Genesis 15:5 - Mawu a Mulluku

⁵ Enthawi yeeyo Apwiya yaamukhumiha Abramu vaatte, emulleella wi, “Ngoona oddullunngu nave waaworaka weerenge etheneerinnddo, erenga. Weyaano oneerokhalla ni edduullu ddinchichi wonanko etheneerinnddo.”

Genesis 15:5 ပူးပေါင်းရင်းမြစ်များ

Aheberi 11:12

Abrahamu uulluvanlle, ari vakhuviru okhwa, aakhalla nikhollo na edduullu ddinchichi. Vawi edduullunnddo ddohaata wonanko etheneeri apaalle wonanko mihava dda mukhwipi mwa enyanja.

Aroma 4:18

Abrahamu aakhulupilila ni otiyera naari vahaari ekaamba yootiyerella wi akhalla nikhollo na mitundu ddinchichi, wonanko mmo Mulluku alonjezilleeye wi, “Edduullu ddawo ddineerokhalla ddinchichi.”

Deuteronomo 1:10

Apwiya Mullukwaanyu yaawaatihani ophiyera vano muri wonanko etheneeri ddooddullu.

Eksodo 32:13

Muupuwelle oorumeyellaanyu, Abrahamu, Isaki ni Yakobo navettho nndde mwallupenlleenyu mu nnddina nanyu wi, ‘Kineerewuuvahani edduullu ddinchichi, ddawaata wonanko etheneeri dda oddullu. Edduullu ddaanyunnddo kineeroddivaha ellapo ettheene eyo kalonjezilleemi wi ekhalle yayiwa wa enthawi yoohimalla.’ ”

Genesis 22:17

kineerewuudalisa wunchichi ni wuuvaha edduullu ddinchichi wonanko etheneeri dda oddullu navettho wonanko mihava dda mukhwipi mwa enyanja. Edduullu ddawo ddineerewaagonjiha adaniiwa attheene.

Deuteronomo 10:22

Makhollwaanyu ayo yayiille o Iguputo yaarivo 70. Koma vano Apwiya Mullukwaanyu aawaatihani ophiyera muri wonanko etheneeri ddooddullu.”

Yeremiya 33:22

Kineeroddiruuwiha edduullu dda oorumeyellaaka Davide ni oorumeyellaaka allupa mukutho Aalevi nave enaate wonanko etheneeri ddooddullu apaalle muhava wa mukhwipi mwa enyanja.”

Masalimo 147:4

Ennaganizella dda waata wa etheneeri, ennaddivaha manddina ddittheddene.

1 Epilli 27:23

Davide khaaweerengille vamodda ni athu oohikwakhwana miyakha 20 ddooyariwana vawi Apwiya yaamulonjeza wi Aisraele eneerewaata wonanko etheneeri ddooddullu.

Genesis 12:2

Kineerewuutthattusa nikhollo na mutundu nuullupalli nave kineerewuudalisa ni wuutthattusa oovuwa wi okhalle madaliso.

Genesis 28:14

Edduullu ddawonnddo ddineerewaata wonanko nthupi na va ellapo yavatthi. Ddineeropallalleyella o ezigawo ddittheddene, woovollowa nndduwa, wookhuma nndduwa, ompoto ni omwera. Nave mitundu ddittheddene dda va ellapo yavatthi ddineerodalisiwa oyeella mwa weyaano ni edduullu ddawo.

Genesis 26:4

Kineerewuuvaha edduullu ddinchichi wonanko ddikhallelle etheneeri ddooddullu nave edduullu ddawonnddo kineeroddivaha ellapo ddittheddenenndda. Mitundu ddittheddene dda va ellapo yavatthi ddineerodalisiwa oyeella mwa edduullu ddawo.

Genesis 16:10

Mungelo a Apwiyooyo aallotattho wi, “Kineerewoonjerera wunchichi edduullu ddawo vawi khaavo oyo anaawore oddeerenga.

Genesis 13:16

Kineerewuuvaha edduullu ddinchichi nave khaavo naari mmodda anaawore oddeerenga. Yooyove anawora weerenga nthupi na va ellapo yavatthi sika anaawore.”

Genesis 17:2

vawi kineereweera echipangano ni weyaano nave kineerewuuvaha edduullu ddinchichi.”

Yoswa 24:3

Vano kaamukusa Abrahamu nikhollo nanyu okhopella wa muhinje wa Yufurate kimweetiha mu ellapo ettheene ya Kanani, kiruuwiha edduullu ddaye nave kaamuvaha Isaki.

1 Mamwene 3:8

Vano mi oorumeyellaanyu kinakhalla variyari va athu mwaatthoollilleenyu, mutundu muullupalli, athu awaata, ooheerengeya.

Nehemiya 9:23

Nave mwahaatiha edduullu ddiwa wonanko etheneeri ddooddullu ni waavollochiha mu ellapo eyo mwaalonjezilleenyu makhollwiiwa wi ekhalle yayiwayayiwa.

Yobu 35:5

Ngawehani oddullu moone, onani asimirapo muddullu mwanyummo.

Yesaya 51:2

Ngaganizani dda Abrahamu nikhollo nanyu attiitthaanyu ni Sara oyo uuyarilleni, kamwiithaneemi Abrahamu, khaarina mwaana koma kaamudalisa, kahoonjerera edduullu ddaye.

Genesis 32:13

Akonille wenko mahiiyu yaayo, vatulli viwa aatthoollavo emphaso variyari va eyuumaaye ettheene aariiyena monga