Genesis 1:16 - Mawu a Mulluku

¹⁶ Vano Mulluku aaphatusa yoomolleella yuullupalli, nndduwa wi nilamuleke voomolleellani otthaana. Aaphatusattho yoomolleella eng'onong'ono, mweeri wi olamulelleke voomolleellani mahiiyu. Aaphatusattho etheneeri.

Genesis 1:16 ပူးပေါင်းရင်းမြစ်များ

Deuteronomo 4:19

Muchenjere wi mwaweha oddullu ni woona nndduwa, mweeri, etheneeri ni ddittheddene ddooddullunko, murimaanyu ohikuseye ni waamba ollapella ni orumeyella ddeko nnddo Mullukwaanyu aavahilleeye athu amodda attheene a va ellapo yavatthi.

Masalimo 8:3

Kaawehaka oddullu nko mwapangilleenyuwo, mweeri ni etheneeri mwaddiikaatthilleenyuwo

Yesaya 40:26

Tukhullellani miitthwaanyu muwehe muddullu! Ethiyo ttaani aphatusalle etheneeri munooneenyunndda? Olliye sika anaddihoollella wonanko mulloko wakhoto, erive etheneeri annayiithana nnddina niwa. Vawi ekophollo ni masivaaye tti dduullupalli, kheyiivo naari emodda enaramavo.”

Masalimo 148:5

Ddittheddenennddo ddititimihe nnddina na Apwiya! Vallethi yaalamula nave ddaaphatusiwa.

Masalimo 74:16

Mwaaphatusa otthaana ni mahiiyu, mwaahiya nndduwa ni mweeri m'mapuroni mwiwa.

Masalimo 148:3

Nyu nndduwa ni mweeri, atitimiheni, nyu etheneeri ddittheddene ddoowala, atitimiheni!

Yobu 38:7

Valle etheneeri ddoohinase ddiipiiwa vamodda nave anamwani aallopwana a Mulluku yakhuwiiwa moohakallalla?

1 Akorinto 15:41

Nndduwa nookhalla ni owala wiwa, mweeri wookhalla ni owala wayiwawayiwa nave etheneeri ddookhalla ni owala woohiyana; navettho vookhalla owala woohiyana variyari va etheneerinnddo.

Mateyu 27:45

Waambeella 12 koloko otthaana ophiyera 3 koloko waakhalla epiphi mu ellapo ettheene.

Habakuku 3:11

Nndduwa ni mweeri muddullu ddahiimella ooheeta ddoonille osherima wa mipaamba ddanyu ddoothamaka ni onyezimella wa mavakaanyu oowala.

Yesaya 45:7

Kinnaphatusa owala ni epiphi, kinnawiiha madaliso ni otulli. Mi Apwiya kinneera ddittheddenenndda.

Yesaya 13:10

Vawi etheneeri ddittheddene ddooddullu khaddiwala. Nndduwa nineeroripa vookhumani nave mweeri khowala.

Masalimo 19:6

Ninnakhuma ovenyera waambenlle eddullu, naapheella naphiya okomelle eddullu, kheyiivo ello enaawore othawa oviha wiwa.

Yawuupullulla 21:23

Khewaapaalleyettho wi m'muzindanimmo mukhalle nndduwa apaalle mweeri wi ddimolleellekemo kaambiiwa ntitimiho na Mulluku sika owala nave mwaanaankhosa sika enyaaliiwa.

Yesaya 24:23

Mweeri oneeronyaalla nave nndduwa nineerowulliwa muru vawi Apwiya Amasiva Mattheene enaakhalle mwene. Eneerolamulella va mwaango wa Ziyoni ni o Yerusalemu nave eneerewooniha ntitimiho niwa vamiitthoni va attekweeniiwa.

Yobu 31:26

Nginallapelleke nndduwa noopaka apaalle mweeri owanle mooreera.

Mateyu 24:29

“Enthawi yeeyo ddamalla ddoohoosa dda mallapo yaayo, nndduwa nineerothiima nave mweeri khowala, etheneeri ddineeromora ovenyera oddullu nave masiva a muddullu eneerotikhiwa.

Genesis 1:15

Nave ddoomolleellanndda ddikhalle oddullu wi ddimolleelleke ellapo yavatthi.” Nave nndda ddaheereyella mwemmo.

Yeremiya 31:35

Apwiya ennoopiha nndduwa otthaana, ennawalihattho mweeri ni etheneeri mahiiyu. Ennaviddulla enyanja, wi mafundiiwa enyakulle, nnddina niwa tti Apwiya Amasiva Mattheene.