Genesis 21:16 - Mawu a Mulluku

¹⁶ Olliye akeraatthi vatthi moowehana ni mwaanooyo va mutunda wa mamita 100 kaambiiwa aganiza wi, “Miyaano ngaakhullella omoonellella mwanaka akhwaka mwawi ddiidda.” Akeraatthille ddiiddo, mwaanooyo ahaamba winlla.

Genesis 21:16 ပူးပေါင်းရင်းမြစ်များ

Yesaya 49:15

Apwiya yahaakhulla wi, “Ethiyo mutthiyana ttuumutiwalla mwanaye awaamwa apaalle oohimweerella echifundo mwaana oomuyara yeekha? Naari amutiwanlle mwanaye, miyaano, ngiwa kuutiwallani.

Estere 8:6

Kinaawore ovillella mwawiidde, vawoonani mullilli oyo onaamorella athu a nlloko naka? Apaalle kinaawore mwawiidde ovillella, vawoonani abalaaka yiiphiwaka?”

1 Mamwene 3:26

Nave mutthiyana oyo aari mwaneena a mwaana mukumoolle aamumorella ethakaraka mwanayoolle. Sika aamulleella mwenooyo wi, “Apwiya, muhimwiiphe mwaanooyo koma mumwinnye mukhwaakoolla.” Koma mutthiyana mmoddoolle aallota wi, “Mwaanoolla ahikhalle aaka apaalle aawo, aphaddiwe variyari.”

Luka 15:20

Vano aatimulla ahokollweella wa attiitthinnya. “Aweeye voorekama ni owaniwanko attiitthinnyaayo yaari emonne khalle. Vano yammorella ethakaraka wunchichi emuthamakella nave yaamuvaha mooni voomukhupaarellani.

Zekariya 12:10

“Vano athu a nibanja na Davide ni attheene a o Yerusalemu kineerewaakawella murima wooddalla ni echifundo ni woovekella. Sika yamuweha oyo yamuhomilliiwa, eneeromwinllella wunchichi wonanko enamwinllelliiwa mwaana akhalla mmoddave.

1 Samuele 30:4

Vano Davide ni athwaaye yahinlla moowelliha mawu ophiyera masiva awinllella yahaamallella.

1 Samuele 24:16

Davide amallihalle ollota mawu yaalla, Saulo aakoha wi, “Ethiyo tti we mwanaka Davide?” Vaavo Saulo ahinlla mookhuwa.

Rute 1:9

Apwiya yuukavihereni wi muphwanye wookhallawo nave arive muthu anyuwaano atthelliwe.” Vano ahaakhupaarella aallaanya. Koma alliwaayo yahaamba winlla moowelliha mawu.

Oweeruza 2:4

Mungelooyo allotille mawu yaalla wa Aisraele attheene, athwaayo yahaamba okhuwa ni winlla.

Genesis 44:34

Miyaano kinaawore mwawiidde orowa wa attiitthaaka musomboolla aahithaanana ni miyaano? Miyaano ngiwora ovillella wi koone otulli wawiddiidda waamorellaka attiitthaaka.”

Genesis 29:11

Vano Yakobo aamukhupaarella Rakelooyo nave ahinlla mookhuwa.

Genesis 27:38

Esau aavirellella waaveka attiitthinnyaayo wi, “Ethiyo attiitthi, madaliso mwaarina amoddave yaalla? Kidaliseni vang'ono miyaanottho, nyuwaano attiitthaaka.” Vatulli viwa Esau ahaambeellattho winlla.

Genesis 21:15

Vano maaddaalle emmallelle aamuhiya mwaanooyo vatthi va nikukhu.

1 Mamwene 17:12

Vaavo mutthiyanooyo ahaakhulla wi, “Kinimallupella vamiitthoni va Apwiya Mullukwaanyu, miyaano ngaapeyille erive ello koma kookhalla ni othu vang'ono mwiipalleni owaakattho makhura vang'ono munibotoloni. Kinatota ekhuni piilli wi kaddaapeyelle meekha ni mwanaka niche nave nikhwe.”

Yeremiya 6:26

Apwiya enallota ni athwiiwa wi, “Nyu athwaaka, warani eziguduli nave upuruwani vantuurani. Inllani mwamasiva wonanko muthu anamwinllella mwanaye mmoddave vawi moorurumusa awoononga aneeroowa wi awiipheni.

Amosi 8:10

Kineerotthattusa ehakallallo ddanyu okhalla winlla, machipwaanyu eehakallallo okhalla amaliro. Kineerewuuwarihani attheene eziguduli, miru ddanyu ddittheddene ddineerochemiwa mipala. Munaakhalle wonanko makhollo oomwinllella mwaniwa mmoddave, nllapo nenno nittheene ophiyera omalla wiwa, ninaakhalle noovoreya.”