Genesis 20:17 - Mawu a Mulluku

^17-18 Ekaamba ya Sara mwaara Abrahamu, Apwiya yaamumaka mwaara Abimeleki ni atthiyana attheene a munibanjani naye wi ehiyareke. Sika Abrahamu aamuvekella Abimeleki nave Mulluku aamuchiriha Abimelekooyo ni mwaariye vamoddattho ni awariye ang'onong'ono attheene wi yaayareke anamwani.

Genesis 20:17 ပူးပေါင်းရင်းမြစ်များ

Yakobo 5:16

Sika vano muwululellaneke machimwaanyu nave muvekellaneke wi muchirihiwe. Nivekello na muthu oolungama ninnakhalla namasiva nave ninnaphara mutteko.

Afilipi 4:6

Muhikhupanyeke erive ello koma mumulleelleke Mulluku erive ello munapaalleenyu moovekella. Enthawi ddittheddene muvekeke ni murima woothokoza.

1 Atesalonika 5:25

Asinnihu ni arokorihu, munivekellelleke hiyaano.

Mateyu 21:22

Mwakhalla ni echikhulupililo, muneerewaakhella erive ello munavekeenyu mu nivekello.”

Mateyu 7:7

“Sika kinimuulleellani wi, vekani nave muneerewaakhella; ashaashani nave muneerophwanya; okothani nave nchiwi nineerohulliwa wa nyuwaano.

Yesaya 45:11

Apwiya Aweella a Israele ni Oophatusaaye enallota wi, “Ethiyo we ttuukikoha dda anaaka apaalle okilamulella va mitteko dda mattaaka?

Miyambo 15:8

Mikutho dda muthu oochimwa onnaananara Apwiya koma mavekello a aphaama ennaahakallalliha.

Ezara 6:10

wi evelleelleke mikutho ddoomuddivella Mulluku a oddullu ni ovekella okumi wa mwene ni anaaye.

Genesis 29:31

Apwiya yoonille wi Yakobo khaamukonda wunchichi Leya, yahaakhullella wi Leyooyo aayare anamwani koma Rakele iyaayi.

Genesis 20:7

Koma vano, omuvelleelle mutthiyanoolla wa mamune. Mullopwanooyo tti namallotella nave aneerewuuvekellella wi ohikhwe. Koma waahimuvelleella, ddawoona, kinimuuchenjezeraatu wi onimakhwa weyaano ni nibanja nawo nittheene.”

Mitteko 3:24

Navettho anamallotella attheene waambeella va Samuele ni yaayo yawiille vatulli vaye, yaallotella ddineereyanndda.

Miyambo 15:29

Apwiya ennaarekamella athu oonanara koma enniiwa mavekello a oolungama.

Numeri 12:13

Vano Mose ahaalleella mookhuwa Apwiya wi, “Mulluku kinimuuvekani wi mumuchirihe Miriyamu.”

Numeri 21:7

Vano athu yaawa wa Mose emulleella wi, “Pepaani naachimwa voowiinyullullani Apwiya ni nyuwaano. Muvekelle wa Apwiya wi enivenyihellevo enowanndda.” Sika Mose ahaavekellella athwaayo.

Yobu 42:8

Sika vano kusani anankhoro a eng'ombe atthanu ni eelli ni anankhoro a enkhosa atthanu ni eelli nave muyeena wa oorumeyellaaka Yobu wi mwiivelleellelle mukutho. Nave oorumeyellaaka Yobu aneerewuuvekellani vawi kineerewaakhullella ovekella waye wi kihiweerelleni ello moollikana ni okarangeya wanyu. Vawi nyuwaano khemwaallonte ddaphaama dda miyaano wonanko eerelle oorumeyellaaka Yobu.”

Genesis 12:17

Koma Apwiya yaarumiha ereta ddawoopiha va Farao ni va athu attheene a mpa mwaye, ekaamba ya Sarai mwaara Abramu.