Genesis 28:13 - Mawu a Mulluku

¹³ Nave Apwiya yahiimella vakhwipi ni olliye emulleella wi, “Mi tti Apwiya Mulluku a nikhollo nawo Abrahamu ni attiittho Isaki. Ellapo onakoneewemweella kineerewuuvaha weyaano ni edduullu ddawo.

Genesis 28:13 ပူးပေါင်းရင်းမြစ်များ

Genesis 13:15

Kineerewuuvaha weyaano ni edduullu ddawo ellapo ettheene onooneeweeyo. Nave enaakhalle yaawoyaawo enthawi ddoohimalla.

Genesis 48:3

Nave Yakobo aamulleella Yosefe wi, “Mulluku Amasiva Mattheene oyo akooneyelle o Luzi mu ellapo ya Kanani, aakidalisa.

Genesis 35:12

Kineerewuuvaha ellapo eyo kamvahilleemi Abrahamu ni Isaki. Ellapo yeella kineeroyivahattho wa edduullu ddawo, weyaano wakhwa.”

Genesis 26:24

Mahiiyu Apwiya yaamooneyella nave yaamulleella wi, “Mi tti Mulluku a attiittho Abrahamu. Ohoove vawi miyaano kiri ni weyaano. Kineerewuudalisa nave kineerewuuvaha edduullu ddinchichi ekaamba ya oorumeyellaaka Abrahamu.”

Genesis 12:7

Vano Apwiya yaamooneyella Abramu emulleella wi, “Ellapo yeella kineerovaha edduullu ddawo.” Sika va nipuro nenno Abramu ahaamakella nikuwa Apwiya ayo yamooneyelle.

Genesis 35:1

Vano Mulluku aamulleella Yakobo wi, “Timulla, oye o Betele, wakhalle wenko. Wamakewo nikuwa na Mulluku oyo awooneyelle enthawi wamuthaweewe mwanamunno Esau.”

Aheberi 11:16

Koma yatiyera ellapo yaphaama oddullu ohiyana ni ellapo yoowaniwa. Ella sika ekaambiiwa Mulluku ahinawulliweeyena muru yaamuromollaka wi Mullukwiiwa. Nave ahaamakella muzinda woohimalla.

Eksodo 3:6

Aavirellella ollota wi, “Mi tti Mulluku a makhollwaawo, Mulluku a Abrahamu, Mulluku a Isaki ni Mulluku a Yakobo.” Vano Mose aakhuneella ekhove woova omuweha Mulluku.

Mateyu 22:32

‘Miyaano kiri Mulluku a makhollwaanyu, Mulluku a Abrahamu, Mulluku a Isaki ni Mulluku a Yakobo.’ Olliyooyo khahiyo Mulluku a athu ookhwa koma tti a athu ookumi.”

Genesis 46:3

Vano Mulluku aamulleella wi, “Mi tti Mulluku, Mulluku a attiittho. Ohoove oya o Iguputo. Wenko kineeroruuwiha edduullu ddawo wi ddikhalle mutundu muullupalli.

Genesis 35:17

Ddiphiyalle voonanara wunchichi, azamba yaamulleella wi, “Muhoove, yoolla tti mwaana aamullopwana mmoddattho.”

Genesis 32:9

Vano Yakobo ahaamba ovekella wi, “Mulluku a nikhollo naka Abrahamu, Mulluku a attiitthaaka Isaki, mukiiwe miyaano! Nyu Apwiya mwaakilleella wi, ‘Hokollweella o ellapwaawo, o ellapo ya abalaawo, kineeroweeriha wi ddeko ddiweetelle phaama.’

Genesis 31:42

Mulluku a attiitthaaka, Mulluku a Abrahamu, Mulluku oyo Isaki amooveye, ahikhanlleke ni miyaano, ddaano mukiikarihalle khalle mattave. Koma Mulluku ahoona ddookatamiha ddaka ni mitteko ddaka nave mahiiyu evirallaalla ohuuhumullullani.”

Genesis 28:4

Uudalise weyaano ni edduullu ddawo moollikana ni mmo amudaliselleeye Abrahamu wi ekhalle yaawoyaawo ellapo eyo oneereewe okhallekemo, ellapo eyo amuvahilleeye Abrahamu.”

Genesis 26:3

Khalla wuno wonanko mulleto nave miyaano kineerokhalla ni weyaano. Kineerewuudalisa voovelleellani ellapo ddittheddenenndda wa weyaano ni edduullu ddawo. Vawi kineerosunga ollupella nko kallupenlleemi ni attiittho Abrahamu.

Genesis 15:1

Ddimanlle nndda, Apwiya yaamooneyella Abramu mu masomphenya. Yaamulleella wi, “Ohoove Abramu, mi tti echishangwaawo. Yoothuviwaawo enaakhalle yuullupalli.”

