Genesis 21:20 - Mawu a Mulluku

²⁰ Mulluku aamuwehera mwaanooyo ophiyera unnuwalle. Ahunnuwella mu echipululu ya Parani ophiyera aakhalla mullupa muura.

Genesis 21:20 ပူးပေါင်းရင်းမြစ်များ

Genesis 28:15

Ngoona, miyaano ngiwa kuuhiya, kineerewuuteteza orive weko oneereewe oyeewo nave kineerewuuhokollosella o ellapo yeella. Ngiwa kuuhiya ophiyera kenre ddittheddene kuulonjezilleeminndda.”

Genesis 39:21

Koma Apwiya yaakhalla ni Yosefe nave yaamukonda wunchichi vawi yaamweeriha oowehera endende wi ahakallallena Yosefooyo.

Genesis 16:12

Koma mwanawooyo aneerokhalla ni murima wa enama, eneerewiitana ni arive muthu nave athu attheene eneerewiitanana. Aneerewiitana ni abalaaye attheene.”

Luka 1:80

Mwaanooyo ahunnuwa m'mwiillini ni m'munepani nave aakhalla ochipululuni ophiyera mallapo addoonihelleeye wa Aisraele.

Oweeruza 6:12

Vano mungelo a Apwiya aamooneyella allota wi, “Apwiya eri ni weyaano, we muthu amasiva ni oollipa murima.”

Genesis 25:27

Asombwaayo yahunnuwa nave Esau aari oosaya enama, ookonda weeteeta. Koma Yakobo aari oomaalleya, ookonda okhalla vaatte.

Genesis 17:20

Koma ollota dda Ishmaele, miyaano koowiiwa weyaano nave ngoona, kineeromudalisa voomuvahani edduullu ddinchichi. Anaakhalle attiitthiiwa a mamwene khumi ni eelli nave edduullu ddaye ddinaakhalle mutundu muullupalli.

Genesis 10:9

Mookaviheriwa ni Apwiya olliyoolla aari oosaya. Ella sika ekaambiiwa athu ennallota mwambi wawi, “Mookaviheriwa ni Apwiya, weyaano ori oosaya wonanko Nimurodi.”

Genesis 27:3

Tukhulla ezida ddawo, muura ni mpaamba, oye ohakani wakisayelle enama.

Luka 2:40

Nave mwaanooyo ahunnuwa akhalla ni masiva owaakattho ezeru navettho Mulluku aanamweerella echifundo.