Genesis 21:32 - Mawu a Mulluku

³² Ekeraatthihalle echipangano yeella o Beeresheba wulle, Abimeleki ni Fikolo muttekweene a akhotwaaye, yaahokollweella owaniwa, o ellapo ya Afilisti.

Genesis 21:32 ပူးပေါင်းရင်းမြစ်များ

1 Samuele 18:3

Yonatani aakeraatthiha echipangano ni Davide vawi aamukonda wonanko iikondelleeye yeekhaaye

Oweeruza 13:1

Aisraele yaheerattho ddoonanara vamiitthoni va Apwiya. Vano Apwiya yahaavelleella m'mattani mwa Afilisti wa miyakha 40.

Eksodo 13:17

Farao awaakhullelle Aisraele wi evenyewo, Mulluku khaawaahoollelle wi eyeelle ettilla yooya o ellapo ya Afilisti naari ettilla yeella yaari yoophadda. Vawi Mulluku aallota wi, “Nginapaalla wi athu yaalla esinthe maganizwiiwa wi ehokollweellewottho o Iguputo, yaakumanaka ni ekhoto.”

Genesis 31:53

Mulluku a Abrahamu, Mulluku a Nahori, Mulluku a attiitthiiwa, sika anaaneeruze eellihi.” Sika Yakobo aallupella vamiitthoni va Mulluku oyo attiitthinnya Isaki yamooviiwa.

Genesis 26:14

Vawi aakhallana eziweto ddinchichi nave aakhallattho ni akaporo anchichi, Afilisti yaamukhallella ehache.

Genesis 26:8

Isaki akhanlle wenko enthawi yoorekama, Abimeleki mwene a Afilisti atthurumellaka va niwindo wi awehe otte, aamoona Isaki amupharapharaka mwa echikondi Rebeka.

Genesis 21:27

Vano Abrahamu aamuvaha Abimeleki enkhosa ni eng'ombe nave eellaayo yaakeraatthiha echipangano.

Genesis 14:13

Koma muthu mmodda athawille aawa nave amulleella ddittheddene Abramu, Muheberi. Abramu akhalla vakhuviru ni miteekho dda muthundu dda Mamure Muamori, mwanamunne a Eshikolo ni Anere ayo yiiwanana ni Abramu vakhotoni.

Genesis 10:14

Patirusimu, Kasiluhimu ni Kafitorimu, nikhollo na Afilisti.

Genesis 21:31

Sika nipuronno naaromolliwa Beeresheba ekaamba yawi wenko sika eellaayo yakeraatthihalliiwa echipangano.

Genesis 21:33

Sika Abrahamu ahaalla muteekho wa bwemba o Beeresheba nave ahaallapella Apwiya Mulluku a Enthawi yoohimalla.

Genesis 31:44

Vano hanko nikeraatthihe echipangano wi ekhalle omboni variyari va weyaano ni miyaano.”