5 Abrahamu aamuhiyera Isaki ddittheddene aariiyena.
Sara, amwara a apwiyaaka naari yuulluvanlle yahaayarella mwaana aamullopwana. Vano apwiyaakaayo aamuvaha eyuumiiwa ettheene mwaanooyo.
Koma mu mallapo oomallihellaalla anallota wa hiyaano oweella mwa Mwanaye. Mwa olliyoolla Mulluku aaphatusa ellapo ni ddittheddene ddinakhalla mwemmo. Nave Mulluku aamutthoolla wi omamallihello wene ddeko ddittheddene ddikhalle ddaayeddaaye.
Vawi Mulluku aaganiza wi oonihe makhallellwaaye mattheene mwa Mwaanooyo.
Vano nyuwaano asinnaka ni arokoraka tti anamwani a Mulluku ekaamba ya lonjezo naye, wonanko Isaki.
Mwaarimi muri mwa Khrisitu, sika nyuwaano tti edduullu dda Abrahamu nave muneerewaakhella eyo Mulluku alonjezilleeye.
Mulluku khaaniimaanne Mwanaye ayeekha koma aamuvelleella ekaamba ya hiyaano attheene! Vawi aanivaha Mwanaye, khanivahattho ddeko ddittheddene?
Vawi hiyaano tti anaaye, nineerewaakhella madaliso anaasungelleeye athwaaye, ninaakhelle ddenndda nimodda ni Khrisitu vawi noona ddoohoosa ni Khrisitu, nineerewaakhellattho ntitimiho naye.
Attiitthinnya ennamukonda Mwaniwa nave aahiya ddeko ddittheddene mu olamulellwaaye.
Yesu aaphiya vakhuviru allota wi, “Attiitthaaka aakivaha olamulello muttheene wa oddullu ni wa vatthimva.
“Attiitthaaka aakivaha ddeko ddittheddene. Khaavo muthu anamudduwellesesa Mwaana koma Attiitthinnyave sika enamudduwella. Nave khaavottho anaadduwellesesa Attiitthaaka koma Mwaana nave sika anaadduwella ni wa ayo Mwaanooyo anapaalleeye owuupullullella Attiitthinnya.
Nyuwaano mwaawella oddullu, mwahaaphara athu anchichi monga amundende, mwahaakhella emphaso wa athu, naari wa athu oowukila, wi mwakhallekena wenko, nyu Apwiya Mulluku.
Vawi mookivaha olamulello va athu attheene wi kaavahe okumi woohimalla athu attheene mwakivahilleenyu.
Apwiya ahaadalisa wunchichi apwiyaaka nave aawunnuwiha wunchichi. Ahaavaha enkhosa ni epuri ni eng'ombe ddinchichi. Ahaavahattho siliva ni golide, akaporwiiwa aallopwana ni aatthiyana navettho ekamira ni abulu anchichi.
Midiyani aamuyara Efa, Efere, Hanoki, Abida ni Elida. Nndda sika ddaari edduullu dda Ketura.
Vawi aakhallana eziweto ddinchichi nave aakhallattho ni akaporo anchichi, Afilisti yaamukhallella ehache.
