Genesis 11:7 - Mawu a Mulluku

⁷ Hankoni nikitthelle wenko wi navirikanihe ellotellwiiwa wi ehiiwananeke.”

Genesis 11:7 ပူးပေါင်းရင်းမြစ်များ

Masalimo 33:10

Apwiya ennatthattusa ddoohikhalla ni mutteko, ddoolinga dda athu a mitundu, maganizwiiwa mattheene ennaatthattusa oohikhalla ni mphuro.

Masalimo 55:9

Nyu Apwiya, virikanihani ollota wa adanaaka, vawi kinoona owukila ni ekhoto m'muzindanimmo.

Genesis 1:26

Vano Mulluku aallota wi, “Hankoni nimuphatuse muthu moophwanaphwana ni hiyaano, akhalle wonanko hiyaano. Alamulelleke ddamunyanja, epallame, eziweto, enama ddamuhakani ddawaapadda ddittheddene dda va ellapo yavatthi.”

1 Akorinto 14:23

Vano mpingo muttheene watthukumana vamodda nave arive muthu aamba ollota mu ellotello ddoohidduwanyeya nave athu oohikhulupilila apaalle athu amodda yavollowa, khellota wi nyuwaano tti allupaanepa?

Yeremiya 5:15

Nyu Aisraele, Apwiya eneerowaana akhoto oovenyera o ellapo yawoorekama. Olla tti mutundu wamasiva ni wakhallekhalle oyo ellotellwiiwa tti yeelleto nave khemunayidduwella.

Masalimo 2:4

Apwiya ayo eri oddullu, ennaattheya ni waanyaambusa.

Yobu 12:20

Annaweeriha ellapo tuu oororomelliwa, annawaakha attekweene odduwella.

Deuteronomo 28:49

Apwiya eneerewiithaniha mutundu wa athu ovenyera woorekama, wookomella ellapo yavatthi wi ollipane ni nyuwaano. Athu a mutundu oyo ellotellwiiwa muhinayidduwelleenyu eneerewuumorellani wonanko mpungu.

Yesaya 6:8

Vatulli viwa kahiiwa mawu a Apwiya awi, “Ethiyo kinaamurume aani? Ttaani anaayeewo munipuroni mwahu?” Nave kahaakhulla wi, “Kookhallavo, kirumeni miyaano!”

Genesis 42:23

Yosefe aaniiwa ddittheddene nnddo yallotiiwa koma alliwaayo kheyaadduwella kaambiiwa wi yallota ni olliye oyeella mwa oottaphullella.

Genesis 11:5

Vano Apwiya yaakittha wi yoone muzindooyo ni nttattha yamaka athwaayo.

Genesis 10:20

Alla sika anamwani a Hamu. Milloko ddiwa ddaari ddoohiyanahiyana navettho yakhalla mu ellapo ddoohiyanahiyana. Nirive nlloko nallota ellotello yayiwayayiwa.

Genesis 3:22

Apwiya yaallota wi, “Vano muthu ari wonanko hiyaano vawi annadduwella ddaphaama ni ddoonanara. Ahaakhullelliwe ocha ezipaso dda muteekho woovaha okumi wi akhalle ni okumi woohimalla.”

Genesis 10:32

Attheenaalla sika malloko a edduullu dda Nowa voothwarani oyariwa wiwa ni mitundu ddiwa. Nndda sika mitundu ddittheddene dda va ellapo yavatthi ddakhumalle mwa malloko a Nowa eviralle echigumula.

Genesis 10:5

Alla sika yaari makhollo a athu attheene ookhalla mukhwipi mwa enyanja. Alla sika anamwani a Yafeti. Mallokwiiwa yaari oohiyanahiyana navettho yakhalla mu ellapo ddoohiyanahiyana. Nirive nlloko nallota ellotello yayiwayayiwa.

Eksodo 4:11

Vano Apwiya yaamukoha Mose wi, “Ethiyo amuvahille muthu vayanoni ttaani? Ttaani anamweeriha muthu wi akhalle oohillota apaalle oohiiwa, awoona apaalle ohoona? Ethiyo ngihiyo mi Apwiya kineera ddennddo?

Yesaya 33:19

Khamuwa muwoonattho athu eepewaalle, a ellotello yoohidduwanyeya, yeelleto ni yoohiiweya.