Genesis 14:14 - Mawu a Mulluku

¹⁴ Abramu iiwalleeye wi mbalaaye oophariwa, ahaatthukumaniha akhoto. Attheenaalla vamodda yaarivo 318 nave yahaathwara mamwenaalle ettilla ettheene ophiyera o Dani.

Genesis 14:14 ပူးပေါင်းရင်းမြစ်များ

Oweeruza 18:29

Muzindooyo yaawuvaha nnddina nawi Dani okusella nnddina na nikhollo niwa, oyo aari mwaana a Israele. Koma nnddina na muzindooyo vawaamba naari Laishi.

Genesis 15:3

Khamukivahille anamwani vawi ddiiddo mmodda mwa allupa muttekwaaka sika anaahallena eyuumaaka.”

Oollalleya 2:7

Kahaakulla akaporo aallopwana ni aatthiyana. Kaakhallattho ni akaporo ooyarelliwa mpa mwaka. Kaakhalla ni eziweto waakhwaranya attheene yalamulelle o Yerusalemu khalle.

Deuteronomo 34:1

Mose aawella mwaango wa Nebo ovenyera o ntapo na Mowabu. Aaphiya otthoka wa mwaango wa Pisiga wookhumella nndduwa wa Yeriko. Nave wenko Apwiya yaamooniha ellapo ettheene ovenyera o Giliyadi ophiya o Dani,

Genesis 17:27

ni allopwana attheene, erive akaporo aallopwana ooyarelliwa mpa mwaye apaalle amodda aakullalleeye ni makobiri, attheenaayo yaaphaddiwa ni olliyooyo.

Genesis 17:12

Mumuphaddeke arive mwaana aamullopwana akwakhwana mallapo matthanu ni mararu. Mumuphaddeke arive mullopwana va mibado ddanyu ddittheddene, arive kaporo ooyariwa mpa mwanyu apaalle kaporo mwamukunlleenyu ni makobiraanyu.

Genesis 12:5

Abramu aamukusa mwaariye Sarai, Loti mwaana a mung'onong'onwaaye ni eyuumaaye ettheene ni akaporo aariiyena o Harani. Sika ahaamba olendo wooya o Kanani. Ephiyalle o Kanani,

1 Yohane 2:18

Anaaka, enthawi yoomalliha yohaatamella! Mwaalleelliwa wi Mudani a Khrisitu animawa. Koma vano adani a Khrisitu ahooneya khalle, sika vano ninnadduwella wi enthawi yoomalliha yohaatamella.

Masalimo 68:12

“Mamwene a milloko dda akhoto enimathawa, ddawoona enimathawa, vano atthiyana oohalla vaatte ennakawana ddawaakha okhotoni.

Oweeruza 20:1

Aisraele attheene yaatimulla waambeella o Dani ophiya o Beeresheba, owaakattho ellapo ya Giliyadi nave yaatthukumana vamiitthoni va Apwiya o Mizipa.

Genesis 23:6

“Niiweseseni, apwiya. Nyuwaano tti enduna yuullupalli variyari vaahumva. Amwaarinywaalla mwaavitthe mu erive mahame aphaama niriihuna. Khaavo muthu naari mmodda variyari vaahumva anaawiimaneni mahame niriihuna apaalle wuuvaanyihani waavitthamo amwaarinywaalla.”

Genesis 18:19

Koomutthoolla olliyoolla wi aalamule anaaye ni mabanjaaye amuhoollo wi yiiwellelleke mawaaka vaweerani ddaphaama ni ddoolungama. Yeera ddenndda, kineereweera ddittheddene kamulonjezilleemi.”

Genesis 13:8

Sika Abramu aamulleella Loti wi, “Hiyaano niri voobaleni, sika vihikhalle okangana variyari va weyaano ni miyaano, emoddamoddave yeeyo variyari va abusaawo ni abusaaka.

Genesis 12:16

Ekaamba ya Sarai, Farao aamweerella ddaphaama Abramu voomuvahani enkhosa, epuri, eng'ombe, abulu, ekamira* vamoddattho ni akaporo aallopwana ni aatthiyana.

Miyambo 17:17

Mukhwaawo annuukonda enthawi ddittheddene nave mwanamunno ayariwe wi uukavihereke mu ddookatamiha.

Genesis 14:12

Yaamukusattho Loti mwaana a mwanamunne a Abramu ni eyuumaaye ettheene vawi akhalla o Sodomu wenko.

Genesis 14:16

nave yaawaakha ddayiwa ddittheddene. Yaamwaakiherattho Loti, mwaana a mwanamunne ni ddaaye ddittheddene, opwesereravo atthiyana ni athu amodda attheene.

Genesis 17:23

Nllapo nenno Abrahamu ahiiwellella nnddo Mulluku amulleelleeye. Sika aamuphadda mwanaye Ishmaele ni akaporo attheene ooyarelliwa mpa mwaye apaalle akaporo aakullalleeye ni makobiri, okhulla mi allopwana attheene a mpa mwaye.

1 Mamwene 15:20

Mwene Benihadadi ahaakhullella ddallotiwe ni Asa. Sika ahaaruma oolamulella ekhoto ni akhotwiiwa wi yawane ekhoto mu mizinda dda o Israele. Nave yaagonjiha mizinda dda Iyoni, Dani, Abele Beti, Maaka ni ezigawo ddittheddene dda Kineroti ni Nafutali.

Yeremiya 41:12

ahaatthukumaniha athwaaye attheene aariiyena nave aaya woowana ekhoto ni olliye. Amuphwanyille o nthiya nuullupalli o Gibiyoni.

1 Samuele 30:19

Kheyiivo naari ello emodda yarimeellevo eng'onong'ono apaalle yuullupalli, anamwani aallopwana apaalle aatthiyana, eyuuma apaalle ni erive ello eyo yaakhiwe. Davide aawaana ddittheddene.