Genesis 1:27 - Mawu a Mulluku

²⁷ Sika Mulluku ahaaphatusa athu, mullopwana ni mutthiyana, moophwanaphwana ni olliye.

Genesis 1:27 ပူးပေါင်းရင်းမြစ်များ

Mateyu 19:4

Yesu ahaakhulla wi, “Khamweerengille mawu a Mulluku awi oyo aaphatusalle athu, vawaamba ahaaphatusa mullopwana ni mutthiyana?

Aefeso 2:10

Vawi Mulluku aaneera mwawi ddiidda nave mu eyaattano ni Khrisitu Yesu aaniphatusa wi neereke ddaphaama mu okumaahu, nnddo aakhozilleeye moovallallella.

Mariko 10:6

Koma Vawaambawaamba va ophatusa, ‘Mulluku ahaaphatusa athu, mullopwana ni mutthiyana.’

Aefeso 4:24

Nave munaphwanella muware makhallello anaanweene, ayo enaphatusiwa moophwanaphwana ni Mulluku nave makhallellwaalla enuupullulleya oyeella vawoonihellani okumi wa echilungamo ni waweella.

Masalimo 139:14

Nyu awoopiha ni oottikhiniha, kinnuutitimihani, munnakidduwellesesa phaama, mitteko ddanyu tti ddoottikhiniha, murimaaka onnayidduwella yeella.

Yesaya 43:7

arive muthu oyo anadduwelliwa ni nnddina naka, oyo kamphatusalleemi ekaamba ya ntitimiho naka, oyo kamoopilleemi ni ompanga.”

Akolose 1:15

Khrisitu tti yoophwanaphwanihella yawooneya ya Mulluku oohooneya. Olliye tti Mwaana aamullopwana awaamba, muullupalli a ddoophatusiwa ddittheddene.

Malaki 2:15

Ethiyo Mulluku khaaweeriheni wi mukhalle mwiilli mmodda owaaka munepa ni alliwa? Ethiyo yoolingaaye yaari tini vaweerani ddenndda? Yaari yawi mukhalle ni anamwani ayo eri athu a Mulluku. Sika onesesani wi ahikhallevo naari mmodda a nyuwaano oyo oohiroromelleya wa mwaariye.

Genesis 2:18

Sika vano Apwiya Mulluku yaallota wi, “Khe phaama wi mullopwana akhalle yeekha. Kineeromupangella mukhwaaye wi amukavihereke.”

Akolose 1:26

yeeyo tti yookhuweya ahimulleelleeye arive muthu khalle koma vano ohuupullulla wa athwaaye.

Akolose 3:10

nave moowara makhallello anaanweene. Nyuwaano tti anaanweene, ayo Mulluku oophatusa, anavirellella wuupotokosani mwanaanweene mu maphwanaphwaniho a yeekhaaye wi mumudduwellesese olliyooyo.

Genesis 9:6

Arive muthu oomwiipha muthu, nayeenettho aneerewiiphiwa ni muthu vawi muthu aphatusiwe moophwanaphwana ni Mulluku.”

Deuteronomo 4:32

“Ngakohani dda mallapo akhalle nyuwaano muhinayariwe waambeella nllapo nne Mulluku amuphatusalleeye muthu va ellapo yavatthi. Nave ngaashaashani va ellapo yavatthi ettheene vaarimi viri ello yuullupalli wonanko yeella yeereyillekevo va ellapo yavatthi apaalle aarimi arivo muthu oyo aambilleke wiiwa ddenndda.

Oollalleya 7:29

Kaddiphwanyilleemi tti ddawi Mulluku voomuphatusani muthu aamuvaha murima woolungama koma athu enathwara ettilla ddayiwaddayiwa ddinchichi.

Genesis 2:7

Sika vano Apwiya Mulluku yaakusa ethaya ovenyera vatthi nave emoopa muthu ni ethayeeyo. Yaamuviddeellella mphunani mpweya woovaha okumi nave muthooyo aakhalla ni okumi.

Oweeruza 21:22

Vano attiitthiiwa apaalle arokoriwa yaawa enakhupanya, hiyaano nineerowaalleella wi, ‘Pepaani, naakhullelleni wi naakuse vawi athwaalla khanaaphwanyelle atthiyana voowanani ekhoto navettho nyuwaano khamurimawinnya atthiyanaayo. Mwaariki nyuwaano muwinnyalle neereweera wi moochimwa.’ ”

Yeremiya 29:6

Tthellani wi mwaayare anamwani aallopwana ni aatthiyana. Anamwani aallopwana mwaatthoollelle atthiyana nave anamwani aatthiyana mwaatthoollelle allopwana wi yaayare anamwani aallopwana ni aatthiyana. Sika mwaate wenko nave muhiyeve.