Genesis 15:13 - Mawu a Mulluku

¹³ Sika Apwiya yaamulleella wi, “Odduwelle moosimikiza wi edduullu ddawo ddineerokhalla alleto o ellapo yaaneena, ddineerokhalla wonanko akaporo nave ddineerohoosiwa wa miyakha 400.

Genesis 15:13 ပူးပေါင်းရင်းမြစ်များ

Eksodo 1:11

Nave yahaahiyavo uullupalli a thangata owaaphariha mutteko Aisraelaayo mwa ekuku. Aisraele yaamumakella Faraooyo mizinda dda Pitomu ni Ramsesi, nko wasungiwa ddoocha.

Mitteko 7:17

“Enthawi yaatamelliiwa wi Mulluku akwakhwanihe nnddo amulonjezilleeye Abrahamu, mutundwaahu waari wunnuwalle nave waatille wunchichi mu Iguputo.

Agalatiya 3:17

Eyo kinaakeemi tti yawi Mulluku aheera echipangano ni Abrahamu. Malamulo ayo yavahiwe ddiviralle miyakha 430, kheyeeriha wi echipanganweeyo etathille apaalle woononga lonjezo na Mulluku.

Levitiko 19:34

Mulleto oyo anakhalla variyari vanyu akhalle wonanko Muisraele nave mumukondeke wonanko mmo muniikondelleenyu. Vallethi mwaakhalla alleto mu ellapo ya Iguputo. Mi tti Apwiya Mullukwaanyu.

Genesis 17:8

Ellapo ella onakhalleewemo wonanko mulleto, kineerewuuvaha weyaano ni edduullu ddawo. Ellapo ettheene ya Kanani enaakhalle ya edduullu ddawo wa enthawi yoohimalla nave miyaano kineerokhalla Mullukwiiwa.”

Deuteronomo 10:19

Sika mwaakondeke alleto vawi nyuwaano mwakhalla alleto o Iguputo.

Eksodo 23:9

“Ohimuhoose mulleto. Weyaano onnadduwella mmo mulleto anakhallelleeye vawi naweenettho waari mulleto o Iguputo wulle.

Eksodo 22:21

“Ohimuhoose mulleto apaalle omweeriha okhalla moopaneya vawi naweenettho waari mulleto o ellapo ya Iguputo.

Genesis 15:16

Viviralle mibado sese edduullu ddawonnddo ddineerohokollowattho ekaamba yawi ngiwiikariha a Aamori ophiyera onanara wiwa ophiyalle variyari wi ellakiwe.”

Genesis 47:4

Nave yaallota wa Farao wi, “Niwiille wi nikhallena mwiillaponimmu ekaamba yawi o Kanani wookhalla ettalla yawoopiha, sika naari munyepu woochiha eziweto khawiiwo. Pepaani, apwiya, munaakhullelle oorumeyellaanyu wi nikhalle mu ellapo ya Gosheni.”

Eksodo 1:13

nave yaanaawatihera mwa ekuku ophara mutteko wa okaporo.

Eksodo 2:24

Mulluku ahiiwa okhuwa wiwanko nave ahuupuwella echipanganwaaye apanganilleeye ni Abrahamu, Isaki ni Yakobo.

Eksodo 3:8

Kookittha wi kaavulluse wa Aiguputo ni waakhumiha mu ellapo yeeyo wi kaavollochihe mu ellapo yuullupalli ni yaphaama, ellapo yooddalla ni mukaka ni enwi. Enakhallamo tti Akanani, Ahiti, Aamori, Aperezi, Ahivi ni Ayebusi.

Eksodo 3:10

Sika kinuuruma weyaano wa Farao wi waakhumihe athwaaka, Aisraele, o Iguputo.”

Eksodo 3:17

Oosimikiza wi aneerewuukhumihani o Iguputo munahoosiweenyu wuno nave aneerewuuvollochihani mu ellapo ya Akanani, Ahiti, Aamori, Aperezi, Ahivi ni Ayebusi, ellapo yooddalla ni mukaka ni enwi.’ ”

Deuteronomo 5:15

Nave wuupuwelleke wi waari kaporo o Iguputo ni wi Apwiya Mullukwaawo yahuukhumihawo ni muwono wa masiva muullupalli. Ella sika ekaambiiwa Apwiya Mullukwaawo yuulamulelliiwa wi osungeke nllapo na Sabata.

Masalimo 105:42

Vawi yaahuupuwella lonjezo niwa naweella, wa Abrahamu oorumeyelliiwa.

Eksodo 1:14

Okumi wa Aisraele waari wookatamiha ekaamba ya mutteko woovoreya wawoopa enjerwa navettho mitteko ddoohiyanahiyana dda m'matani. Yaanaawatihera mwa ekuku ophara mitteko ddittheddene ddootopiha.

Numeri 20:15

Makhollwaahu yaaya o Iguputo nave naakhalla wenko miyakha ddinchichi. Aiguputo yaanihoosa hiyaano vamodda ni makhollwaahu.