Genesis 19:5 - Mawu a Mulluku

⁵ Yaamwiithana Loti emukoha wi, “Ethiyo athu ewiille owaninyu wuno mahiiywaalle eri wuuwi? Akhumihe, ewe wuno wi nikonena.”

Genesis 19:5 ပူးပေါင်းရင်းမြစ်များ

Oweeruza 19:22

Yachiiwa moohakallalla, yaawoona athu a m'muzindanimmo, athu oonanara, yaaphenlle enyumbeeyo yuukuthaka nchiwi. Yaamulleella muthu awuulluvalloolle, mwaneena a enyumboolle wi, “Mukhumihe muthu olle awiille mpa mwawo wi nikonena.”

Yuda 1:7

Muupuwelle Sodomu ni Gomora ni matawoni awaatamanana, nko athu yeerille ddoophwanaphwana ni nnddo yeerille angelwaalle. Athwaalla yaheera machimo ooraruwa ni machimo amodda oohiphwanella weeriwa ni muthu. Mulluku ahaallaka ni munllo woohimalla wi aachenjeze athu amodda.

Yesaya 3:9

Ennavaanyihiwa ni mooneyello a ekhove ddiwa. Ennachimwa vaweella wonanko athu a o Sodomu, kheniipittha. Otulli wa athu yaalla vawi yooddiithanella weekhiiwa ddoohoosa.

Levitiko 18:22

Ohinakonaka ni mullopwana wonanko mmo oneerelleewe ni mutthiyana, yeella tti ello yoonanara wunchichi.

1 Timoteo 1:10

ooraruwa, ookonana ni allopwana akhwiiwa, oowaakulla athu, oowoottha, oovelleella omboni wawoottha nave ni arive muthu aneera erive ello yoovaanyana ni ehuddiho yawoona.

1 Akorinto 6:9

Ethiyo khamunadduwella wi athu aweera ddoonanara kheyaakhella omwene wa Mulluku? Muhiddoottotthe weekhiinyu! Ooraruwa apaalle oollapella mafano apaalle ookonana ni allopwana akhwiiwa

Ezekiele 16:51

“Samariya kheerille naari hafu a machimo weerilleewe. Weyaano waheera ddoonanara ddinchichi waakhwaranya asinno eellaalla wawi alliwa yooneya wonanko oohichimwa ophwanaphwaniha ni weyaano.

2 Timoteo 3:13

Koma athu oonanara ni oolleka eneerovirellella onanara nave eneerekolleka ni alliwattho eneerekollekiwa.

Ezekiele 16:49

Ochimwa wa Sodomu ni mizi ddaye waari wawi aaniitukhulla ni eyuumaaye yinchichi nave khaapwatha oohoowa ni oopaneya.

Yeremiya 6:15

Ethiyo yaaweeraka ddoonanara, ennawulliwa muru? Iyaayi, khenawulliwa muru naari vang'ono, khanadduwella naari omoriha ekhove vatthi. Nave sika ekaambiiwa eneerewiikuha wonanko amodda yiikuhelliiwa khalle. Eneerotthollowa va nllapo nno kinaallakeemi. Mi Apwiya koollota.”

Yeremiya 3:3

Sika ekaambiiwa murimu a ntthokollapallaka iimeselliweeye nave naari murimu awaallella kharupalle. Komave makhallellwaawo mattheene tti a hule nave khonawulliwa muru naari vang'ono.

Yesaya 1:9

Apwiya Amasiva Mattheene yahinihiyalleke amoddahi ooyeva neerotthollowa wonanko Sodomu ni Gomora.

Levitiko 20:13

Muthu akona ni mullopwana mukhwaaye wonanko anakona ni mutthiyana, attheenaayo aheera ello yoonanara wunchichi nave yiiphiwe. Nikhame niwa ninaakhalle va muru viwa.

2 Petro 2:2

Naari ddiri ddiiddo, athu anchichi eneerothwara makhallellwiiwa oonanara nave sika ekaamba ya nnddo eneeriiwa, eneeroweeriha athu amodda ollotella epewe ettilla yawoona.

2 Petro 2:7

Koma aamuvullusa Loti, muthu oolungama, oyo ahoosiwe m'murimani ni makhallello oonanara a athu oohithwara malamulo.

Genesis 19:6

Loti aakhumella vaatte awalla mullako,

Deuteronomo 23:17

“Variyari va Aisraele vihikhalle mullopwana apaalle mutthiyana oyo ari hule o nipuro naweella.

1 Mamwene 14:24

Nave waakhallattho allopwana ooraruwa voollapellani mu ellapo yeeyo. Athwaalla yaaneera ddoonanara nnddo ddeeriwa ni athu ayo Apwiya yawiikarilliiwa Aisraele yaphiyiiwa.

1 Mamwene 22:46

Emoddattho tti yawi ahiikariha mulloko woohalla wa allopwana ooraruwa voollapellani o nipuro na mallapello ayo yaarivo enthawi ya Asa attiitthinnya.

Ezekiele 16:50

Aaniitukhulla wunchichi aneera ddoonanara vamiitthoni vaka. Sika ekaambiiwa kawoonongilleemi koonille.