Genesis 27:15 - Mawu a Mulluku

¹⁵ Vatulli viwa Rebeka aakusa ddoowara ddaphaama dda Esau nnddo addisungeeye nave aamuwariha mung'onong'onwaaye Yakobo.

Genesis 27:15 ပူးပေါင်းရင်းမြစ်များ

Genesis 27:27

Asuserille vakhuviru ni olliye amukhupaarella nave Isaki ahunkha ddoowara nnddo awarille Yakobo nave vaavo aamudalisa. Aallota wi, “Wunkhella wa mwanaka tti wonanko wunkhella wa emata yoodalisiwa ni Apwiya.

Luka 20:46

“Chenjerani ni ahuddihi a malamulo vawi ennakonda weeteeta ewanre mikanjo ddiwa ni ovahiwa mooni moolemu mu misika. Ennakondattho otthoolla mipando ddoolemu mu enyumba ddamavekello* ni mapuro oolemu vamachellelloni.

Luka 15:22

Koma attiitthinnyaayo yaallota wa mullupa mutteko wi, ‘Akuvani mwakuse mukanjo waphaama m'muwarihe. M'muwarihettho emphete o eyaalla ni esapato omanyalloni waye.

Genesis 27:14

Sika Yakobo aaddikusa misote dda epurinnddo nave aayaana wa amennya. Nave Rebeka ahaapeya yoocha yooddiva eyo attiitthinnya yayikondiiwa.

Genesis 27:16

Aamuwarihattho mattapara a misote dda epurinndde m'miwononi mwaye navettho ni munikohini mwaye moosalala mulle.