Genesis 24:7 - Mawu a Mulluku

⁷ Apwiya Mulluku Muullupalli, aakikusa owanihu mu nibanja na attiitthaaka ni mu ellapo kayarelliweemimo nave aakilonjeza moollupella wi, ‘Ellapo ella kineerovaha edduullu ddawo.’ Apwiya eneeromuruma mungelwiiwa uuhoollelle nave wenko oneeromwaashera mutthiyana mwanaka.

Genesis 24:7 ပူးပေါင်းရင်းမြစ်များ

Aheberi 1:14

Vano angelwaayo ttaani? Yaalla sika minepa ddinamurumeyella Mulluku nave Mulluku annaddiruma wi ddaakavihereke ayo enaavullusiwe.

Masalimo 34:7

Mungelo a Apwiya annawaapheella athu oowoova Apwiya, annaavullusa.

Eksodo 33:2

Kineeromuruma mungelo vahoollo vawo nave kineerowiikara Akanani, Aamori, Ahiti, Aperezi, Ahivi ni Ayebusi.

Genesis 13:15

Kineerewuuvaha weyaano ni edduullu ddawo ellapo ettheene onooneeweeyo. Nave enaakhalle yaawoyaawo enthawi ddoohimalla.

Masalimo 73:24

Munnakookollella ni malangizwaanyu, vatulli viwa muneerokaakhella mu ntitimiho nanyu.

Masalimo 32:8

Apwiya enallota wi, “Kineerewuulleella ni wuuhuddiha ettilla eyo onaaweetekeewemo. Kineerewuulangiza nave miitthwaaka eneerokhalla va weyaano.

Eksodo 32:13

Muupuwelle oorumeyellaanyu, Abrahamu, Isaki ni Yakobo navettho nndde mwallupenlleenyu mu nnddina nanyu wi, ‘Kineerewuuvahani edduullu ddinchichi, ddawaata wonanko etheneeri dda oddullu. Edduullu ddaanyunnddo kineeroddivaha ellapo ettheene eyo kalonjezilleemi wi ekhalle yayiwa wa enthawi yoohimalla.’ ”

Genesis 15:18

Nllapo nenno Apwiya yaapangana ni Abramu. Yaallota wi, “Kinimalonjeza wi kineeroddivaha edduullu ddawo ellapo ettheeneella ovenyera o muhinje wa o Iguputo ophiyera o muhinje muullupalli wa Yufurate.

Yawuupullulla 11:13

Enthawi yeeyo vaakhalla echivomerezi va emodda mwa ezigawo khumi dda muzinda ekumuwa nave athu 7,000 yahiiphiwa. Amodda oohallaayo yahoova nave yaatitimiha wunnuwa wa Mulluku Muullupalli.

Aheberi 11:9

Ekaamba ya echikhulupililo, Abrahamu akhalla m'musasani wonanko mulleto mu ellapo eyo Mulluku amulonjezilleeye. Akhalla m'misasani. Isaki mwanaye ni Yakobo edduullwaaye, alliwattho yakhalla m'misasani vawi alliwattho yahaakhellana lonjezonna.

Mitteko 7:5

Mulluku khaamuvahille Abrahamu naari nipuro ning'onong'ono wi nikhalle naaye koma aamulonjeza wi aneeromuvaha ellapweeyo nave enaakhalle yaayeyaaye ni edduullu ddaye. Enthawi yeeyo Mulluku amulonjezilleeye, Abrahamu khaarina mwaana.

Daniele 2:44

Va enthawi ya moomwenaayo, Mulluku ooddullu aneerokeraatthiha omwene woohoonongiwa. Oneerewaaphwinya ni waatthollosa moomwene mamodda mattheene nave omwenooyo weekhiiwa oneerokhalla wa enthawi yoohimalla.

Masalimo 103:20

Nyu angelwiiwa, amasiva oollipa, muniiwa mawiiwa, muneera nnddo enalamuliiwa, atitimiheni Apwiya!

Yoswa 1:6

Khalla amasiva ni oollipa murima kaambiiwa oneerewaahoollella athu attheenaalla yaawaakhellaka ellapo eyo kallupellelleemi makhollwiiwa.

Deuteronomo 34:4

Vano Apwiya yaamulleella Mose wi, “Ella sika ellapo elle kallupenlleemi wa Abrahamu, Isaki ni Yakobo wi kineerovaha edduullu ddiwa. Koowaakhullella wi woone koma ngiwaakhullella ovollowamo.”

Deuteronomo 1:8

Ettheeneella sika ellapo eyo kinayivelleelleemi wa nyuwaano. Muvollowe ni waakha ellapo eyo mi Apwiya Mullukwaanyu kallupenlleemi wi kineerewaavaha makhollwaanyu, Abrahamu, Isaki ni Yakobo ni edduullu ddiwa ddittheddene.’ ”

Numeri 32:11

‘Ddawoona, khaavo naari mmodda mwa athu ookhuma mu Iguputo waambeella a miyakha 20 oya muhoollo oyo anaawoone ellapo eyo kallupenlleemi wi kineeromuvaha Abrahamu, Isaki ni Yakobo kaambiiwa kheyaakiiwellelle.

