Genesis 24:40 - Mawu a Mulluku

⁴⁰ Alliwa yaakaakhulla wi, ‘Apwiya ayo kikhanlleemi kiwiiwellellaka enthawi ddittheddene, eneeromuruma mungelwiiwa wi eete nimodda ni weyaano nave aweeriha wi ddiweetelle phaama. Nave oneeromwaashera mwanaka mutthiyana ovenyera wa athwaaka, o nibanja na attiitthaaka.

Genesis 24:40 ပူးပေါင်းရင်းမြစ်များ

Eksodo 23:20

“Kineeromurumiha mungelwaaka vahoollo vanyu wi uutetezeni mu ettilla ni wuuphiyihani onipuroni nko kuukhozelleemini.

Masalimo 16:8

Erive enthawi kinnaahiya vamurimani Apwiya, vawi eri onnattanatta waka, sika khaavo oyo anaakitikhe.

Eksodo 33:2

Kineeromuruma mungelo vahoollo vawo nave kineerowiikara Akanani, Aamori, Ahiti, Aperezi, Ahivi ni Ayebusi.

Genesis 17:1

Abramu ari ni miyakha 99 Apwiya yaamooneyella emulleella wi, “Mi tti Mulluku Amasiva Mattheene. Vano wiiwellelleke enthawi ddittheddene nave ohichimweke

Genesis 5:24

Olliye ahaattana ni Mulluku mu okumaaye muttheene. Nave Enoki khaawooneyillettho, ekaamba yawi Mulluku aamukusa.

Yawuupullulla 22:16

“Mi Yesu, koomurumiha mungelwaaka wi allalleye ddeko ddenndda wa mipingo. Miyaano sika edduullu ya Davide, etheneeri yoowala ya thanda.”

Aheberi 1:14

Vano angelwaayo ttaani? Yaalla sika minepa ddinamurumeyella Mulluku nave Mulluku annaddiruma wi ddaakavihereke ayo enaavullusiwe.

Daniele 3:28

Nebukadinezara aallota wi, “Atitimihiwe Mulluku a Shadrake, Meshaki ni Abedenego oyo amurumme amithengaaye aavullusa oorumeyellaaye oomuroromella olliye. Nave yaakhota mawu a miyaano mwene, evelleella miilli ddiwa wi ddihirumeyelle apaalle ollapella arive mulluku koma Mullukwiiwave.

Masalimo 91:11

Vawi Apwiya eneerewaalamula angelwiiwa dda weyaano yuutetezeke mu ettilla ddawo ddittheddene.

Masalimo 1:3

Muthooyo ari wonanko muteekho, wowaalliwa mukhwipi mwa muhinje, wowimma mu enthawi yaphaama, oyo makatthiiwa ehinanyaalla. Ddaweera ddaye ddittheddene ddinnamweetella phaama.

2 Mamwene 20:3

“Nyu Apwiya, upuwellani wi kaanuurumeyellani moororomelleya ni mwawiivelleella nave kaaneera ddawuuddivellani.” Eerille ddiiddo ahaamba winlla moovoreyiwa murima.

1 Mamwene 8:23

Aavekella wi, “Nyu Apwiya Mulluku a Israele, khaavo Mulluku oophwanaphwana ni nyuwaano, oddullu apaalle va ellapo yavatthi. Munnasunga echipangano ni wooniha echikondi yoohisintheya wa oorumeyellaanyu ayo eneeta vamiitthoni vanyu ni murimiiwa muttheene.

Genesis 48:15

Nave aamudalisa Yosefe voollotani wi, “Mullukwaaka oyo makhollwaaka Abrahamu ni Isaki yamurumeyelliiwa, Mulluku oyo akihoollelle mu okumaaka muttheene ophiyera ollello,

Genesis 24:7

Apwiya Mulluku Muullupalli, aakikusa owanihu mu nibanja na attiitthaaka ni mu ellapo kayarelliweemimo nave aakilonjeza moollupella wi, ‘Ellapo ella kineerovaha edduullu ddawo.’ Apwiya eneeromuruma mungelwiiwa uuhoollelle nave wenko oneeromwaashera mutthiyana mwanaka.

Genesis 6:9

Nna sika ntthopoollo na Nowa. Nowa aari muthu oolungama ni oohichimwa vamiitthoni va Mulluku. Nave mum'badwaaye aari yooyove aattanille ni Mulluku.

Genesis 5:22

Enoki ahaattana ni Mulluku nave aakhalla ni okumi miyakha ddimodda 300. Ahaayarattho anamwani amodda aallopwana ni aatthiyana.

Yawuupullulla 22:8

Miyaano, Yohane sika kiiwalle ni woona ddeko ddittheddenenndda. Nave kamallihalleemi wiiwa ni woona ddenndda, kaakokhora vamiitthoni va mungelo oyo akoonihalle ddeko ddenndda wi kimullapelle.

1 Mamwene 2:3

Wiiwellelleke malangizo a Apwiya Mullukwaawo, ni weeta mu ettilla ddiwa, osungeke malembiiwa, malamulwiiwa, weeruza wiwa ni omboniiwa moollikana ni mmo ddilembelliwiiwa mu malamulo a Mose wi weereke mweezeru erive ello. Mwawi ddiidda oneerekopambana nave ddineerekoweetella phaama orive weko onaayeekeewe.

Genesis 24:56

Koma mullupa muttekooyo aallota wi, “Pepaani, muhikisellihe wawi Apwiya aakeetiha phaama wunchichi voolendonaakoolla. Kittaphulleni wi kihokollweelle wa apwiyaaka.”

1 Mamwene 3:6

Nave Solomoni ahaakhulla wi, “Mwaahooniha echikondi yuullupalli ni yoohisintheya wa attiitthaaka Davide, oorumeyellaanyu kaambiiwa yaari oororomelleya, eechilungamo ni aphaama vamiitthoni vanyu. Nave mwaavirellella owooniha echikondi yuullupalli ni yoohisintheya vawaavahani mwaana oyo vano akeraatthille va mpandwiiwa woomwene.