Genesis 17:12 - Mawu a Mulluku

¹² Mumuphaddeke arive mwaana aamullopwana akwakhwana mallapo matthanu ni mararu. Mumuphaddeke arive mullopwana va mibado ddanyu ddittheddene, arive kaporo ooyariwa mpa mwanyu apaalle kaporo mwamukunlleenyu ni makobiraanyu.

Genesis 17:12 ပူးပေါင်းရင်းမြစ်များ

Levitiko 12:3

Vaavo mullupa mukuthooyo oheera mutetho woomweellihella mullopwanooyo vamiitthoni va Apwiya. Nave va nllapo naneetthanu ni raru mwaanooyo aphaddiwe.

Luka 2:21

Viviralle mallapo matthanu ni mararu, enthawi yaakwakhwana yawi mwaanooyo aphaddiwe nave aavahiwa nnddina nawi Yesu. Nnddina nenna avahiwe ni mungelo, Mariya ahinakhalle ni erukullu.

Afilipi 3:5

Miyaano kayariweemi kaaphaddiwa va nllapo naneetthanu ni raru. Mi tti Muisraele a nlloko na Benjamini, Muheberi ooyariwa mwa Aheberi. Moollikana ni malamulo a Ayuda, miyaano kaari Mufarisi.*

Luka 1:59

Nave mwaanooyo aariiye ni mallapo matthanu ni mararu, yaawa wi yoonelle ophaddiwa waye nave yapaalla omuvaha nnddina naattiitthinnya Zakariya.

Aroma 2:28

Muyuda awoona khahiyo oyo anooneya wonanko Muyuda. Nave ophaddiwa wawoona kohiyo nko onooneya vamwiillini vaye.

Mitteko 7:8

Vano Mulluku aamulamulella Abrahamu dda ophaddiwa wi okhalle echizindikiro ya echipanganwiiwa. Vano Abrahamu aamuphadda mwanaye Isaki aariiye ni mallapo matthanu ni mararu. Isaki aamuphadda mwanaye aamullopwana Yakobo, nayeenettho Yakobo ahaaphadda anaaye aallopwana khumi ni eelli, ayottho eri makhollo a nlloko nahu.

Genesis 21:4

Abrahamu aamuphadda mwaanooyo ari ni mallapo matthanu ni mararu moollikana ni mmo Mulluku alamulelleeye.

Genesis 17:23

Nllapo nenno Abrahamu ahiiwellella nnddo Mulluku amulleelleeye. Sika aamuphadda mwanaye Ishmaele ni akaporo attheene ooyarelliwa mpa mwaye apaalle akaporo aakullalleeye ni makobiri, okhulla mi allopwana attheene a mpa mwaye.

Eksodo 12:44

Koma arive kaporo oyo aakulliwe ttuucha, aphaddiwe.

Eksodo 22:30

Ovelleellekettho wa miyaano eng'ombe ddawo, enkhosa ddawo ni epuri ddawo ddawaamba. Mwaana awaambooyo anaakhalle ni amennya mallapo matthanu ni meelli nave oneeromuvelleella wa miyaano va nllapo naneetthanu ni raru.