Mitteko 7:5

Mulluku khaamuvahille Abrahamu naari nipuro ning'onong'ono wi nikhalle naaye koma aamulonjeza wi aneeromuvaha ellapweeyo nave enaakhalle yaayeyaaye ni edduullu ddaye. Enthawi yeeyo Mulluku amulonjezilleeye, Abrahamu khaarina mwaana.

Masalimo 105:11

Yaallota wi, “Kineerewuuvaha ellapo ya Kanani wi ekhalle yoohallanaawo.”

Genesis 35:15

Yakobo aaniromolla nipuronno Betele.

Genesis 13:17

Vano timulla ni weetella ellapo ettheeneeyo vawi kineerewuuvaha.

Genesis 15:18

Nllapo nenno Apwiya yaapangana ni Abramu. Yaallota wi, “Kinimalonjeza wi kineeroddivaha edduullu ddawo ellapo ettheeneella ovenyera o muhinje wa o Iguputo ophiyera o muhinje muullupalli wa Yufurate.

Genesis 31:5

Aphiyallewo, olliye ahaalleella wi, “Kohoona wi attiitthiinyu khenakipwatha wonanko yeerelliiwa khalle. Koma Mulluku a attiitthaaka ookhalla ni miyaano.

Genesis 31:13

Mi tti Mulluku awooneyelle o Betele wulle wiimesilleewe nlluku na yawuupuwella nave waanizoza ni makhura navettho wenko waallupella. Okhozeke vano, ovenyewo wuno, ohokollweelle o ellapo yoowaninyu.’ ”

Genesis 31:53

Mulluku a Abrahamu, Mulluku a Nahori, Mulluku a attiitthiiwa, sika anaaneeruze eellihi.” Sika Yakobo aallupella vamiitthoni va Mulluku oyo attiitthinnya Isaki yamooviiwa.

Eksodo 2:24

Mulluku ahiiwa okhuwa wiwanko nave ahuupuwella echipanganwaaye apanganilleeye ni Abrahamu, Isaki ni Yakobo.

Eksodo 4:5

Apwiya yaamulleella wi, “Weere ddenndda wi ekhulupilile wi Apwiya Mulluku a makhollwiiwa, Mulluku a Abrahamu, Mulluku a Isaki ni Mulluku a Yakobo, aawooneyella.”

Eksodo 6:4

Kaakeraatthihana echipangano waalonjeza wi kineerewaavaha ellapo ya Kanani, mmo yakhanlliiwamo khalle wonanko alleto.

Deuteronomo 1:8

Ettheeneella sika ellapo eyo kinayivelleelleemi wa nyuwaano. Muvollowe ni waakha ellapo eyo mi Apwiya Mullukwaanyu kallupenlleemi wi kineerewaavaha makhollwaanyu, Abrahamu, Isaki ni Yakobo ni edduullu ddiwa ddittheddene.’ ”

Deuteronomo 9:5

Khe ekaamba ya echilungamwaanyu apaalle oreera wa murimaanyu wi muneerewaakha ellapwiiwa koma tti ekaamba yawi athwaayo tti oochimwa sika Apwiya enawiikarelliiwa navettho wi Apwiya tti oororomelleya va echipanganwiiwa eyo yallupenlliiwa wa makhollwaanyu Abrahamu, Isaki ni Yakobo.

Deuteronomo 34:4

Vano Apwiya yaamulleella Mose wi, “Ella sika ellapo elle kallupenlleemi wa Abrahamu, Isaki ni Yakobo wi kineerovaha edduullu ddiwa. Koowaakhullella wi woone koma ngiwaakhullella ovollowamo.”

Amosi 7:7

Nndda sika Apwiya yakoonihelliiwa m'masomphenya mamodda. Kaawoona alliwa yiimenlle va esiri yoomakamaka m'mattani mwiwa muri mukwe wookollelliwana esireeyo.

Genesis 32:10

Miyaano ngiphwanenlle waakhella echikondi yoohisintheya ni echikhulupililo yoororomelleya mukoonihalleenyu mi oorumeyellaanyu. Kamullapuwalle Yordani kihinna erive ello koma kaarina ekopove koma vano kinahokollowa ni milloko miillinndda.

Eksodo 6:7

Kineerowaakhullellani nyuwaano wonanko athwaaka nave miyaano kineerokhalla Mullukwaanyu. Muneerodduwella wi mi tti Apwiya Mullukwaanyu, oyo uuvullusalleni o mutteko wa kalavulagaga.

1 Epilli 16:16

echipangano yakeraatthihalliiwa ni Abrahamu, lonjezo yallupenlliiwa wa Isaki,

1 Epilli 16:18

Yaallota wi, “Kineerewuuvaha ellapo ya Kanani, wi ekhalle yoohallanaawo.”

Ezekiele 28:25

“Mi Apwiya Mulluku kinallota wi kaatthukumaniha Aisraele ovenyera o mitundu dda athu nko yamwareyelliiwawo, kineerowoonihella weella waka mwa alliwaayo athu a mitundu ddittheddene yoonaka. Alliwa eneerokhallattho mu ellapwiiwa eyo kamuvahilleemi oorumeyellaaka Yakobo.