Genesis 26:18 - Mawu a Mulluku

¹⁸ Nave Isaki aavuhullattho ehime nnddo ddakatiwe mu enthawi ya Abrahamu nave nnddo Afilisti yaddivuhellelliiwa akhwille Abrahamu. Nave ehimennddo Isaki aaddivaha manddina ayo attiitthinnya yaddivahilliiwa.

Genesis 26:18 ပူးပေါင်းရင်းမြစ်များ

Zekariya 13:2

Navettho nllapo nenno kineerewoononga manddina a mafano mwawi khewa yuupuwelleyattho. Kineerewaavenyihamottho mwiillaponi anamallotella vamodda ni munepa wooripiha. Mi Apwiya Amasiva Mattheene koollota.

Hoseya 2:17

Kineeromuhiiha oromollattho manddina a Abaala nave manddiniiwa kheromolliwaka voollapellani.

Masalimo 16:4

Koma ayo enatthoolla milluku ddimodda, ennaddoonjereriha ddookatamiha. Ngihellana mikutho ddiwa ddoowirya dda nikhame, ngiromollana manddina a milluku ddiwannddo.

Numeri 32:38

Nebo, Sibima ni Baala Meoni (nnddina nenna naasinthiwa). Mizinda nnddo yaddimakilliiwa yaaddivaha mannddina mamodda.

Genesis 21:31

Sika nipuronno naaromolliwa Beeresheba ekaamba yawi wenko sika eellaayo yakeraatthihalliiwa echipangano.

Genesis 21:25

Vatulli viwa Abrahamu aamukhupanyella Abimeleki dda ehime eyo allupa muttekwaaye yaakhilliiwa.

Genesis 26:17

Sika Isaki aatthaama nave aatthipella musasaaye mu ntapo na Gerari, nko akhallilleeyewo wa enthawi yoorekama.

Genesis 26:19

Akaporo a Isaki yaakata ehime o ntapo nave yaamuphwanya neetuutu.

2 Epilli 26:10

Nave aamaka mattattha muchipululuni nave aakata ehime ddinchichi vawi aakhalla ni eziweto ddinchichi omapuroni oochihellawo eziweto ni omataponi. Aakhallattho ni athu oollima m'matani ni athu oowehera mpesa omiyaangoni navettho o ellapo dda ethaya yaphaama vawi aanakonda ollima.

Genesis 21:30

Abrahamu ahaakhulla wi, “Nyuwaano akhellani enkhosa dditthanu ni piillinndda wonanko omboni wi ehimeella kakatille tti miyaano.”