Genesis 27:29 - Mawu a Mulluku

²⁹ Athu yuurumeyelleke, mitundu dda athu dduukokhorelleke. Okhalle oolamulella variyari va abalaawo. Navettho edduullu dda amaayo dduukokhorelleke. Etembeleliwe attheene aawuutembelela weyaano nave edalisiwe attheene anuudalisa weyaano.”

Genesis 27:29 ပူးပေါင်းရင်းမြစ်များ

Numeri 24:9

Israele ahiitta akonaatthi vatthi wonanko mukango, waamullopwana apaalle waamutthiyana. Ethiyo anaamuvenyihe ttaani? Oodala tti muthu oyo anuudalise ootembeleliwa tti muthu oyo anuutembelele.”

Genesis 12:3

Kineerewaadalisa attheene enuudalisa weyaano, koma kineeromutembelela arive muthu anuutembelela weyaano. Oweella mwa weyaano mitundu ddittheddene dda va ellapo yavatthi ddineerodalisiwa.”

Yesaya 49:23

Mamwene enaakhalle wonanko attiitthi awuullellani, mamweene aatthiyana enaakhalle wonanko amoowe oowaamwihani. Eneeromoriha ekhove ddiwa ni wuukokhorellani, eneerollanndda nthupi na m'manyalloni mwanyu mwawiiyeviha. Vaavo muneerodduwella wi mi tti Apwiya oyo anakiroromella miyaano khawa awulliwa muru.”

Yesaya 45:14

Apwiya enamulleella Israele wi, “Eyuuma ya o Iguputo ni malonda a o Kushi ddinaakhalle ddaanyu. Athu oorekama a o Saba eneeroowa wa nyuwaano eneerokhalla akaporwaanyu, eneerekewuuthwarani emakiwa ni onyolo. Eneerekokokhora ni ollota wi, ‘Mulluku ari ni nyuwaanove, khaavottho mmodda, Omupatula olliye khaavo mulluku mmodda.

Yesaya 49:7

Apwiya, Aneerewoopolla ni Aweella a Israele, enallota wa oovevulliwa wunchichi, awiitiwa ni mitundu ddimodda dda athu, kaporo a mamwene eekuku wi, “Mamwene eneerewiimella moolemu voowoonani, naari enduna ddineeropopheya ekhove ddiwa.” Ddenndda ddineereye ekaamba ya Apwiya oororomelleya, Aweella a Israele ayo yuutthoollille.

Yesaya 9:7

Olamulello ni murendellaaye ddineerovirellella waata, aneerokhalla va mpando wa mwene Davide, aneerokeraatthiha ni ollipiha omwenaaye, vaweerani ddoolungama ni ddaphaama waambeella enthawi yeeyo wa enthawi yoohimalla. Ni murimiiwa muttheene Apwiya Amasiva Mattheene yoosimikiza okwakhwanihella ddenndda.

Masalimo 72:8

Aneerekolamulella ovenyera o enyanja emodda ophiya o enyanja emodda, ovenyerattho o muhinje ophiya o makomello wa ellapo yavatthi.

1 Mamwene 22:47

Mallapo yaayo o Edomu khewaari mwene koma enduna yuullupallive yookeratthihiwa ni mwene a o Yuda.

Numeri 23:8

Koma ethiyo kinaawore mwawiidde omutembelela oyo Mulluku ahimutembelenlleeye? Ethiyo kinaawore mwawiidde omwaashera ddoonanara oyo Apwiya ehimwaashenriiwa ddoonanara?

Genesis 37:7

Attheenehi naamaka mitolo ddahu dda tirigu m'matani. Nimakaka ddiiddo, mutolwaaka wahiimella. Vano mitolo ddanyu ddahaapheella mutolwaaka ddikokhorille.”

Genesis 27:37

Isaki aamwaakhulla Esau wi, “Ngoona, koomweeriha khalle olliyooyo wi akhalle apwiyaawo nave Koomuvaha abalaaye attheene wi ekhalle oorumeyellaaye. Koomuvaha ddoocha ni ddoowirya ddinchichi. Vano vihanlle tini yawi kiweerelle weyaano, mwanaka?”

Yawuupullulla 19:16

Va yoowaraaye ni vakasambarani vaye vaalembiwa nnddina nawi, “Mwene a mamwene ni Apwiya a apwiya.”

Mateyu 25:45

Miyaano kineerewaakhulla wi, ‘Ddawoona, kinimuulleellani wi ekaamba yawi mwaakhoota omurumeyella mmodda a ang'onong'onwaalla mwaakhoota okirumeyella miyaano.’

Mateyu 25:40

“Mi, mwene, kineerewaakhulla wi, ‘Ddawoona, kinimuulleellani wi kaambiiwa mwaamweerella mmodda a aakhwaaka naari ang'onong'onwaalla, mwaakeerella yeeyo miyaano.’

1 Epilli 5:2

Koma a nlloko na Yuda yaari amasiva variyari va malloko a Israele nave mwene avenyenre wa alliwa naari ottekweene waari wa Yosefe.

1 Mamwene 4:21

Solomoni aanalamulella moomwene mattheene ovenyera o muhinje wa Yufurate ophiya o ellapo ya Afilisti, o malire a Iguputo. Moomwene mattheene yaanakhoma misonkho ni omurumeyella Solomoni mallapo mattheene a okumaaye.

Genesis 25:33

Yakobo aallota wi, “Waambeelle ollupella osimikizella wi ottekweenaawooyo wookikullihella?” Sika Esau aallupella nave akulliha ottekweenaaye wa awaamba oyariwa wa Yakobo.

Genesis 9:27

Mulluku amunnuwihe Yafeti, edduullu ddaye ddikhallelle nimodda ni edduullu dda Shemu, nave Kanani anaakhalle kaporo a Yafeti.”

Genesis 27:30

Isaki amallihalle odalisanko, Yakobo aavenyavo vamiitthoni va attiitthinnya. Enthawi yeeyo aakhumellella mwanamunne Esau ovenyera woosaya wulle.

Genesis 27:40

Muttekwaawo onaakhalle woowana ekhoto nave onaamurumeyelleke mwanamunno. Koma wawora wiittaphulla, oneerovenyamo mu olamulellwaaye.”

Genesis 37:10

Ahaalleellattho attiitthinnya dda ollohanko ni asinnaalle, attiitthinnyaayo yaamuhumullulla wi, “Ethiyo olloha wenngu onattaphullella tini? Ethiyo onaganiza wi miyaano, amaaywaalla ni asinnwaalla, ttuuwuukokhorella weyaano?”

Numeri 24:18

Ellapo ya Edomu eneerewaakhiwa, mudani Seiri aneerogonjihiwa Koma Israele aneeropambana.

Yesaya 60:12

Koma ellapo ni moomwene ayo ehinuurumeyella eneerotthollowa, athu a mitundu ddenndda eneerewoonongeya.

Yesaya 60:14

Edduullu dda ayo yuuhoosille eneerewuuwaramella moovelleella olemu. Attheene yuunyaambusallevo eneerewuukokhorella vamanyalloni vawo. Eneerewuuromolla wi ‘Muzinda wa Apwiya,’ ‘Ziyoni a Aweella a Israele.’