Genesis 27:28 - Mawu a Mulluku

²⁸ Mulluku uuvahe nikame nooddullu nave emata ddawo ddikhalle ni ethaya yaphaama. Uuvahe ddoocha ni ddoowirya ddinchichi.

Genesis 27:28 ပူးပေါင်းရင်းမြစ်များ

Deuteronomo 33:28

Sika Aisraele eri vamurendelleni, edduullu dda Yakobo ddookeraattheya mwiillaponi, mmo muhinamalla tirigu ni vinyo, mmo muhinamwara nikame nooddullu.

Deuteronomo 33:13

Aallota dda nlloko na Yosefe wi, “Apwiya edalise ellapwaaye, ekhalle ya murimu munchichi nave ya ehime ddinchichi.

Masalimo 133:3

Onakhalla wonanko nikame na o Heremoni, nookitthella o miyaango dda Ziyoni, vawi o Ziyoni Apwiya ennavelleellawo madaliso, okumi wa enthawi yoohimalla.

2 Samuele 1:21

“Murimu naari nikame ddihiwe ddirupella va miyaango dda Gilibowa, emata ddittheddene dda vaava ddikhalle ddooguga. Vawi vaava adani yaavevulla yawiitetezella ya muthu amasiva, yawiitetezella ya Saulo eyo ehinapukutiweke ni makhura.”

Deuteronomo 32:2

Ddoohuddiha ddaka ddimore wonanko murimu, mawaaka yimme wonanko nikame, wonanko murimu oorupella vamunyepuni, wonanko enyeenye va ddoophuwa.

Deuteronomo 7:13

Eneerewuukondani ni wuudalisani ophiyera mwaatille ni waayara anamwani anchichi. Eneeroddidalisa emata ddanyu vawuuvahani tirigu, vinyo ni makhura. Eneerewuudalisanittho vawuuvahani eziweto ddinchichi. Eneerewuuvahani ddittheddenenndda mu ellapo eyo yallupenlliiwa waavaha makhollwaanyu.

Zekariya 8:12

Eneerekomidda mwamurendelle, mpesa oneerewimma ezipaso, ethaya eneerekewimmiha wunchichi nave oddullu khowumma. Madaliso mattheenaalla kineerewaavelleella wa oohalla mwa athu.

Yowele 2:19

Apwiya yahaakhulla ni ollota wa athwiiwa wi, “Vano kineerewuurumihellani tirigu, vinyo ni makhura a olivi wi muvoneke wunchichi, nave mitundu ddimodda khadduunyaambusanittho.

Yesaya 45:8

We murapo, murupihe murimu ovenyera oddullu, mirapo ddiithe echilungamo. Ellapo yavatthi ehulleye wi vikhume ovullusa, wi vimelle echilungamo. Mi Apwiya sika kinaphatusa ddenndda.”

Masalimo 104:15

ni vinyo wi ahakallalliheke murimaaye, makhura awiihella wi mwiilli woolloweke, buledi wi amuvaheke masiva.

Masalimo 36:8

Munnaachiha ddoonuna mpa mwanyu, munnaawiriha maaddi a mu muhinje wa madaliswaanyu.

1 Mamwene 17:1

Namallotella Eliya Mutishibe a o Giliyadi aamulleella Ahabu wi, “Kinimallupella vamiitthoni va Apwiya Mulluku a Israele oyo kinamurumeyelleemi wi khavikhalla nikame naari murimu miyakha ddenndda ophiyera killotille.”

Numeri 18:12

“Kohuuvahani ddeko ddittheddene ddaphaama wunchichi ddawaamba ohata nnddo athu enavelleelliiwa wa miyaano monga makhura, vinyo ni tirigu.

Aheberi 11:20

Ekaamba ya echikhulupililo, Isaki ahaavekella anaaye, Yakobo ni Esau, madaliso a muhoollo.

Zekariya 9:17

Ellapweeyo enaakhalle yooreeresesa, tirigu aneerewaallipiha asombwe, vinyo musha anerewaareeriha anamwalli.

