Genesis 21:17 - Mawu a Mulluku

¹⁷ Mulluku aamwiiwa mwaanooyo inllaka nave mungelo a Mulluku aallota ni Hagara ovenyera oddullu wi, “Hagara, ethiyo enuukatamiha tti tini? Ohoove. Mulluku ohiiwa winlla wa mwaanoolla.

Genesis 21:17 ပူးပေါင်းရင်းမြစ်များ

Genesis 16:11

Vano oneerokhalla ni mwaana aamullopwana nave onaamuvahe nnddina nawi Ishmaele vawi Apwiya ahiiwa winlla wawo va ddookatamiha ddawo.

Masalimo 50:15

Muvekelle wa miyaano va nllapo na ddookatamiha, miyaano kineerewuuvullusani nave muneerokititimiha.”

Eksodo 3:7

Vano Apwiya yaallota wi, “Kohoona ohoosiwa wa athwaaka o Iguputo. Kohiiwa okhuwa wi ekaviheriwe, ekaamba ya uullupalli a thangata ayo enaahoosa. Kinnadduwella phaama ddoovoreya ddiwa.

Masalimo 91:15

Akiithana, kineeromwaakhulla, kineerokhalla ni olliye enthawi ya ddoohoosa, kineeromwaakiha ni omuvaha olemu.

Mariko 5:36

Koma Yesu khaapwathille ddoollotiwannddo nave aallota wa Yairooyo wi, “Ohoove koma weeremoona okhulupilila.”

Mateyu 15:32

Vano Yesu aawiithana oohudderaaye allota wi, “Athwaalle ennakimoriha ethakaraka kaambiiwa aakhalla ni miyaano mallapo mararu nave khenna ello yoocha. Nginapaalla waarumiha owaniwa eri ni ettalla kaambiiwa eneerongomowella muttilla.”

Yesaya 41:10

Ohoove kaambiiwa mi kiri ni weyaano, ohitathille murima vawi mi tti Mullukwaawo. Kineerewuuvaha masiva, kineerewuukavihera, kineerewuuteteza ni nnattanatta naka noogonjiha.

Yesaya 22:1

Nngu sika ollotella wa dda ntapo na Masomphenya. Ethiyo yeereyille tti tini wi attheene muwelle vaddullu va enyumba?

Masalimo 65:2

Nyu oyo munaapella maaru mavekello, athu attheene eneeroowa wa nyuwaano

2 Mamwene 13:23

Koma Apwiya yahaareerella murima ni oweerella echifundo Aisraele. Yahaakhurumuwella murima ekaamba ya echipangano eyo yakeraatthihalliiwa ni Abrahamu, Isaki ni Yakobo. Kheyaapanlle wi ewoononge apaalle waatiwalla athwiiwa ophiyera ollello.

2 Mamwene 13:4

Vano Yehowahazi aavekella wa Apwiya nave yaamwiiwella vawi yahoona ohoosiwa wa Aisraele nko mwene a o Siriya aweerelleeye.

1 Samuele 11:5

Enthawi yeeyo Saulo aari avenyeraka omata attotthaka eng'ombe ddaye ddoophara mutteko. Vano aakoha wi, “Athwaalla eninllella tini?” Yaamulleella dda athu a o Yabeshaalle.

Oweeruza 18:23

Alliwaayo yahaakhuwella athu a nlloko na Danaalle. Vano athu a nlloko na Danaayo yaarukunuwa emukoha Mika wi, “Yuukatamihalle tti tini wi oweeke ni mulloko wawi ddiidda?”

Eksodo 22:27

vawi yawiikhuneellaaye tti yeeyove yootetezellana mwiillaaye. Vano aniikhuneelleke ni tini? Olliyoolla inlla wa miyaano wi kimukavihere, kineeromwiiwa kaambiiwa mi tti eechifundo.

Eksodo 22:23

Waamuhoosaka, miyaano kineerowiiwa olliyooyo aawinllellaka wa miyaano.

Eksodo 14:13

Vano Mose aawaakhulla athwaayo wi, “Muhoove! Llipani murima nave mweerekemoona oweha mmo Apwiya enaawuuvulluselleniiwa. Vawi Aiguputo ayo munawooneenyu ollello, khamuwa muwoonattho.

Genesis 46:3

Vano Mulluku aamulleella wi, “Mi tti Mulluku, Mulluku a attiittho. Ohoove oya o Iguputo. Wenko kineeroruuwiha edduullu ddawo wi ddikhalle mutundu muullupalli.

Genesis 16:9

Mungelooyo aallota wi, “Iyaayi, hokollweella wa adonaawo Sarai, wamugonjelle.”

Genesis 15:1

Ddimanlle nndda, Apwiya yaamooneyella Abramu mu masomphenya. Yaamulleella wi, “Ohoove Abramu, mi tti echishangwaawo. Yoothuviwaawo enaakhalle yuullupalli.”

Genesis 16:7

Mungelo a Apwiya aakumana ni Hagara va neetuutu a mu echipululu va musewu wooyeella o Shuri.

Genesis 22:11

Koma mungelo a Apwiya aamwiithana ovenyera oddullu wi, “Abrahamu, Abrahamu!” Olliye ahaakhulla wi, “Ee, Apwiya!”

Genesis 24:7

Apwiya Mulluku Muullupalli, aakikusa owanihu mu nibanja na attiitthaaka ni mu ellapo kayarelliweemimo nave aakilonjeza moollupella wi, ‘Ellapo ella kineerovaha edduullu ddawo.’ Apwiya eneeromuruma mungelwiiwa uuhoollelle nave wenko oneeromwaashera mutthiyana mwanaka.

Genesis 26:24

Mahiiyu Apwiya yaamooneyella nave yaamulleella wi, “Mi tti Mulluku a attiittho Abrahamu. Ohoove vawi miyaano kiri ni weyaano. Kineerewuudalisa nave kineerewuuvaha edduullu ddinchichi ekaamba ya oorumeyellaaka Abrahamu.”

Eksodo 3:2

Wenko mungelo a Apwiya aamooneyella m'munlloni wookhara vamakukhuni. Mose awehille, ahoona munllo okharaka vamakukhuni koma makukhwaayo kheyaasha.

Deuteronomo 26:7

Vaavo hiyaano nahinllella wa Apwiya Mulluku a makhollwaahu wi enikavihere. Alliwa yaaniiwa nave yahoona ohoowa wahu, mutteko wootopiha oyo Aiguputwaalle yanipharihiiwa navettho okumaahu woopaneyooyo.

Masalimo 6:8

Mukivenyerevo, nyu attheene oonanara vawi Apwiya ahiiwa winlla waka.

Genesis 16:8

Nave aallota wi, “Hagara, kaporo a Sarai, ethiyo onavenyera wuuwi navettho onaya wuuwi?” Hagara ahaakhulla wi, “Kinaathawa adonaaka Sarai.”

Masalimo 10:14

Komathi nyuwaano munnamoona, munnadduwella ddookatamiha ni ddoohoosa nave munneeravo ello. Oopaalla okaviheriwa enniivelleella wa nyuwaano, alliwattho akhwaadduni munnaakavihera.