Genesis 19:37 - Mawu a Mulluku

³⁷ Mwaana muullupallooyo aamuyara mwaana aamullopwana, aamuvaha nnddina nawi Mowabu. Olliyooyo sika nikhollo na Amowabu.

Genesis 19:37 ပူးပေါင်းရင်းမြစ်များ

Deuteronomo 2:9

Apwiya yaallota ni miyaano wi, ‘Muhaahoose Amowabu, edduullu dda Loti apaalle owanana ekhoto vawi alliwaalla kohaavaha muzinda wa Ari nave nguuvahani ellapwiiweeyo naari vang'ono.’

Rute 4:10

Koomukusattho Rute a o Mowaboolle, mwaara a muha Maloni wi akhalle mwaaraka. Nave aayare anamwani wi emateeyo ekhalle yoohallana ya nibanja na ookhooyo. Nave wi nnddina naye nihitiwalliwe variyari va abalaaye ni athu oowaniwa. Nyuwaano attheene ollellova tti amboni.”

Deuteronomo 23:3

“Mwaamoni apaalle Mmowabu naari edduullu ddaye ophiyera mbado waneekhumi ahivollowe mu mutthukumano wa Apwiya.

Deuteronomo 2:19

Nave mwaphiya vakhuviru ni ellapo ya Aamoni, edduullu dda Loti, muhaahoose apaalle owanana ekhoto vawi alliwaalla kohaavaha ellapwiiweeyo nave nguuvahani naari vang'ono.’

Numeri 21:29

Otulli okhalle wa weyaano Mowabu, moonongeye nyu oomullapella Kemoshi. Wohaatthattusa anaaye aallopwana oothawathawa, anaaye aatthiyana akaporo a Sihoni, mwene a Aamori.

Genesis 19:36

Sika anamwani attheene eellaayo yaakusa erukullu ya attiitthiiwa.

1 Samuele 14:47

Saulo aariiye mwene owaalamulella a Aisraele, aawana ekhoto ni adanaaye attheene. Aawana ni Amowabu, Aamoni, Aedomu, mamwene o Zoba owaakattho Afilisti. Orive weko ayeeyewo aanaagonjiha.

Masalimo 83:9

Muweere nnddo mwaweerenlleenyu Amidiyani, Sisera ni Yabini o muhinje wa Kishoni,

Zefaniya 2:8

Apwiya enallota wi, “Kohiiwa ovevulla wa Amowabu ni oruwana wa Aamoni, mmo enaanyaambuselliiwa athwaaka, mmo eniitukhullelliiwa mwiillaponi mwiwa.