Genesis 10:5 - Mawu a Mulluku

⁵ Alla sika yaari makhollo a athu attheene ookhalla mukhwipi mwa enyanja. Alla sika anamwani a Yafeti. Mallokwiiwa yaari oohiyanahiyana navettho yakhalla mu ellapo ddoohiyanahiyana. Nirive nlloko nallota ellotello yayiwayayiwa.

Genesis 10:5 ပူးပေါင်းရင်းမြစ်များ

Zefaniya 2:11

Vano Apwiya eneerowoopopiha, eneerewoononga milluku ddittheddene dda va ellapo yavatthi. Sika athu attheene eneerewaallapella Apwiya, arive muthu vanipuroni vaye, orive mutundu wa athu o ellapwiiwa.

Yeremiya 2:10

Khaweni woovollowa nndduwa, o echilumba ya Kitimu wi moone arumeni athu woovollowa nndduwa o Kedara wi yaashaashe. Nave muneerewoona wi ddenndda khaddineereyeke waambeella khalle.

Yeremiya 25:22

Yaakirumattho wa mamwene mattheene o Tiro ni Sidoni navettho wa mamwene a o ellapo dda mukhwipi mwa enyanja, sika wi

Yesaya 42:4

Khafookella apaalle otathilla murima ophiyera ekeraatthihalle echilungamo va ellapo yavatthi, ellapo ddawoorekama ddinatiyerella malamulwaaye.”

Genesis 10:20

Alla sika anamwani a Hamu. Milloko ddiwa ddaari ddoohiyanahiyana navettho yakhalla mu ellapo ddoohiyanahiyana. Nirive nlloko nallota ellotello yayiwayayiwa.

Yesaya 60:9

Ddenndda tti esitima ddoovenyera o ellapo ddawoorekama, dda o Tarishishi ddiri vahoollo. Ddinaakitthiha aniinyu ayo emukusalle siliva ni golide wi atitimihe nnddina na Apwiya Mullukwaanyu, ekaamba yawi Aweella Aisraele ahuuriihani.

Yesaya 59:18

Apwiya eneerewaallaka adaniiwa moollikana ni ddaweera ddiwa. Eneerewooniha owalli wa owaawukila nave eneerewaahokollosella ddoonanara adaniiwa vawi eneerewaallaka naari ookhalla mu ellapo ddawoorekama.

Yesaya 51:5

Kineeroowa mwawaakuva wi kiwoopolle athwaaka, enthawaaka yawaavullusa eri vakhuviru vawi meekhaaka kineerolamulella mitundu ddittheddene dda athu. Ellapo ddawoorekama ddinimakitiyera wi kiwe, enakitiyerella moororomella wi kaavulluse.

Yesaya 49:1

Nyu athu a o ellapo dda mukhwipi mwa enyanja, iwani, nyu athu awoorekama, apellani maaru. Apwiya yaakiithana kihinayariwe, yaakiromolla nnddina kiri m'mirimani mwa amoowaaka.

Yesaya 42:10

Muwiipelle Apwiya nchipo nanaanweene! Nyu ookhalla mu ellapo yavatthi ettheene, atitimiheni! Nyu ddoophatusiwa ddittheddene dda mu enyanja, ariiheni. Nyu ellapo ddawaatamella attheene ookhalla wenko wiipelleni.

Yesaya 41:5

Athu a ellapo dda mukhwipi mwa enyanja yohoona nnddo keerilleemi nave ahoopopiheya. Athu a omamallihello wa ellapo yavatthi ennatthukumella, ennasusella vakhuviru, ennawa.

Yesaya 40:15

Mitundu dda athu ddiri wonanko nidontho na maaddi m'munoni, wonanko nthupi shisha vasikoloni. M'mattani mwa Apwiya ezilumba tti ddoovevuwa wonanko nthupi.

Yesaya 24:15

Sika nyu a wookhuma nndduwa atitimiheni Apwiya. Athu ookhalla mukhwipi mwa enyanja athokozeni Apwiya Mulluku a Israele.

Masalimo 72:10

Mamwene a o Tarishishi ni a o ezilumba eneerowaana mituka navettho mamwene o Sheba ni o Seba eneerowaana emphaso.

Genesis 10:25

Ebere ahaayara anamwani aallopwana eelli, Pelegi (vawi va enthawaaye, athu a va ellapo yaakawaneya) nave mwanamunne aari Yokotani.

Genesis 10:4

Anamwani a Yavani yaari Elisha, Tarishishi, Kitimu ni Dodanimu.

Genesis 10:6

Anamwani a Hamu yaari Kushi, Iguputo, Puti ni Kanani.

Ezekiele 26:15

“Mi Apwiya kinuulleella we muzinda wa Tiro tti wi, ‘Mukhwipi mwa enyanja ni ezilumba ddineerotikheya vawiiwani omora wawo nave voowoonani oophoreya yiipullellaka ni athu yiiphiwaka variyari vawo.

Ezekiele 26:18

Vano ellapo dda mukhwipi mwa enyanja ddinnatthukumella ekaamba ya omora wawo. Alliwattho ookhalla mu ezilumba ennoova ekaamba ya omalla wawo.’ ”

Daniele 11:18

Vatulli viwa mwene oompoto aneerohella ekhoto ellapo dda mukhwipi mwa enyanja ni waagonjiha anchichi. Koma wiitukhulla wayenko oneeromallihiwa ni mmodda mwa akhoto muullupalli mwawi epewaaye eneeromuhokollweella.

Genesis 9:19

Anamwani a Nowa araru yaalla sika makhollo a athu a va ellapo yavatthi ettheene.

Genesis 10:32

Attheenaalla sika malloko a edduullu dda Nowa voothwarani oyariwa wiwa ni mitundu ddiwa. Nndda sika mitundu ddittheddene dda va ellapo yavatthi ddakhumalle mwa malloko a Nowa eviralle echigumula.

Deuteronomo 32:8

Mvo Amasiva Mattheene akawenlleeye ezigawo mitundu ddimodda, mvo aamwallanihalleeye athu, ahaahiyera malire moollikana ni waata wa athu a Mulluku.

Estere 10:1

Mwene Ahasuwero aanakhomiha musonkho mu omwenaaye ottheene ni owaakattho ezilumba.

Yesaya 11:11

Nllapo nenno Apwiya eneerottaphurusa mattiiwa waneepiilli wi ewoopolle athwiiwa oohalla o Asiriya, o Iguputo, o Patirosi, o Kushi, o Elamu, o Babiloni, o Hamati ni va ezilumba dda mu enyanja.