Genesis 2:14 - Mawu a Mulluku

¹⁴ Muhinje waneeraru tti Tigrisi oyo oneeta wookhuma nndduwa wa ellapo ya Asiriya. Muhinje waneesese tti Yufurate.

Genesis 2:14 ပူးပေါင်းရင်းမြစ်များ

Daniele 10:4

Va nllapo na 24 na mweeri wawaamba, kaari vakhopella va muhinje muullupalli wa Tigrisi.

Genesis 15:18

Nllapo nenno Apwiya yaapangana ni Abramu. Yaallota wi, “Kinimalonjeza wi kineeroddivaha edduullu ddawo ellapo ettheeneella ovenyera o muhinje wa o Iguputo ophiyera o muhinje muullupalli wa Yufurate.

Yawuupullulla 9:14

Mawaayo yaallotana mungelo aneetthanu ni mmoddooyo wi, “Attaphulle angelo asese ayo emakiwe vamuhinjeni muullupalli wa Yufurate!”

Deuteronomo 11:24

Virive veko vinaanyingalle nnyallo nanyu vinaakhalle vaanyu. Ellapwaanyu enaambeelle o echipululu omwera, ophiya o mwaango wa Lebanoni ompoto navettho waambeella o muhinje wa Yufurate wookhuma nndduwa, ophiya o Enyanja Yuullupalli woovollowa nndduwa.

Deuteronomo 1:7

Timullani muye o ellapo yamiyaango ya Aamori ni otthewene nko onakhalla akhwiiwa a Aamoraayo monga o ntapo na Araba, o miyaango ni o ntapo, ohito ni omwera, mukhwipi mwa Enyanja Yuullupalli, o ellapo ya Akanani ni Alebanoni ophiya o muhinje muullupalli wa Yufurate.

Genesis 25:18

Edduullu dda Ishmaele ddakhalla mu ellapo ya variyari va Havila ni Shuri, wookhuma nndduwa wa Iguputo, va ettilla ya o Asiriya. Nave ddakhalla moohiyana ni edduullu ddimodda dda Abrahamu.

Genesis 10:22

Anamwani a Shemu yaari Elamu, Ashuri, Aripakishadi, Ludi ni Aramu.

Genesis 10:11

Ovenyera o ellapo ya Babiloni aaya o ellapo ya Asiriya. Wenko aamaka mizinda dda Nineve, Rehobotiiri, Kala,

Genesis 2:13

Muhinje waneepiilli tti Gihoni oyo oneeta mwawaapheella ellapo ya Kushi.

Genesis 2:15

Sika vano Apwiya Mulluku yaamukusa muthooyo, emuhiya mu emata ya Edeneelle wi ayillimeke navettho wi ayiwehereke phaama.

Ezekiele 23:23

Kineerowiithana athu a o Babiloni, attheene a Babiloni, attheene ayo eri o Pekodi, a o Showa, a o Kowa vamodda ni Aasiriya attheene. Attheenaayo yaari allopwana ooreera monga enduna dda mu ezigawo, oohoollella akhoto, akhoto ni oowella va akavalo.