Filemoni 1:20 - Mawu a Mulluku

²⁰ Sika, mwanamunnaka, okeerelle echifundo ekaamba ya Apwiya. Okillipihe murima wonanko mwanamunnaka ekaamba ya Khrisitu.

Filemoni 1:20 ပူးပေါင်းရင်းမြစ်များ

3 Yohane 1:4

Khayiivo enakihakallalliha ohiyana ni wiiwa wi anaaka ennathwara yawoona.

Filemoni 1:7

Vawi mwanamunnaka, echikondaawo yookihakallalliha ni okillipiha murima wunchichi! Nave wohaallipiha mirima athu a Mulluku.

Filemoni 1:12

Kinimamurumiha omuhokollosella wa weyaano, wonanko kinarumiha murimaaka.

1 Yohane 3:17

Athu eeyuuma yamoona mwanamunniwa apaalle murokoriwa oohoowa nave emummella murima, kheworattho ollota wi ennamukonda Mulluku.

Aheberi 13:17

Muwiiwellelleke oohoollellaanyu ni waagonjera vawi alliwa ennawehera mirima ddanyu enthawi ettheene vawi eneerotthopoolla mitteko ddiwa vamiitthoni va Mulluku. Mwawiiwellella eneerekophara muttekwiiwa moohakallalla. Mwaaheera ddiiddo, eneerokhumuwa nave kheyuukaviherani nyuwaano.

Afilipi 4:1

Sika vano, asinnaka ni arokoraka nyuwaano tti ookondiwaaka nave kohuukhallellani munkhella. Munnakihakallalliha nave kinnuukotellani. Asinnaka ni arokoraka imellani moohitikheya mu eyaattano ni Apwiya.

Afilipi 1:8

Mulluku sika ari mbonaaka wi kinallota ddawoona kaallotaka wi munkhellaaka va nyuwaano tti woovenyera mu echikondi ya Khrisitu Yesu.

2 Akorinto 7:13

Ella sika ekaambiiwa ninallipihiweehu murima. Khe ollipihiwa murimave komattho ohakallalla wa Tito waanihakallalliha kaambiiwa nyuwaano mwaamukeraatthiha murima.

2 Akorinto 2:2

Ethiyo kuuvoriihani murima nyuwaano, anaakihakallallihe ttaani? Vawi tti nyuwaanove munawora okihakallalliha miyaano.

1 Akorinto 16:18

Nave yaakillipiha murima, wonanko mmo yuullipihalleewani. Athu yaalla enaphwanella waavaha olemu.