Genesis 14:20 - Mawu a Mulluku

²⁰ Atitimihiwe Mulluku Amasiva Mattheene oyo aweerihalle wi waagonjihe adanaawo.” Vaavo Abramu aavelleella wa Melkizedeki erive yaneekhumi ya ddeko ddittheddene aakhilleeye.

Genesis 14:20 ပူးပေါင်းရင်းမြစ်များ

Genesis 28:22

Nlluku na yawuupuwelliha kiimesilleeminna ninaakhalle enyumbaanyu nave miyaano kineerowinnyani yaneekhumi ya ddittheddene munaakivaheenyu.”

Malaki 3:10

Muweena o enyumbaaka yoosungellamo ddaneekhumi ddampuphullu wi okhalle ddoocha ddinchichi. Mukeese nave muneerewoona kuuhullellakani mawindo a oddullu ni owiithellellani madaliso manchichi. Mi Apwiya Amasiva Mattheene koollota.

Luka 18:12

Kinnahalla ocha* wiilli vamulunguni nave kinnavelleellattho yaneekhumi ya ddittheddene kiriimina.’

Genesis 24:27

Nave aallota wi, “Etitimihiwe Apwiya Mulluku a apwiyaaka Abrahamu, ayo esungalle moororomelleya lonjezo niwa wa apwiyaaka. Apwiya aakihoollella miyaano wa abale a apwiyaaka.”

Aefeso 1:3

Hankoni nimuthokoze Mulluku, Attiitthiiwa a Apwiihu Yesu Khrisitu! Vawi mu eyaattanweehu ni Khrisitu oonidalisa voonivahani ovenyera oddullu erive madaliso a Munepa.

Aroma 15:16

wi kikhalle oorumeyella a Khrisitu Yesu wa athu ayo ehiri Ayuda. Kinarumeyella wonanko mullupa mukutho kaallalleyaka othenga waphaama wa Mulluku wi athu ayo ehiri Ayuda ekhalle wonanko mukutho wawaakhelliwa ni Mulluku yaweellihiwa ni Munepa Waweella.

Malaki 3:8

Kinimuukohani wi ethiyo muthu ttuumwiiyera Mulluku? Komave nyuwaano munnakiiyera. Munnakoha wi, ‘Ninawiiyerani mwawiidde?’ Oweella mu yaneekhumaanyu ni ddoovelleella.

Amosi 4:4

“Waani o Betele, onipuroni naweella wi muchimwe, mwaanjerere ddoolakwa ddanyu o Giligala. Muweekena mikutho ddanyu orive ohinase ddaneekhumi ddanyu erive mallapo mararu.

Masalimo 144:1

Etitimiheye Apwiya, nlluku naka, ayo enahuddiha mattaaka ni eyaalla ddaka owana ekhoto.

Masalimo 68:19

Etitimiheye Apwiya Mulluku oovullusaahu, oyo anamutukhulla katundwaahu nllapo ni nllapo.

Masalimo 44:3

Alliwa kheyaawakhille ellapo voopharihani mutteko nsupada niwa, kheyaapambanille vakhotoni ekaamba ya masiviiwa. Koma yaagonjiha ekaamba ya masivaanyu, ekaamba ya owala wa ekhovaanyu vawi mwaahakallallana.

Nehemiya 13:12

Nave Ayuda attheene yaawaana ddaneekhumi dda othu, dda vinyo ni dda makhura o ezipinda ddoosungellamo ddeko.

Nehemiya 10:37

Nave nineerowaana wa allupa mukutho, mu ezipinda ddoosungellamo ddeko mu enyumba ya Mullukwaahu, othu wawoottowa wawaamba navettho emphaso ddahu ddimodda monga ezipaso dda orive muteekho, vinyo ni makhura. Nineerovelleellattho wa Alevi, emodda yaneekhumi ya ddeko dda m'matani mwahu vawi Alevi sika enatthukumaniha ddeko ddittheddene ddaneekhumi mu ezigawo ddahu ddittheddene.

2 Epilli 31:12

Vatulli viwa yaawaana moororomelleya ddoovelleellannddo, ddaneekhumi ni ddeko ddoopatuleya. Nave oohoollelliiwa muullupalli aari Konaniya Mulevi ni Shimei mwanamunne, oomuthwarellella.

Yoswa 10:42

Yoswa ahaagonjiha mamwene mattheenaalla ni ellapo ddiwa enthawi yeella ekaamba yawi Apwiya Mulluku a Aisraele sika aawanella ekhotweeyo.

Deuteronomo 14:28

Orive muyakha waneeraru muweekena ddaneekhumi dda ddoohata ddanyu dda muyakha yooyo nave muddisungeke vamodda m'muzi mwanyu.

Deuteronomo 14:23

Vatulli viwa muye mwakhalle va nipuro nimodda nno Apwiya Mullukwaanyu yaatthoollilliiwa. Nave ezigawo ddittheddenenndda dda tirigu, vinyo ni makhura a olivi vamodda ni dda anamwani awaamba a eziweto muchelle vamiitthoni va Apwiya Mullukwaanyu. Mweereke ddenndda wi muhuddere owoova Apwiya Mullukwaanyu enthawi ddittheddene.

Deuteronomo 12:17

Muhicheke m'mizi ddanyu yaneekhumi ya tirigwaanyu, ya vinywaanyu apaalle ya makhuraanyu a olivi. Wenkottho muhicheke erive ello eyo muvelleelleenyu wa Apwiya monga anamwani awaamba a eziweto ddanyu, ddoovelleella ddanyu ddoollupella, ddoovelleella dda opaalla wanyu apaalle emphaso ddanyu nnddo mulonjezilleenyu ovelleella wa Apwiya.

Numeri 28:26

“Va nllapo nawaamba na Ehakallallo ya Ddoohata Ddawaamba, Ehakallallo ya Milungu, muvelleelleke wa Apwiya mukutho wa tirigu musha, mweereke mutthukumano woopatuleya nave muhiphareke mutteko.

Genesis 9:26

Etitimihiwe Apwiya Mulluku a Shemu, Kanani akhalle kaporo a Semooyo.

Genesis 14:21

Nave mwene a o Sodomu aamuveka Abramu wi, “Ddeko ddittheddene mwaakhilleenyunndda muddisunge koma athwaakave yaalla mukinnye.”

Eksodo 18:10

Sika aallota wi, “Atitimiheni Apwiya ayo yuuvullusalleni wa Aiguputo ni wa Farao. Atitimiheni Apwiya ayo yaavullusalle athwiiwa wuukaporoni wa Aiguputo.

Genesis 47:24

Va enthawi yoohata muneerovelleella wa Farao erive yaneetthanu ya ddoohata ddanyunnddo nave ddittheddene ddoohallannddo ddinaakhalle ddaanyu. Ddimodda muddisunge mmiddo koma ddimoddannddo muche ni mabanjaanyu mattheene.”

Genesis 47:26

Sika Yosefe aakeraatthiha lamulo mu ellapo ettheene ya Iguputo wi erive yaneetthanu ya ddoohata enaakhalle ya Farao. Lamulo nenna nookhallawove ophiyera ollellova. Koma ellapo dda allupa mukuthove khaaddikusalle wi ddikhalle dda Farao.

2 Samuele 18:28

Vano Ahimaazi aakhuwa wa mwene allota wi, “Etitimiheye Apwiya Mullukwaanyu ayo yaavelleelle m'mattani mwanyu athu ayo yuuwukilalleni nyuwaano apwiyaaka amwene.”