Genesis 24:29 - Mawu a Mulluku

^29-30 Vano Labani, murokoriye a Rebekooyo aathamakella wiihimeni waari mullupa mutteko a Abrahamu wulle. Labani ahoona echipiniille ni ebangili m'muwononi mwa murokoriye nave aamwiiwa Rebekooyo allotaka nnddo muthooyo amulleelleeye. Aphiyalle veehimeni valle, amuphwanyille mullupa mutteko a Abrahamoolle iimenlle vakhuviru ni ekamira.

Genesis 24:29 ပူးပေါင်းရင်းမြစ်များ

Genesis 29:5

Yakobo aakohattho wi, “Ethiyo Labani mwaana a Nahori munnamudduwella?” Alliwaayo yahaakhulla wi, “Ee, ninnamudduwella.”

Genesis 29:13

Labani iiwalleeye dda Yakobo, mwaana a murokoriye, aathamaka akumanana. Aamukhupaarella mwa echikondi nave aamukusa oyaana o enyumba waye. Nave Yakobo aamutthopoollella Labani ddittheddene nnddo ddeereyille.

Genesis 24:55

Koma amennya Rebeka ni murokoriyooyo, yaallota wi, “Iyaayi, namwalloolla akhalleve ni hiyaano enthawi vang'ono, yoohiyeveella mallapo khumi, vatulli viwa sika aneeroyaawo.”

Genesis 24:60

Nave yaamudalisa Rebekooyo voollotani wi, “Weyaano murokorihu, Apwiya yuudalise wi okhalle moowe a athu awaata wunchichi. Edduullu ddawo ddineerewaagonjiha adaniiwa.”

Genesis 25:20

Isaki aari ni miyakha 40 enthawi eyo amutthellilleeye Rebeka mwaana a Betuele Muaramu a o Mesopotamiya. Murokoriye Rebeka aari Labani, Muaramu.

Genesis 27:43

Vano mwanaka, weere nnddo kineereemi kuulleelle. Thawella mwawaakuva wa murokoraka Labani o Harani.

Genesis 28:2

Khawe o Mesopotamiya, owaniwa wa Betuele, attiitthiiwa a amaaywaalla. Wenko wamutthelle mmodda a anamwani aatthiyana a Labani, murokoriwa a amaaywaalla.