Genesis 20:15 - Mawu a Mulluku

¹⁵ Aamulleella Abrahamu wi, “Ellapo ettheeneella tti yaaka, ttuuwora okhalla orive weko onapaalleewewo.”

Genesis 20:15 ပူးပေါင်းရင်းမြစ်များ

Genesis 34:10

Ddeeddiiddo muneerekokhalla ni hiyaano mwiillaponi mwahummu. Mukeraattheye mwamurendelle orive weko munapaalleenyuwo, mukulliheke malondaanyu mwamurendelle nave mukulleke mapuro oomakavo enyumba moopaalla mwanyu.”

Genesis 13:9

Ethiyo ellapo ettheene kheri m'mattani mwawo? Hanko nihiyane, otthoolle embali ya ellapo eyo onapaalleewe. Watthoolla onnatta noonyottho, miyaano kinaaye onnattanatta nave watthoolla onnattanatta, miyaano kinaaye onnatta noonyottho.”

Genesis 47:6

Ellapo ya Iguputo eri m'mattani mwawo. Sika waakeraatthihe attiittho ni asinno mu ellapo ya ethaya yaphaama, yakhalle o Gosheni. Nave waarimi waadduwenlle oororomelleya variyari viwamvo, owinnye okapitawo woochiha eziweto ddaka.”

Yeremiya 40:4

Koma weyaano Yeremiya, ollello kinimuuttaphulla onyolo m'mattanimu. Hanko o Babiloni waarimi opaallaka nave kineerewuuwehera phaama. Koma waahipaallaka, kheviri ello. Ngoona, ellapo ettheene eri vamiitthoni vawo. Oye nko onooneewe wi tti waphaama.

Genesis 42:34

Mung'onong'onwaanyooyo mwaweena wuno, osimikiza wi munallota ddawoona nave khamwiiphiwa. Vaavo sika kineerodduwella wi khamuhiyo oozonda koma muri oororomelleya. Vano kineerewuuhokollosellani mwanamunninyooyo nave nyuwaano ttuuvirellella weera malonda mwiillaponimmu.’ ”