Genesis 15:9 - Mawu a Mulluku

⁹ Apwiya yaamwaakhulla wi, “Waana eng'ombe, epuri ni nankhoro a enkhosa, ddittheddenenndda dda miyakha miraru, vamoddattho ni nnddiya ni ekhunda.”

Genesis 15:9 ပူးပေါင်းရင်းမြစ်များ

Luka 2:24

Yaavelleellattho mukutho voothwarani malamulo a Apwiya awi, “Eheraatthi ekhunda piilli apaalle mawunda a ekhunda meelli.”

Levitiko 14:30

Vano moollikana ni opata waye, avelleelle mawunda meelli apaalle manddiya meelli.

Levitiko 14:22

Avelleellettho mawunda meelli apaalle manddiya meelli moollikana ni opata waye. Nimodda nikhalle na mukutho woopepesella machimo, nimoddanno nikhalle na mukutho wooshellelliha.

Levitiko 9:2

Aamulleella Aronooyo wi, “Omukuse musaana a nankhoro a eng'ombe wi akhalle mukutho woopepesella machimo nave nankhoro a enkhosa wi akhalle mukutho wooshellelliha. Ddittheddenennddo ddikhalle ddoohirakalla nave oddivelleelle wa Apwiya.

Levitiko 3:6

“Arive muthu aawaaka wa Apwiya wi avelleelle mukutho wa eyaattano, mukuthweene wakhalla wa enkhosa, ekhalleke nankhoro apaalle yaamutthiyana, yoohirakalla.

Levitiko 3:1

“Arive muthu aawaaka wa Apwiya wi avelleelle mukutho wa eyaattano, mukuthweene wakhalla wa eng'ombe, akhalleke nankhoro apaalle yaamutthiyana, yoohirakalla.

Levitiko 1:14

“Mukutho wooshellellihooyo wakhalla wa epallame, nikhalleke nnddiya apaalle niwunda.

Yesaya 15:5

Murimaaka onamwinllella Mowabu. Athwaaye ethawenlle ekhoto o Zowari ni o Egilati Shelishiya. Eneeta yinllaka o mutunda wa o Luhiti, eninlla mookusa murima va musewu wooya o Horonaimu.

Masalimo 50:5

Olliye anallota wi, “Tthukumanani vamiitthoni vanyu, athwaaka oororomelleya, ayo yapanganne ni miyaano voovelleellani mukutho.”

Levitiko 12:8

Koma aahikhallana mwaanaankhosa, akuse ekhunda piilli apaalle mawunda a ekhunda meelli. Nimodda nikhalle mukutho woopepesella machimo nave nimodda nikhalle mukutho wooshellelliha. Mullupa mukuthooyo aheraatthi ddennddo vamiitthoni va Apwiya moollikana ni mutetho woomweellihella mutthiyanooyo. Nave mutthiyanooyo aneerokhalla aweella.”

Levitiko 9:4

Mukusettho eng'ombe ni enkhosa wi ddikhalle mukutho wa eyaattano wa Apwiya. Nave muweena mukutho wa othu woottakanyihera ni makhura. Vawi ollello Apwiya eneerowooneyellani.’ ”

Levitiko 1:10

“Mukutho wooshellellihooyo wakhalla wa enkhosa apaalle epuri, akhalleke nankhoro oohirakalla.

Levitiko 1:3

Mukutho wooshellellihooyo wakhalla wa eng'ombe, akhalleke nankhoro, oohirakalla. Aweekena va mullako wa musasa wamutthukumano wi Apwiya eyaakhelle.

Genesis 22:13

Abrahamu atukhunlle miittho aamoona nankhoro a enkhosa aangille m'muttokhoromani. Nave aaya ayikusa aayiheraatthi mukutho wooshellelliha munipuroni mwa mwanayoolle.

Genesis 15:8

Koma Abramu aakoha wi, “Apwiya Mulluku, ethiyo kinaadduwelle mwawiidde wi ellapweella enaakhalle yaaka?”

Genesis 15:10

Abramu aawaana enama ddittheddenennddo wa Apwiya, addiphaddaphadda variyari. Aahiya ddoophaddannddo piillipiilli moowehana, mu mizere miilli koma epallamenndde khaaddiphaddille.

Levitiko 12:6

“Vano mallapo a oddeelliha waye emanlle, a mwaana aamullopwana apaalle aamutthiyana, aye wa mullupa mukutho ni mwaanaankhosa a muyakha mmodda va mullako wa musasa wamutthukumano wi enkhoseeyo ekhalle mukutho wooshellelliha. Ayeewottho ni niwunda apaalle nnddiya wi okhalle mukutho woopepesella machimo.

Nchipo na Solomoni 2:12

mwiillaponi malluwa ahaamba wooneya, Enthawi yawiipa yoophiya, mwiillaponi mwahu mawu a nnddiya enniiweya.