Genesis 24:10 - Mawu a Mulluku

¹⁰ Vano mullupa muttekooyo aakusa ekamira* khumi dda apwinnya ni emphaso ddinchichi ddoowallamella mutengo nave aaya o muzinda wa Nahori, mu ellapo ya Mesopotamiya.

Genesis 24:10 ပူးပေါင်းရင်းမြစ်များ

Deuteronomo 23:4

Alliwaalla kheyuuvahilleni yoocha apaalle maaddi va olendwaanyu woovenyera o Iguputo. Nave yaamwiithaniha Balamu, mwaana a Beori, a o Petori o Mesopotamiya wi uutembeleleni.

Genesis 11:31

Vano Tera aamukusa mwanaye Abramu ni edduullwaaye Loti, mwaana a Harani, vamoddattho mvokohaaye Sarai, mwaara Abramu. Aatimulla olendo ovenyera o Uri, o Babiloni oya o ellapo ya Kanani. Koma aaphiya o Harani, nko yakeraattheyeewawo.

Mitteko 2:9

Nivenyenre o ellapo dda Partia, Mediya, Elamu, Mesopotamiya, Yudeya, Kapadokiya, Ponto, Asiya,*

1 Epilli 19:6

Vano Hanuni ni Aamoni yoonilliiwa wi aamullika Davide, yaarumiha makilogaramu 34,000 a siliva wi yiithanihelle magareta navettho athu oowella va akavalo a o Mesopotamiya, a o Aramaaka ni a o Zoba.

Genesis 29:1

Vano Yakobo aavirellella ni olendwaaye wooya o ellapo ya athu a wookhuma nndduwa.

Genesis 27:43

Vano mwanaka, weere nnddo kineereemi kuulleelle. Thawella mwawaakuva wa murokoraka Labani o Harani.

Genesis 24:2

Nllapo nimodda aamulleella mullupa muttekwaaye muullupalli oyo awehera eyuumaaye ettheene wi, “Ngakiphare vatthi va kasambaroolla nave ollupelle.

Genesis 11:29

Abramu ni Nahori yaatthella. Abramu amutthellille Sarai nave Nahori amutthellille Milika mwaana a Harani oyottho aari attiitthinnya a Isika.

Genesis 11:32

Nave Tera akhwenlle wenko ari ni miyakha 205.

Genesis 24:22

Namwalloolle amallihalle owiryiha ekamirannddo, mulletoolle aakhumiha echipini ya golide yoowallamella mutengo wonanko hafu ya sekeli, amuwariha Rebeka vaphunani vaye. Aamuwarihattho m'miwonini mwaye ebangili piilli ddoowallamella mutengo wonanko makobiri a golide khumi.

Genesis 24:53

Vano aakhumiha ddeko dda siliva ni dda golide ni ddoowara nave aaddivelleella wa Rebeka. Aavelleellattho emphaso ddoowallamella mutengo wa murokoriye a Rebekooyo ni wa amennya.

Genesis 29:2

Aphiyallewo ahoona ehime obusani navettho milloko miraru dda enkhosa ddikonaatthille vakhwipi va ehimeeyo. Enkhosannddo ddawirihiwa veehimeni yeella eyo vaddullu viwa vakhuneelliwe ni nlluku nuullupalli.

Genesis 11:26

Tera ari ni miyakha 70 aamuyara Abramu, Nahori ni Harani.

Genesis 22:20

Vatulli viwa Abrahamu ahiiwa wi Milika aamuyarella Nahori, mwanamunne, anamwani atthanu ni araru.