Genesis 1:28 - Mawu a Mulluku

²⁸ Ahaadalisa athwaayo vawaalleellani wi, “Muyarane wi mwaate, muddalle va ellapo yavatthi wi muyilamulelleke. Mulamulelleke va ddamunyanja, epallame ni enama ddittheddene ddinakhalla va ellapo yavatthi.”

Genesis 1:28 ပူးပေါင်းရင်းမြစ်များ

Genesis 9:1

Mulluku aamudalisa Nowa ni anaayeene voollotani wi, “Muyarane wi mwaate nave muddalle va ellapo yavatthi.

Genesis 9:7

Vano Mulluku aamudalisa Nowa wi, “Muyarane wi mwaate nave muddalle va ellapo yavatthi.”

Levitiko 26:9

Kineerowuupuwellani nave kineeroweerihani wi mwaayare anamwani anchichi ni oweerihani wi mwaate. Kineerosunga echipanganwaaka ni nyuwaano.

Genesis 1:22

Aaddidalisa voollotani wi, “Muttotthollane wi muddalle munyanja nave epallamettho ddiddalle va ellapo yavatthi.”

Yesaya 45:18

Apwiya ayo yaphatusalle ddooddullu, Mulluku oyo oopille ni ophatusa ellapo yavatthi, ayikeraatthiha mwamasiva, khaayipangille wi muhikhalle ello koma wi ekhalle nipuro nookhallamo athu, enallota wi, “Mi sika Apwiya, khaavottho mmodda.

Genesis 17:20

Koma ollota dda Ishmaele, miyaano koowiiwa weyaano nave ngoona, kineeromudalisa voomuvahani edduullu ddinchichi. Anaakhalle attiitthiiwa a mamwene khumi ni eelli nave edduullu ddaye ddinaakhalle mutundu muullupalli.

Genesis 8:17

Khumiha ddookumi ddittheddene, erive enama, erive epallame ni erive yawaapadda wi ddittotthollane nave ddiddalle va ellapo yavatthi ettheene.”

Masalimo 107:38

Ekaamba ya madaliso a Apwiya, athwaayo yahaata wunchichi, eziweto ddiwa kheddaayeville.

1 Epilli 4:10

Yabezi aavekella wa Mulluku a Israele wi, “Mukidalise nave muyinnuwihe ellapwaaka. Nnatta nanyu namasiva nikhalle ni mi nave mukisunge wi yoonanara ehikimorelle ni okihoosa.” Sika Mulluku aamuvaha nnddo avekilleeye.

Genesis 26:24

Mahiiyu Apwiya yaamooneyella nave yaamulleella wi, “Mi tti Mulluku a attiittho Abrahamu. Ohoove vawi miyaano kiri ni weyaano. Kineerewuudalisa nave kineerewuuvaha edduullu ddinchichi ekaamba ya oorumeyellaaka Abrahamu.”

Genesis 17:16

Olliyoolla kineeromudalisa nave kineerewuuvaha mwaana aamullopwana oweella mwa olliye. Kineeromudalisa nave anaakhalle moowe a mitundu ddittheddene dda athu. Variyari va edduullu ddayennddo vineerokhuma mamwene.”

Genesis 49:25

Mulluku a attiittho anuukavihera, Mulluku Amasiva Mattheene sika anuudalisa. Annudalisa ni murimu oovenyera muddullu, ni maaddi ootuulla ovenyera vatthi va ethaya. Nave aneerewuudalisa vawuuvahani anamwani anchichi ni eng'ombe ddinchichi.

1 Epilli 26:5

Amiyele, Isakara ni Peuletai vawi Mulluku aamudalisa Ebedi Edomu.

Genesis 33:5

Esau atukhullalle miittho, aawoona atthiyana ni anamwanaalle nave aakoha wi, “Athu alla eri ni weyaano tti awani?” Yakobo ahaakhulla wi, “Apwiyaaka, alla tti athu ayo Mulluku akivahilleeye mwa echifundwaaye.”

Genesis 24:60

Nave yaamudalisa Rebekooyo voollotani wi, “Weyaano murokorihu, Apwiya yuudalise wi okhalle moowe a athu awaata wunchichi. Edduullu ddawo ddineerewaagonjiha adaniiwa.”

Masalimo 69:34

Oddullu ni ellapo yavatthi, enyanja ni ddittheddene ddiri mwemmo ddaatitimihe alliwa.

Yobu 42:12

Apwiya yaamudalisa Yobu va mamallapwaaye oomallihella okhwaranya awaamba vawi aakhalla ni enkhosa 14,000, ekamira* 6,000, eng'ombe ddamutteko 2,000 ni abulu aatthiyana 1,000.

1 Timoteo 4:3

Athu yaayo enahuddiha wi khe waphaama otthella, otthelliwa apaalle ocha ddoocha ddimodda. Koma Mulluku aaphatusa ddoocha ddennddo wi ayo enakhulupilila ni odduwella yawoona, echeke vatulli va nivekello noothokoza.

Genesis 5:2

Ahaaphatusa mullopwana ni mutthiyana nave ahaadalisa ni waavaha nnddina nawi, “Muthu”).

Masalimo 8:6

Moomuvaha olamulello va mitteko dda mattaanyu, moohiya ddoophatusiwa ddittheddene vatthi va manyallwaaye

Genesis 6:1

Mvo athu yaambilliiwa woonjerereya va ellapo yavatthi nave mvo anamwalli yayariwiiwa,

Yobu 39:11

Ethiyo ttuuroromella enari ekaamba ya masiviiwa, apaalle ttuuyihiyera muttekwaawo?

Masalimo 8:7

enkhosa, eng'ombe ni enama ddittheddene ddamuhakani,

Masalimo 115:16

Oddullu tti wa Apwiya, koma ellapo yavatthi aayivaha wa athu.