Genesis 2:24 - Mawu a Mulluku

²⁴ Sika ekaambiiwa mullopwana anaahiyeeye attiitthinnya ni amennya aya atthella, sika eellaayo ennakhalla mwiilli mmodda.

Genesis 2:24 ပူးပေါင်းရင်းမြစ်များ

Aroma 7:2

Hankoni niphwanaphwanihe ni mutthiyana ootthelliwa, olliye annapataana ni mamune ekaamba ya malamulo mallapo mattheene mullopwanooyo anakhalleeye mukumi. Koma mullopwanooyo akhwa, mutthiyanooyo oottaphulliwa o malamulo yaapataanihallaalle.

Miyambo 31:10

Ethiyo ttaani anamphwanye mutthiyana aphaama? Tti ookhwaranya malluku oowallamella mutengo?

Miyambo 12:4

Mutthiyana aphaama tti wonanko enduwira ya mamune koma oowulliha muru tti wonanko nikhwata na marohi wa mamune.

Masalimo 45:10

Vano iwa, we mutthiyana ootthelliwa, ngiiwa mawaaka nave apella maaru, Atiwalle abalaawo navettho a mpa mwa attiittho.

1 Timoteo 5:14

Sika kinapaalla wi anaamukhwelle a miyakha ddooyeva etthelliweke, yaayareke anamwani, yeetiheke mabanjiiwa wi ehaavahe adaniihu ekari yoollota ddoonanara dda hiyaano.

Deuteronomo 10:20

Muwooveke Apwiya Mullukwaanyu ni waallapella yaayove ni owummellella nave mullupelleke mu nnddina niwave. Mukhalleke oororomelleya vamiitthoni viwa nave mullupelleke mu nnddina niwave.

Deuteronomo 4:4

Koma nyu attheene mwaakhulupililalle Apwiya Mullukwaahu mookhalla ni okumi ophiyera ollello.

Mitteko 11:23

Aphiyalleeyewo ahoona echisomo ya Mulluku vaathwaayo. Aahakallalla nave aallipiha mwiilli attheenaayo wi evirellelle ookhulupilila mwa Apwiya ni murimiiwa muttheene.

Yoswa 23:8

Vano mwaawanddeellelle Apwiya wonanko mweerelleenyu ophiyera ollello.

Genesis 4:19

Lameki aatthenlle atthiyana eelli. Nnddina na mwaariye awaamba naari Ada nave na mwaariye aneepiilli naari Zila.

Miyambo 2:17

oyo anamuhiya mamune awaamba, ootiwalla echipangano ni Mullukwaaye.

1 Samuele 25:43

Davide aari amutthellille Ahinowamu o Yezireele nave atthiyana eellaayo yaakhalla awariye