Genesis 15:1 - Mawu a Mulluku

¹ Ddimanlle nndda, Apwiya yaamooneyella Abramu mu masomphenya. Yaamulleella wi, “Ohoove Abramu, mi tti echishangwaawo. Yoothuviwaawo enaakhalle yuullupalli.”

Genesis 15:1 ပူးပေါင်းရင်းမြစ်များ

Yesaya 41:10

Ohoove kaambiiwa mi kiri ni weyaano, ohitathille murima vawi mi tti Mullukwaawo. Kineerewuuvaha masiva, kineerewuukavihera, kineerewuuteteza ni nnattanatta naka noogonjiha.

Masalimo 119:114

Nyuwaano tti mwawiipitthamo mwaka, echishangwaaka kinnaroromella mawaanyu.

Masalimo 84:11

Vawi Apwiya Mulluku sika nndduwa ni yawiitetezella, ennaneerella echifundo ni onivaha olemu, Apwiya khenawiimana ddaphaama athu oolungama.

Genesis 26:24

Mahiiyu Apwiya yaamooneyella nave yaamulleella wi, “Mi tti Mulluku a attiittho Abrahamu. Ohoove vawi miyaano kiri ni weyaano. Kineerewuudalisa nave kineerewuuvaha edduullu ddinchichi ekaamba ya oorumeyellaaka Abrahamu.”

Yesaya 41:14

We Yakobo, oofooka wonanko enyambo, ohoove, we Israele, ohoopopiheye, oovullusaawo tti miyaano, Aweella a Israele.

Maliro 3:24

Kinnallota wi, “Apwiya sika ddaaka ddittheddene, sika etiyerellwaaka eri mwa alliwaayo.”

Luka 12:32

“Muhoove, nyuwaano ayo muri wonanko mulloko wa enkhosa ddooweerengeya vawi Attiitthaanyu yaakonda wi yuuvaheni omweniiwa.

Masalimo 5:12

Nyu Apwiya munnaadalisa athu oolungama, oreera murima wanyu onakhalla wonanko yawaateteza.

Masalimo 18:2

“Apwiya sika nlluku naka, mpandaaka ni oovullusaaka. Alliwa tti Mullukwaaka, nlluku naka kinathawelleemiwo. Sika echishangwaaka, masiva ookivullusa ni yookiipitthihaaka.

Rute 2:12

Apwiya yuuhokolloselle ddaphaama nnddo weerilleewe. Apwiya Mulluku a Aisraele yuuvahe emphaso yuullupalli vawi woowa wa alliwa wi yuuteteze.”

Luka 1:13

Koma mungelooyo aallota wi, “Zakariya, ohoove! Mulluku ohiiwa nivekello nawo sika mwaariyo, Elizabeti, aneerewuuyarella mwaana aamullopwana nave oneeromuvaha nnddina nawi Yohane.

Yesaya 43:5

Ohoove vawi kiri ni weyaano. Kineerohokollosa edduullu ddawo ovenyera wookhuma nndduwa, kineerodditthukumaniha ddittheddene ovenyera woovollowa nndduwa.

Masalimo 142:5

Nyu Apwiya, kinnawinllellani kinnallota wi, “Nyu sika woothawellawo waka, yoohallanaaka mu ellapo ya athu ookumi.

Masalimo 3:3

Koma nyu Apwiya, muri echishangwaaka, nyu sika munakipambaniha, nyu sika muri ookillipiha mwiilli.

Genesis 21:17

Mulluku aamwiiwa mwaanooyo inllaka nave mungelo a Mulluku aallota ni Hagara ovenyera oddullu wi, “Hagara, ethiyo enuukatamiha tti tini? Ohoove. Mulluku ohiiwa winlla wa mwaanoolla.

Luka 1:30

Mungelooyo aallota wi, “Ohoove, Mariya, Mulluku ooweerella echifundo.

Masalimo 58:11

Sika athu ellota wi, “Ddawoona, oolungama ennathuviwa, Mulluku ookhallawo oyo aneeruza ellapo yavatthi.”

Mateyu 8:26

Yesu ahaakhulla wi, “Munoova ekaamba ya tini? Nyu athu eechikhulupililo yooyeva.” Vano aavenya asimwella ephevweeyo ni maaddaayo nave waakhalla okhurumuwa wuullupalli.

