Genesis 19:24 - Mawu a Mulluku

²⁴ Vano Apwiya yaamoriha munllo wa sulufure va Sodomu ni Gomora ovenyera oddullu.

Genesis 19:24 ပူးပေါင်းရင်းမြစ်များ

Deuteronomo 29:23

Emata ddanyu ddineerotthulluwa, ddinaaddalle sulufure ni mwiinyu nave khemumella erive ello naari manasi. Ellapwaanyu enaakhalle wonanko mizinda dda o Sodomu ni Gomora navettho dda o Adima ni Zeboimu nnddo Apwiya yaddoonongilliiwa va enthawi elle yashilliiwa murima wunchichi.

Yesaya 13:19

Omwene wa Babiloni wookhalla ni eyuuma okhwaranya moomwene mattheene nave athwiiwa ennawukotella. Koma kineerowoononga muzinda wa Babiloni wonanko mmo kamoonongelleemi Sodomu ni Gomora.

Yuda 1:7

Muupuwelle Sodomu ni Gomora ni matawoni awaatamanana, nko athu yeerille ddoophwanaphwana ni nnddo yeerille angelwaalle. Athwaalla yaheera machimo ooraruwa ni machimo amodda oohiphwanella weeriwa ni muthu. Mulluku ahaallaka ni munllo woohimalla wi aachenjeze athu amodda.

2 Petro 2:6

Mulluku aallaka mizinda dda Sodomu ni Gomora, voowoonongani ni munllo nave aheera ddennddo wi aachenjeze athu oohimullapella Mulluku dda nnddo ddinaaweereye.

Amosi 4:11

“Kaawoononga amodda a nyuwaano wonanko mmo koonongelleemi Sodomu ni Gomora. Amodda mwavulluwalle mwaari wonanko ekhuni ddoothumulliwa viikho komave khamwaahokollweelle wa miyaano. Mi Apwiya koollota.”

Yeremiya 50:40

Wonanko mmo woonongeyelle muzinda wa Sodomu ni wa Gomora ni mizi dda vakhuviru, emoddamoddave yeeyo khohalla naari muthu mmodda wenko. Khaavo naari mmodda anaaphwanyeye wenko.

Zefaniya 2:9

Sika ekaambiiwa mi Apwiya Amasiva Mattheene kinallupelleemi wi, ‘Kinimallupella vamiitthoni vaka, miyaano Mulluku Ookumi a Israele, Mowabu aneerewoonongiwa wonanko Sodomu, Amoni aneerewoonongiwa wonanko Gomora. Nipuronno ninaakhalle wonanko mapuro oomella miiwa nlliti namwiinyu, ellapo yeechipululu wa enthawi yoohimalla. Athwaaka oohalla eneerewaakha mapuro oovulluwa eneerewaakhella wi ekhalle yoohallaniiwa.’ ”

Maliro 4:6

Ollakiwa wa mwaana aamutthiyana, athwaaka tti wuullupalli okhwaranya oollakiwa wa Sodomu oyo allakiwe moorurumusa oohikhallavo awaakavihera.

Yeremiya 20:16

Muthu yooyo akhalle wonanko mizinda nndde Apwiya yoonongilliiwa moohimoriwa ethakaraka. Iiwe winlla wa ovoreya ohinase, onyakulla wa akhoto otthaana

Yobu 18:15

Mpa mwaye munakhalla nnddo ddihiri ddaaye, vookhalla vaye vineeromiddiwa sulufure.

Hoseya 11:8

“We Efuremu, ethiyo kinaawuuhiye mwawiidde? We Israele, kinaawuutathille mwawiidde? Ethiyo kinaawuutthattuse mwawiidde wonanko Adima? Ethiyo ttuuwoononga mwawiidde wonanko Zeboimu? Murimaaka wookhoota, echifundwaaka tti yuullupalli va alliwa.

Yeremiya 49:18

Wonanko mmo woonongeyelle muzinda wa Sodomu ni wa Gomora ni mizi dda vakhuviru, emoddamoddave yeeyo khohalla naari muthu mmodda wenko. Khaavo naari mmodda anaaphwanyeye wenko.

Yesaya 1:9

Apwiya Amasiva Mattheene yahinihiyalleke amoddahi ooyeva neerotthollowa wonanko Sodomu ni Gomora.

Masalimo 11:6

Apwiya eneerewaarumihella oonanara munllo ni sulufure wonanko murimu. Eneerewaallaka ni ephevo yooviha moollikana ni ddaweera ddiwa.

Luka 10:12

Kinimuulleellani wi va nllapo na echiweruzo, Mulluku aneeroweerella echifundo yinchichi athu a Sodomu ohiyana ni athu a mutawoni yeella.

Yawuupullulla 14:10

amuwirye yeekha vinyo a Mulluku, vinyo oohisungunula a onanariwa waye nko ahenlleeye mu kapu a osha murima waye! Attheene eneera ddenndda eneerollakiwa ni munllo owaaka sulufure vamiitthoni va angelwaaye aweella ni mwaanaankhosa.

Genesis 13:10

Vano Loti awehillewehille, ahoona wi ntapo nittheene na muhinje wa Yordani ophiyera o Zowari naakhalla ni maaddi manchichi. Ntaponno naari wonanko Edeni, emata ya Apwiya apaallettho wonanko ellapo ya Iguputo. Enthawi yeeyo Apwiya yaari ehinoononge mizinda dda Sodomu ni Gomora.

Genesis 13:12

Abramu aakhalla mu ellapo ya Kanani koma Loti aakeraattheya variyari va mizinda dda ntapo, atthipella musasaaye vakhuviru ni muzinda wa Sodomu.

Genesis 18:17

Nave Apwiya yaallota weekhiiwa wi, “Abrahamoolla ngimukhuwella eyo kinapaalleemi weera.

Genesis 19:23

Nndduwa nakhumiiwa, Loti aari aphiyalle khalle o Zowari.

Eksodo 9:23

Mose aatthoonyihella ekopwaaye oddullu. Nave Apwiya yaarumiha ogugudeya wa murimu ni marallalla nave ettari ddaamora muthaani. Sika Apwiya yaamoriha marallalla va ellapo ya Iguputo.

Yobu 1:16

Ahinamallihe ollota, amithenga mmodda aaphiya ni mawu awi, “Munllo wa Mulluku waamora ovenyera oddullu nave wooshellelliha enkhosa ddittheddene ni abuseene. Nave meekhave sika kivulluwalle wi kuulleelleni.”

Yesaya 30:33

Nipuro nawoosella ddeko tti nookhoziwa khalle nno yamukhozelliiwa mwene a o Asiriya. Nipuronno tti noowallamella ni nuullupalli nooddalla ni ekhuni. Sika mpweya wa Apwiya wookhalla wonanko muhinje wa sulufure, oneerokhariha munllooyo.

Deuteronomo 28:24

Munipuroni mwa murimu, Apwiya eneerewuumorihellani nthupi ni mihava ophiyera mutthollowille attheene.

Deuteronomo 29:22

“Athu a mibado ddanyu ddamuhoollo, edduullu ddanyu ni alleto oovenyera woorekama, eneerewoona millillinnddo ni ddoohoosa nnddo Apwiya enaamorihelliiwa va ellapwaanyu.

Yeremiya 23:14

Variyari va anamallotella o Yerusalemu kohoona ello yawoopihesesa, ennararuwa ni woottha. Navettho enaallipiha mirima athu oochimwa, wi ahikhallevo oohiya weera ddoonanara ddaye. Wa miyaano attheenaayo tti wonanko athu a o Sodomu ni Gomora.