso 1:3

Hankoni nimuthokoze Mulluku, Attiitthiiwa a Apwiihu Yesu Khrisitu! Vawi mu eyaattanweehu ni Khrisitu oonidalisa voonivahani ovenyera oddullu erive madaliso a Munepa.

Mateyu 8:11

Kinimuulleellani wi anchichi eneerovenyera wookhuma nndduwa ni woovollowa nndduwa nave eneerocha ni makhollwaahu, Abrahamu, Isaki ni Yakobo, va machellello mu omwene wa Mulluku.

Masalimo 72:17

Nnddina naye nihitiwalliwe naari vang'ono, epillaaye ekhallevove wonanko nndduwa. Athu yaakhelle madaliso ekaamba ya olliye, mitundu dda athu ddittheddene ddimweere oodala.

Deuteronomo 12:20

“Apwiya Mullukwaanyu yunnuwiha echigawaanyu moollikana ni mmo yuulonjezelliiwani nave mwakhalla ni ekhwillu, muneerovona enama wonanko munaapaallelleenyu.

Numeri 23:10

Ttaani anaawore weerenga edduullu dda Yakobo, nnddo ddiri ddawaata wonanko nthupi apaalle weerenga ezigawo ddisese dda athu a Israele? Kihiyeni kikhwe okhwa wa athu oolungama, omalla waka okhalle wonanko wa yaayo.”

Genesis 32:12

Upuwellani lonjezo nanyunne nawi, ‘Kineerewuupwatha wi ddeko ddiweetelle phaama nave kineerewuuvaha edduullu ddinchichi ddooheerengeya. Ddinaakhalle ddinchichi wonanko mihava dda mukhwipi mwa enyanja.’ ”

Yawuupullulla 7:4

Nave kaalleelliwa wi athu yadindiwe ni echidindo ya Mulluku va eyuuchi ddiwa yakwakhwanne 144,000 oovenyera o malloko khumi ni miilli dda Israele,

Genesis 13:15

Kineerewuuvaha weyaano ni edduullu ddawo ellapo ettheene onooneeweeyo. Nave enaakhalle yaawoyaawo enthawi ddoohimalla.

Genesis 22:17

kineerewuudalisa wunchichi ni wuuvaha edduullu ddinchichi wonanko etheneeri dda oddullu navettho wonanko mihava dda mukhwipi mwa enyanja. Edduullu ddawo ddineerewaagonjiha adaniiwa attheene.

Genesis 48:16

oyottho tti mungelo akoopollille o ddawoononga ddittheddene, aadalisettho! Oyeella mwa asombwe eellaalla, nnddina naka ni manddina a makhollwaaka Abrahamu ni Isaki, evuwihiwe va enthawi ddittheddene! Ekhalle ni edduullu ddinchichi va ellapo yavatthi, nave ekhalle mutundu muullupalli va ellapo yavatthi!”

Genesis 48:19

Koma Yakobo attiitthinnyaayo aakhoota wi, “Kinnadduwella kineereemi, mwanaka. Edduullu dda Manase ddinaakhallettho mitundu ddinchichi komave mung'onong'onwaayoolla aneerovuwa omukhwaranya olliye nave edduullu ddaye ddinaakhalle mitundu ddinchichi dda athu.”

Deuteronomo 13:17

Muhiphare erive ello yoophwanella woonongiwa wi Apwiya ehuushellenittho murima koma yuumorelleni ethakaraka nave eweerelleni echifundo ni owaatihani moollikana ni mmo yallupenlliiwa wa makhollwaanyu.

2 Epilli 1:9

Nyu Apwiya Mulluku, akhullellani wi mwalonjezilleenyu wa attiitthaaka Davide ekwakhwanihiwe vawi mookikhalliha mwene owaalamulella athu awaata wonanko nthupi na va ellapo yavatthi.

Yesaya 54:3

Vawi eneerewaatamanihella maliriiwa nngu ni nngu, edduullu ddawo ddineerewaakha mapuro a mitundu dda athu ddimodda, ddineeroddalla mizinda nnddo ddahiyiwe.

Eksodo 32:13

Muupuwelle oorumeyellaanyu, Abrahamu, Isaki ni Yakobo navettho nndde mwallupenlleenyu mu nnddina nanyu wi, ‘Kineerewuuvahani edduullu ddinchichi, ddawaata wonanko etheneeri dda oddullu. Edduullu ddaanyunnddo kineeroddivaha ellapo ettheene eyo kalonjezilleemi wi ekhalle yayiwa wa enthawi yoohimalla.’ ”