Yesaya 51:12

Apwiya enallota wi, miyaano meekhaaka sika kinuukhurumusani murima. Ethiyo nyu ttaani wi mumooveke muthu oyo anaakhwe, mwaana a muthu ookhalla enthawi yooyeva wonanko manasi?

Masalimo 27:1

Apwiya sika owala waka ni oovullusaaka. Ttaani kinaamoovekeemi? Apwiya sika mpanda wooteteza okumaaka. Ttaani kinaamutthukumellellekeemi?

Miyambo 11:18

Muthu oonanara annallivelliwa ddoolleka koma oomidda echilungamo annathuviwa.

Masalimo 91:4

Eneerewuukhuneella ni muuphellwiiwa, oneerophwanya moothawellamo m'muuphelloni, ororomelleya wiwa onnateteza wonanko echishango.

Deuteronomo 31:6

Khallani amasiva ni oollipa murima. Muhiwoove athu yaalla apaalle otathilla murima kaambiiwa Apwiya Mullukwaanyu eneerewuuhoollellani nave kheyuuhiyani nyookha apaalle wuutathillani.”

Ezekiele 3:4

Vano aakilleella wi, “We mwaana a muthu, khawe wa Aisraele waalleelle mawaaka.

Yesaya 44:2

Mi tti Apwiya ayo yuuphatusalle, ni yawoopille m'mirimani mwa amaayo ayottho enuukavihera. We Yakobo, oorumeyellaaka, we Yeshuruni, ootthoolliwaaka, ohoove.

Yesaya 43:1

Koma vano Apwiya ayo yuuphatusalle we Yakobo ayo yawoopille we Israele enallota wi, “Ohoove kaambiiwa kaawoopolla, kaawiithana ni nnddina nawo, we tti aaka.

Yesaya 35:4

Mwaalleelle a murima wawoova wi, “Llipani murima, muhoove! Ngoonani, Mullukwaanyu animawa wi aahokolloselle ni waallaka adanaanyu, animawa wi uuvulluseni.”

Eksodo 14:13

Vano Mose aawaakhulla athwaayo wi, “Muhoove! Llipani murima nave mweerekemoona oweha mmo Apwiya enaawuuvulluselleniiwa. Vawi Aiguputo ayo munawooneenyu ollello, khamuwa muwoonattho.

Yawuupullulla 1:17

Kamoonilleemi, kahiivokhella vatthi vahoollo vaye wonanko muthu ookhwa. Koma olliyooyo ahookolla nnattanatta naye akiphara nave allota wi, “Ohoove! Mi tti awaambeella ni oomallihella.

Aheberi 1:1

Khalle, Mulluku aallota wa makhollwaahu enthawi ddoohiyanahiyana nave moohiyanahiyana oweella mwa anamallotella.

1 Akorinto 3:22

Paulo, Apolo ni Petro; ellapo yavatthi ella, okumi ni okhwa, ddamuttano ni ddamuhoollo, ddittheddenenndda tti ddaanyu,

Mitteko 10:22

Alliwaayo yahaakhulla wi, “Korineliyo, akhoto muullupalli a o Roma a mulloko wa akhoto 100 sika anirumalle. Olliyoolla tti muthu oolungama ni oomoova Mulluku nave Ayuda attheene ennamuvaha olemu. Mungelo a Mulluku sika amulleelle wi awiithaneni muye onyumbani waye wi iiwe eyo munaalloteenyu.”

Miyambo 30:5

Mawu mattheene a Mulluku tti awoona. Olliye tti yootetezella ya ayo enathawella wa olliye.

Masalimo 84:9

Nyu Mulluku, tti yawiitetezellaahu, wehani ekhove ya oozoziwaanyu.*

1 Samuele 9:9

(Khalle o Israele muthu aayaaka wa muthu a Mulluku, wooveka ezeru allota wi, “Tiyeni niye wa oollohella.” Muthu oyo aneeriwa namallotella, khalle yamweera oollohella.)

Ezekiele 11:24

Vatulli viwa Munepa a Mulluku aakitukhulla akiphiyiha wa akaporo a mu Babiloni. Ddittheddenenndda ddeereya m'masomphenya moollikana ni mmo Munepa a Mulluku akoonihelleeye. Vano ddeko nnddo kaddooneemi ddahaamba othiima.

