Genesis 1:7 - Mawu a Mulluku

⁷ nave nndda ddaheereya. Sika Mulluku aaphatusa yoohiyaniha maaddi, waahiyaniha maaddaayo wi amodda ekhalla vatthi va yoohiyaniheeyo amoddaayo vaddullu viwa.

Genesis 1:7 ပူးပေါင်းရင်းမြစ်များ

Masalimo 148:4

Nyu mirapo ddamuddullu, nyu maaddi amuddullu, atitimiheni!

Mateyu 8:27

Athu attheene yaari mukallawanimmo yaattikhina, ellota wi, “Muthu yoolla tti awiidde? Naari ephevo ni maaddi ddinnamwiiwellella.”

Genesis 1:9

Vano Mulluku aallota wi, “Maaddi a vatthaalla etthukumane vamodda wi mutunda okhallevo,” nave nndda ddaheereyella mwemmo.

Yobu 26:8

Annaamaka maaddi m'miraponi ddaye, miraponnddo kheddinaphulleyana.

Genesis 1:15

Nave ddoomolleellanndda ddikhalle oddullu wi ddimolleelleke ellapo yavatthi.” Nave nndda ddaheereyella mwemmo.

Oollalleya 11:3

Mirapo ddakhalla ni maaddi murimu annarupa. Muteekho wiikuhella omwera apaalle ompoto onaakonaatthelle wenko.

Genesis 1:24

Vano Mulluku aallota wi, “Va ellapo yavatthi vikhalle ddoophatusiwa dda mitundu ddoohiyanahiyana moollikana ni mitundu ddiwa. Vikhalle eziweto, ddawaapadda ni enama ddamuhakani moollikana ni mitundu ddiwa.” Nave nndda ddaheereyella mwemmo.

Genesis 1:11

Sika Mulluku aallota wi, “Ellapo ekhalle ni ddoomella ddoohiyanahiyana ddookhalla ni mmiddo navettho miteekho dda ezipaso ddookhalla ni mmiddo moollikana ni mitundu ddiwa.” Nave nndda ddaheereyella mwemmo.

Masalimo 104:10

Munnaakhumiha aneetuutu muntaponi, mihinje ddinneeta variyari va miyaango,

Genesis 1:8

Yoohiyaniheeyo aayiromolla “Oddullu”. Nave waakhalla misikuwa navettho waakhalla ohinase, nllapo naneepiilli.

Masalimo 19:1

Ddooddullu ddinnallalleya otitimiheya wa Mulluku, omiraponi onnooniha mitteko dda mattaaye.

Masalimo 19:2

Orive otthaana onnatthopoollella ddenndda otthaana woothwarellella, orive mahiiyu onnalleella ddenndda wa mahiiyu oothwarellella.

Masalimo 136:5

Yaaphatusa ddooddullu ni ezeru ddiwa, echikondiiwa yoohisintheya tti ya enthawi yoohimalla.