Filemoni 1:24 - Mawu a Mulluku

²⁴ Nave Mariko, Aristariko, Dema ni Luka, oomurumeyella Khrisitu akhwaaka, ennuuvahattho mooni.

Filemoni 1:24 ပူးပေါင်းရင်းမြစ်များ

Akolose 4:14

Luka, mullupa muretaahu ookondiwa ni Dema enuuvahani mooniiwa.

Akolose 4:10

Aristariko, oyo ari mundende ni miyaano, anuuvahani mooni. Navettho Mariko mullamwaaye a Baranaba anallota wi mooni. Mohaakhella khalle malangizo oomwaakhellella Mariko aphiya wenko.

Mitteko 19:29

M'muzindani mutthemwene mulle mwahaanganyereya nave yahaaphara alleto eelli Gayo ni Aristariko ayo yawiille ni Paulo ovenyera o Masedoniya ethamakellana o nthato na mattheella.

Mitteko 12:12

Adduwenlleeye ddenndda, aaya o enyumba ya Mariya, amennya a Yohane Mariko nko athu anchichi yatthukumanniiwa evekellaka.

Mitteko 27:2

Nawenlle ekallawa yoovenyera o Adramutiwo, eyo yaari vakhuviru otimulla wi eyeeke o madoko o echigawo ya Asiya* nave naatimulla. Naari ni Aristariko mu Masedoniya, oovenyera o Tesalonika.

Mitteko 12:25

Baranaba ni Saulo yamallihalliiwa muttekwiiwa yaahokollowa ovenyera o Yerusalemu, emukusalle Yohane Mariko.

3 Yohane 1:8

Sika, hiyaano ookhulupilila ninaphwanella waakavihera athu yaalla wi niphareke mutteko nimodda voovuwihani yawoona.

Afilipi 4:3

Nave weyaanottho, mukhwaaka oororomelleya, kinapaalla wi waakavihereke atthiyanaalla; vawi aallipihella ophara mutteko woovuwiha othenga waphaama ni miyaano, vamodda ni Kilementi ni allupa mutteko akhwaaka attheene, ayo manddiniiwa eri mu nibukhu na akumi.

Afilipi 2:25

Kooganiza wi tti woopaalleya wuuhokollosellani mwanamunnaka, Epafrodito, oyo aphanre mutteko ni owanana ekhoto vamodda ni miyaano nave oyo arumihiwe ni nyuwaano wi akikavihere.

2 Akorinto 8:23

Ollota dda Tito, yoolla tti mukhwaaka oopharana mutteko ni miyaano wuukaviherani nyuwaano. Asinnaka amodda ayo eneeta ni olliyooyo erumiwe ni mipingo nave enamutitimiha Khrisitu.

Mitteko 13:13

Vano Paulo ni akhwaaye yaheeta vakallawani ovenyera o Pafosi yaphiya o muzinda wa Perga, mu echigawo ya Pamfuliya nave eri wenko Yohane Mariko ahaahiya ahokollweella o Yerusalemu.

1 Petro 5:13

Akhwiinyu a mumpingoni wa o Babiloni ootthoolliwattho ni Mulluku navettho Mariko oyo ari wonanko mwanaka, ennuuvahani mooni.