1 Epilli 28:20

Vano Davide aallota wa Solomoni mwanaye wi, “Llipa murima nave phara muttekooyo. Ohoove nave ohitathille murima vawi Apwiya Mulluku oyo tti Mullukwaaka ari ni weyaano. Kheyuukukureyiha navettho kheyuuhiya weekha ophiyera mutteko muttheene woomaka enyumbiiwa omanlle.”

Ezekiele 1:1

Nllapo naneetthanu na mweeri waneesese muyakha wa 30 kaari variyari va akaporo a o Yuda vakhuviru ni muhinje wa Kebara. Vano oddullu waahulleya nave kahoona masomphenya a Mulluku.

Mateyu 28:5

Mungeloolle aallota ni atthiyanaalle wi, “Muhoove vawi kinnadduwella wi munamwaasha Yesu oyo aatthomeyiwe vamutandani.

Yesaya 44:8

Muhitathille murima, muhoove. Ethiyo ovenyera khallekhalle nguulleelleni ni wuusimikizellani ddenndda? Nyuwaano muri ambonaaka. Ethiyo ookhallavottho Mulluku mmodda okihiya miyaano? Iyaayi, khaniivottho nlluku nimodda, nginadduwella naarimi nirivo nimodda.”

Numeri 12:6

Nave yaallota wi, “Iwani mawaaka. Vakhalla namallotella variyari vanyumva, mi Apwiya kinnaddoonihella wa muthooyo oweella m'masomphenya nave kinnallotana oweella mu olloha.

Genesis 15:2

Koma Abramu aallota wi, “Apwiya Mulluku, miyaano nginna anamwani. Vano munaawore mwawiidde okivaha yoothuviwa? Oovollowa munipuroni mwaka tti Eliyezere a o Damasiko.

Genesis 15:4

Vano Apwiya yaamulleella wi, “Eliyezere khahallana eyuumaawo koma mwaana aawaawo sika anaahallena eyuumaawo.”

Genesis 31:7

Koma alliwaayo aakilleka nave aakhalla yaakakhanihaka mallivellwaaka okhumi. Koma Mulluku khaapaallille wi akeerelle ddoonanara.

Numeri 18:20

Nave Apwiya yaamulleella Aroni wi, “We khokawelliwa yaawoyaawo mwiillaponi mwawo nave khokhallanattho yoohallana variyari viwa. Miyaano sika kiri yookawelliwa yaawoyaawo ni yoohallanaawo variyari va Israele.

Numeri 24:4

mawu a oyo aniiwa mawu a Mulluku, oyo anamoona Mulluku m'masomphenya, oyo aniikuha miitthwaaye eri ookhunuuwa.

1 Samuele 15:10

Vano Apwiya yaamulleella Samuele wi,

2 Samuele 22:3

Alliwa tti Mullukwaaka nlluku naka kinathawelleemiwo. Sika echishangwaaka, masiva ookivullusa, mpandaaka ni yookiipitthihaaka, nyu sika munakoopolla vakhotoni.

Genesis 22:1

Vatulli viwa Mulluku aamweesa Abrahamu. Aamwiithana wi, “Abrahamu!” Nave Abrahamu ahaakhulla wi, “Ee Apwiya.”

Genesis 22:20

Vatulli viwa Abrahamu ahiiwa wi Milika aamuyarella Nahori, mwanamunne, anamwani atthanu ni araru.

Deuteronomo 18:2

Ehikhalleke ni yoohallana wonanko malloko ddimodda vawi Apwiya sika yoohallaniiwa moollikana ni mmo yaalonjezelliiwa.

2 Mamwene 1:15

Vaavo mungelo a Apwiya aamulleella Eliya wi, “Khawe ni akhoto muullupalloolla, ohimoove.” Vano Eliya aatimulla, akittha ni akhoto muullupalli oya wa mwene.

Masalimo 3:4

Kinnakhuwella wa Apwiya wi ekiiwe. Alliwa ennakaakhulla ovenyera va mwaangwiiwa waweella.

Masalimo 115:10

We nibanja na Aroni aroromelle Apwiya, Apwiya sika awuukaviheraawo ni awuutetezaawo.

Yesaya 40:10

Ddawoona, Apwiya Mulluku enimawa wi elamulelle mwamasiva, olamulello ori m'mattani mwiwa. Enawa ni mallivellwiiwa, aahoolliha yoothuviiwa.

Yeremiya 39:17

Koma weyaano kineerewuuvullusa nllapo nenno nave khovelleelliwa wa athu oyo onawooveewe.