Mika 5:7

Oohalla a Yakobo enaakhalle variyari va mitundu ddinchichi dda athu wonanko nikame noovenyera wa Apwiya. Enaakhalle wonanko murimu oorupella vamanasini moohiselliwa vawi khanatiyera olamuliwa ni muthu.

Yeremiya 14:22

Variyari va milluku ddawoottha dda mitundu ddimodda, ethiyo ookhallavo mulluku mmodda oowora omurupiha murimu? Ethiyo oddullu vaweekhiiwa onnamurupiha murimu? Otiyerella wahu ori mwa nyuwaano Apwiya Mullukwaahu ekaambiiwa tti nyuwaano muneera ddenndda.

2 Epilli 2:10

Allupa muttekwaanyu oophadda miteekho kineerewaavaha tirigu awuuputha mataani 2,000, malita 400,000 a vinyo navettho malita 400,000 a makhura.”

1 Mamwene 5:11

Nave Solomoni aanamurumihella Hiramu, orive muyakha mataani 2,000 a tirigu wi akhalle yoocha ya athwaaye ni makhura a olivi malita 400,000.

Yoswa 5:6

Aisraele yaaneeta muchipululuni wa miyakha 40 ophiyera mutundu muttheene, akhoto attheene, yakhumalle mu Iguputo etthollowille ekaamba yoohiiwellella mawu a Apwiya. Apwiya yahaallupellella wi khevollowamo mu ellapo eyo yallupellelliiwa waavaha makhollwiiwa, ellapo yaweeta mukaka ni enwi.

Genesis 49:20

“Ellapo ya Ashere eneerokhalla ni ddoocha ddooddiva, yoocha yoophwanella mamwene.”

Genesis 45:18

Vano wenko yaakuse attiitthiiwa ni mabanjiiwa nave ewe wuno. Kineerewuuvahani ellapo ya ethaya yaphaama ya Iguputo nave muneerekoocha ddaphaama dda mwiillaponimmu.

Aroma 11:17

Enthambi ddimodda dda muteekho wa olivi wawaalliwa ddahinttakeya nave enthambi ya muteekho wa olivi wa muhakani waamakellelliwavo. Nyu athu ayo ehiri Aisraele muri wonanko muteekho wa olivi wa muhakani nave munnakawanana ddaphaama dda muteekho wa olivi wawaalliwa, Aisraele.

Numeri 13:20

Moonettho ellapweeyo yaarimi eri ni ethaya yaphaama apaalle iyaayi nave mwaarimi muri otthako apaalle iyaayi. Mweeseese wi muweena ezipaso ddimodda dda mwiillaponimmo” (vawi yaari enthawi yawiithwa mpesa wawaamba.)

Genesis 27:39

Vano Isaki aamwaakhulla wi, “Vanipuroni vawo khaviwa vikhalla ethaya yaphaama, nikame khanimma m'matani mwawo.

Genesis 27:37

Isaki aamwaakhulla Esau wi, “Ngoona, koomweeriha khalle olliyooyo wi akhalle apwiyaawo nave Koomuvaha abalaaye attheene wi ekhalle oorumeyellaaye. Koomuvaha ddoocha ni ddoowirya ddinchichi. Vano vihanlle tini yawi kiweerelle weyaano, mwanaka?”

Genesis 49:25

Mulluku a attiittho anuukavihera, Mulluku Amasiva Mattheene sika anuudalisa. Annudalisa ni murimu oovenyera muddullu, ni maaddi ootuulla ovenyera vatthi va ethaya. Nave aneerewuudalisa vawuuvahani anamwani anchichi ni eng'ombe ddinchichi.

Miyambo 3:20

Ezerwiiwa enneetiha mihinje nave enneeriha mirapo omurupiha murimu.

Miyambo 19:12

Osha murima wa mwene tti wonanko othuruma wa mukango koma oreera murima waye tti wonanko nikame vamanasini.