Genesis 18:12 - Mawu a Mulluku

¹² Sika Sara aattheya muwariwari wi, “Ha, ethiyo kuulluvallelleemimmu, ttuuhakallallattho ni mamunaka? Navettho mamunakooyo tti awuulluvalla.”

Genesis 18:12 ပူးပေါင်းရင်းမြစ်များ

1 Petro 3:6

Sara aari awi ddiiddo, aamwiiwellella Abrahamu nave aamweera apwinnya. Nyuwaano muri anaaye aatthiyana a Sara mwaaweeraka ddaphaama ni oohoova erive ello.

Genesis 17:17

Enthawi yeeyo Abrahamu aakokhora vatthi nave ahaamba ottheya m'murimani mwaye wi, “Ethiyo mullopwana a miyakha 100, ttuuyarattho? Ethiyo Sarooyo ari ni miyakha 90, ttuuyarattho?”

Genesis 18:13

Vano Apwiya yaamukoha Abrahamu wi, “Kaambiiwa tini Sara attheyeeye voollotani wi, ‘Ethiyo mi kuulluvallelleemimmu ttuumuyara mwaana?’

Aefeso 5:33

Nave enallotattho dda nyuwaano wi arive mullopwana anaphwanella amukondeke mwaariye wonanko mmo aniikondelleeye yeekhaaye navettho arive mutthiyana anaphwanella amuvaheke olemu mamune.

Masalimo 126:2

Naattheya wunchichi, nahiipa ellullu moohakallalla. Mitundu ddimodda dda athu ddaallota wi “Apwiya yaaweerella dduullupalli.”

Masalimo 45:11

Mwene aneerewuupaalla ekaamba ya oreera wawo, mukokhorelle vawi tti apwiiyo.

Oweeruza 19:26

Vano oyaaka ni osa mwaara amulevoolle aawa iikuhella va mullako wa enyumba ya muthoolle mmo mwaari mamunoolle. Ophiyera otte waasa.

2 Mamwene 4:16

Vano Elisha aamulleella mutthiyanoolle wi, “Va enthawi wonanko yeella muyakha woosiisello, munaakhalle mumuupaare mwaana aamullopwana m'mattani mwanyu.” Koma mutthiyanooyo allota wi, “Pepaani apwiya, nyu tti muthu a Mulluku, muhikilleke mi kaporwaanyu.”