Numeri 14:30

khaavo naari mmodda oyo anaavollowe mu ellapo eyo kallupenlleemi wi muneerovollowamo omupatula Kalebe mwaana a Yefune ni Yoswa mwaana a Nuni.

Numeri 14:16

‘Apwiya yaawiiphella athwaalla mu echipululu ekaamba yawi kheyaawonre waavollochiha mu ellapo eyo yallupenlliiwa waavaha wi ekhalle yayiwa.’

Eksodo 13:5

Apwiya yaallupella wa makhollwaanyu wi eneerewuuvahani ellapo ya Akanani, Ahiti, Aamori, Ahivi ni Ayebusi. Ellapo yeeyo tti yooddalla ni mukaka ni enwi. Yuuvollochihani mu ellapo yeeyo, musungeke ehakallallo yeella mu mweeri yoolla.

Genesis 26:24

Mahiiyu Apwiya yaamooneyella nave yaamulleella wi, “Mi tti Mulluku a attiittho Abrahamu. Ohoove vawi miyaano kiri ni weyaano. Kineerewuudalisa nave kineerewuuvaha edduullu ddinchichi ekaamba ya oorumeyellaaka Abrahamu.”

Genesis 17:8

Ellapo ella onakhalleewemo wonanko mulleto, kineerewuuvaha weyaano ni edduullu ddawo. Ellapo ettheene ya Kanani enaakhalle ya edduullu ddawo wa enthawi yoohimalla nave miyaano kineerokhalla Mullukwiiwa.”

Yona 1:9

Yona ahaakhulla wi, “Mi tti Muheberi, kinaallapella Apwiya Mulluku ooddullu, ayo yapangille mutunda ni enyanja.”

Yesaya 63:9

Mu ddoohoosa ddiwa ddittheddene alliwa aahoowa. Mungelo oovenyera wa alliwa ahaavullusa nave aawoopolla mwa echikondiiwa ni echifundwiiwa. Sika Apwiya ennaapwatha wonanko anamwani ovenyera khalle.

Ezara 1:2

“Nndda sika mwene Kirusi a o Persiya analloteeye wi Apwiya Mulluku a oddullu aakivaha moomwene mattheene a va ellapo yavatthi nave aakilamula wi kaamakellettho enyumba o Yerusalemu a o Yuda.

Oweeruza 2:1

Mungelo a Apwiya aaya o Bokimu ovenyera o Giligala. Nave ahaalleella Aisraele wi, “Kahuukhumihani mu ellapo ya Iguputo ni wuuvollochihani mu ellapo eyo kallupenlleemi wi kineerewaavaha makhollwaanyu. Kaallota wi, ‘Ngiwa kitathilla echipanganwaaka ni nyuwaano.

Genesis 16:7

Mungelo a Apwiya aakumana ni Hagara va neetuutu a mu echipululu va musewu wooyeella o Shuri.

Genesis 21:17

Mulluku aamwiiwa mwaanooyo inllaka nave mungelo a Mulluku aallota ni Hagara ovenyera oddullu wi, “Hagara, ethiyo enuukatamiha tti tini? Ohoove. Mulluku ohiiwa winlla wa mwaanoolla.

Genesis 22:11

Koma mungelo a Apwiya aamwiithana ovenyera oddullu wi, “Abrahamu, Abrahamu!” Olliye ahaakhulla wi, “Ee, Apwiya!”

Genesis 24:3

Kinapaalla wi ollupelle vamiitthoni va Apwiya Mulluku ooddullu ni vatthi wi khomwaashera mutthiyana mwanaka variyari va anamwalli a Akanani wuno niriihunngu.

Genesis 24:40

Alliwa yaakaakhulla wi, ‘Apwiya ayo kikhanlleemi kiwiiwellellaka enthawi ddittheddene, eneeromuruma mungelwiiwa wi eete nimodda ni weyaano nave aweeriha wi ddiweetelle phaama. Nave oneeromwaashera mwanaka mutthiyana ovenyera wa athwaaka, o nibanja na attiitthaaka.

Numeri 11:12

Ethiyo kakusalle erukullu ya athu attheenaalla tti miyaano? Ethiyo kaayarille tti miyaano? Kaambiiwa tti nyuwaano mukilleelleenyu wi kaakhupaarelleke wonanko mmo muyepelle aneerelleeye voomwaamwihani mwaana nave wi kaakuselle o ellapo eyo mwaalonjezilleenyu makhollwiiwa moollupella?

Yoswa 24:3

Vano kaamukusa Abrahamu nikhollo nanyu okhopella wa muhinje wa Yufurate kimweetiha mu ellapo ettheene ya Kanani, kiruuwiha edduullu ddaye nave kaamuvaha Isaki.

Masalimo 136:26

Muthokozeni Mulluku ooddullu, echikondiiwa yoohisintheya tti ya enthawi yoohimalla.