Genesis 15:7 - Mawu a Mulluku

⁷ Sika Apwiya yaamulleella Abramu wi, “Mi tti Apwiya oyo kuukhumihalle o Uri a o Babiloni wi kuuvahe ellapweella wi ekhalle yaawoyaawo.”

Genesis 15:7 ပူးပေါင်းရင်းမြစ်များ

Genesis 12:1

Vano Apwiya yaamwiithana Abramu wi, “Hiya ellapwaawo ni abalaawo ni nibanja na attiittho nave oye o ellapo eyo kinuutthoonyihelleemi.

Aroma 4:13

Mulluku amulonjezilleeye Abrahamu vamodda ni edduullu ddaye wi ellapo yavatthi ewe ekhalle yayiwayayiwa, ohiri kaambiiwa Abrahamu ahiiwellella malamulo koma kaambiiwa aalungamihiwa ekaamba ya echikhulupililwaaye.

Masalimo 105:44

Yahaavaha ellapo dda mitundu ddimodda dda athu, yaaweeriha wi yaakhe ezipaso dda mitteko dda athu amodda

Masalimo 105:42

Vawi yaahuupuwella lonjezo niwa naweella, wa Abrahamu oorumeyelliiwa.

Masalimo 105:11

Yaallota wi, “Kineerewuuvaha ellapo ya Kanani wi ekhalle yoohallanaawo.”

Genesis 12:7

Vano Apwiya yaamooneyella Abramu emulleella wi, “Ellapo yeella kineerovaha edduullu ddawo.” Sika va nipuro nenno Abramu ahaamakella nikuwa Apwiya ayo yamooneyelle.

Genesis 28:4

Uudalise weyaano ni edduullu ddawo moollikana ni mmo amudaliselleeye Abrahamu wi ekhalle yaawoyaawo ellapo eyo oneereewe okhallekemo, ellapo eyo amuvahilleeye Abrahamu.”

Genesis 50:24

Nave ahaalleella asinne wi, “Onnoonathi wi kiri vakhuviru okhwa koma Mulluku aneerokhalla ni weyaano nave aneerewuuhokollosella o ellapo allupenlleeye wa makhollwaanyu Abrahamu, Isaki ni Yakobo.”

Deuteronomo 9:5

Khe ekaamba ya echilungamwaanyu apaalle oreera wa murimaanyu wi muneerewaakha ellapwiiwa koma tti ekaamba yawi athwaayo tti oochimwa sika Apwiya enawiikarelliiwa navettho wi Apwiya tti oororomelleya va echipanganwiiwa eyo yallupenlliiwa wa makhollwaanyu Abrahamu, Isaki ni Yakobo.

Eksodo 32:13

Muupuwelle oorumeyellaanyu, Abrahamu, Isaki ni Yakobo navettho nndde mwallupenlleenyu mu nnddina nanyu wi, ‘Kineerewuuvahani edduullu ddinchichi, ddawaata wonanko etheneeri dda oddullu. Edduullu ddaanyunnddo kineeroddivaha ellapo ettheene eyo kalonjezilleemi wi ekhalle yayiwa wa enthawi yoohimalla.’ ”

Numeri 33:53

Mwaakhe ellapweeyo wi ekhalle yaanyu nave mwakhalleke mwemmo vawi kohuuvahani wi ekhalle yaanyu.

Deuteronomo 3:18

“Nave va enthawi yeeyo kahuulamulani wi Apwiya Mullukwaahu sika uuvahilleni ellapweella wi ekhalle yaanyu. Koma allopwana attheene oollipa murima ekuse ezida nave yaahoollelle aballiinyu, malloko mamodda a Israele.