Genesis 18:19 - Mawu a Mulluku

¹⁹ Koomutthoolla olliyoolla wi aalamule anaaye ni mabanjaaye amuhoollo wi yiiwellelleke mawaaka vaweerani ddaphaama ni ddoolungama. Yeera ddenndda, kineereweera ddittheddene kamulonjezilleemi.”

Genesis 18:19 ပူးပေါင်းရင်းမြစ်များ

2 Timoteo 3:15

nave onnadduwella wi waambeella khalle weyaano ori mwaana, woodduwella mawu aweella ayo enaawore wuuvaha ezeru ddawuuhoollella o echikhulupililo mwa Khrisitu Yesu wi ovullusiwe.

Aefeso 6:4

Nyu attiitthi, muhaashiheke murima aniinyu. Koma mwaallelleke phaama vawaahuddihani makhallello ni ehuddiho ya Apwiya.

2 Timoteo 2:19

Koma matthipello oollipa ayo yatthipelliwe ni Mulluku khewora otikhiwa. Nave va matthipellellwaayo voolembiwa mawu awi, “Apwiya ennaadduwella ayo eri ayiwa” navettho “Arive muthu anaromolla nnddina na Apwiya ahiye ddoonanara.”

1 Timoteo 3:12

Oorumeyella a mpingo akhalleke ni mutthiyana mmodda, akhalle oodduwella weetiha nibanja naye phaama ni waallella anaaye phaama.

Miyambo 22:6

Mwaana mumuhuddiheke ettilla yawi eetekemo sika naari uulluvanlle khawa ayihiya.

1 Epilli 28:9

Nave we Solomoni mwanaka, omudduwelle Mulluku a attiitthaawo nave omurumeyelleke ni murima muttheene ni okumaawo muttheene. Vawi Apwiya ennadduwella murima, maganizo ni minkhella dda arive muthu. Wawaashaasha oneerewaaphwanya koma waareya etulli eneerowutathilla wa enthawi yoohimalla.

Yoswa 24:15

Vano waarumeyella Apwiya waawukatamihakani, mumutthoolle ollello oyo munaamurumeyellekeenyu apaalle milluku nnddo yaddirumeyelle makhollwaanyu ookhalla okhopella wa muhinje apaalle milluku dda Aamori ayo munakhalleenyuna mu ellapwiiwa. Koma miyaano ni a vanibanjani vaka ninaawaarumeyelleke Apwiya.”

Deuteronomo 32:46

aallota wi, “Mwaasungeke m'murimani mwanyu malamulo mattheene kiwinnyalleemini ollellwaalla. Nave mwaahuddiheke aniinyu wi yiiwellelleke moororomelleya mawu mattheene a malamulwaalla.

Masalimo 34:15

Miittho a Apwiya eri va oolungama maarwiiwa ennaapella winlla wiwa.

Masalimo 11:4

Apwiya eri mu enyumbiiwa yaweella, mpando woomwene wa Apwiya ori oddullu. Miitthwiiwa ennamoona arive muthu, ennadduwella nnddo eneeriiwa.

Yobu 1:5

Vano mallapo a machellello yamalla, Yobu aanavenya ohinase ovelleella mikutho ddooshellelliha nave aanaddivelleella moollikana ni waata wa anamwanaayo wi yeellihiwe. Eera ddenndda vooganizani wi apaalle mmodda mwa anaaye aachimwa nave oomullotella epewe Mulluku m'murimani mwaye. Yobu aaneera ddenndda enthawi ddittheddene.

2 Timoteo 1:5

Kinnuupuwella echikhulupililo yoohilleka eyo eri mwa weyaano, eyottho yaambille ophwanyeya mwa amunno Loisi ni amaayo Yunisi. Kinimasimikiza wi naweenettho wookhalla ni echikhulupililo yeella.

Mitteko 27:31

Koma Paulo aallota wa akhoto muullupalli ni akhotwaayeene wi, “Oophara muttekwaayo yaahikhalla mukallawanimmu, khamuwora ovulluwa.”

Yohane 10:14

Mi tti mbusa aphaama. Kinnadduwella enkhosa ddaka nave enkhosannddo ddinnakidduwella.

Yesaya 38:19

Ookumi, ookumive ennuutitimihani, wonanko kineerelleemimmu. Attiitthi ennaalleella aniiwa dda ororomelleya wanyu.

Masalimo 1:6

Apwiya ennapwatha meetello a athu oolungama koma ettilla ya athu oochimwa eneerewoonongeya.

2 Samuele 7:20

“Vano mi Davide ttuullota tini wa nyuwaano vawi mookivaha olemu mi oorumeyellaanyu? Vawi munnadduwella phaama dda mi oorumeyellaanyu, nyu Apwiya Mulluku.

Yohane 21:17

Yesu aamukoha waneeraru wi, “Simoni, mwaana a Yohane, onnakikonda miyaano?” Petro aamoriwa ethakaraka kaambiiwa Yesu aamukoha waneeraru wi, “Onnakikonda miyaano?” Sika aallota wi, “Apwiya, munnadduwella ddittheddene, munnadduwella wi kinnuukondani nyuwaano!” Yesu aallota wi, “Chihaka enkhosa ddaka.

Amosi 3:2

“Mwa mitundu ddittheddene dda va ellapo yavatthi tti nyeeneve kinuudduwelleemini ni wuupwathani, sika kineerewuullakani wunchichi ekaamba ya machimwaanyu mattheene.”

Genesis 12:2

Kineerewuutthattusa nikhollo na mutundu nuullupalli nave kineerewuudalisa ni wuutthattusa oovuwa wi okhalle madaliso.

Genesis 12:3

Kineerewaadalisa attheene enuudalisa weyaano, koma kineeromutembelela arive muthu anuutembelela weyaano. Oweella mwa weyaano mitundu ddittheddene dda va ellapo yavatthi ddineerodalisiwa.”

Genesis 17:9

Mulluku aamulleellattho Abrahamu wi, “Vano weyaanottho osungeke echipanganwaaka ni edduullu ddawo muhoollommo.

Genesis 22:18

Vawi weyaano wookiiwellella navettho mitundu ddittheddene dda va ellapo yavatthi ddineerodalisiwa oyeella mwa edduullu ddawo.’ ”

Genesis 35:2

Sika Yakobo ahaalleella a mu nibanja naye nittheene ni athu attheene aariiyena wi, “Tathillani milluku ddeelleto nnddo ddiri variyari vanyu. Muddeellihe nyookhaanyu nave muware ddoowara ddaphaama.

2 Samuele 22:22

Miyaano kaathwara ettilla dda Apwiya, ngaachimwalle voomuhiyani Mullukwaaka.

Nehemiya 9:7

Nyu Apwiya Mulluku, mwaamutthoolla Abramu, mwaamukhumiha o Uri a o Babiloni, mwaamusintha nnddina naye akhalla Abrahamu.

Levitiko 14:42

Vano athwaayo ekuse malluku mamodda ni oyimakella mmo ekumullalliiwa mallukwaalle nave ekusettho ethaya emodda asiringenna enyumbeeyo.

Oweeruza 13:12

Manowa aamukoha wi, “Vano nnddo mwallotilleenyu ddeereya, musombooyo anaakhalleke mwawiidde nave anaaweereke tini?”

2 Epilli 14:3

Vano aavenyihawo makuwa mattheene eelleto ni woononga mapuro oollapellamo mafano nave aakumulla apoto oopatuleya ni winttaka mafano a Asherimu.

Mateyu 25:17

Emoddamoddavettho mullupa mutteko aakhenlle meelli, aapindulavo makobiri mamodda meelli.